لو حبيت ادور على عربية مسروقة ادور فين

**medo2o1o** · 21-04-2011 06:29 PM

زى ما العنوان بيقول
يا ريت يا جماعة تساعدونى عشان نازل مع صاحبى ندور على عربيته المسروقة برجاء سرعة الرد

**mr_vampire** · 22-04-2011 01:07 AM

تحت الكباري فالمناطق المهجورة. وربنا يردهالكو بسرعة ان شاء الله

**fineart607** · 22-04-2011 01:20 AM

لا حول ولا قوة الا بالله الموضوع انتشر والله صاحبى كانوا هيسرقوا عربيته وربنا نجاه هو والعربيه

لا حول ولا قوة الا بالله

**medo2o1o** · 22-04-2011 01:27 AM

لسة راجع من شوية و رحنا شفنا الجيش الاماكن اللى شايل فيها العربيات اللى لاقاها للاسف ملقينهاش
بس حصلى موقف حرقلى دمى
بسال ظابط داخلية لو الشرطة لاقت العربية ايه اللى هيحصل راى قاللى قلتله شكرا و كنت هامشى لاقيته بيقوللى معلش دى مكاسب 25 يناير و بيضحك
طبعا مشفشتش قدامى و قلتله اصلكم $^&%$$ ولو كنتوا رجالة مكنتوش جريتوا يوم 28 و سيبتوا البلد بتولع ماهو طبعا كنتوا ايام البيه متظبتين لكن دلوقتى بتاخدوا على دماغتكوا يا %&*%
و اصحابى شالونى منه بالعافية و طبعا محكيلكومش منظر الظابط كان ايه و هو بيقوللى انت ازاى بتكلمنى كدة
جه ظابط بنسر على الكتافات بيقوللى ميصحش و عيب حضرتك احنا موجودين عشان امن حضرتك و تحت امرك و الكلام ده
قلتله الظابط المحترم اخويا و صاحبى و على دماغى من فوق لكن الظابط $#%^ اللى يقوللى ادى مكاسب 25 يناير اكنه بيشمت فيا فده على ............
الظابط ابو نسر هدانى وقاللى معلش هو بيهرج معاك و انا مقدر زعلك على العربية و عشان كده مش هتخذ معاك موقف عشان كدة حضرتك بتتعدى على ضابط اثناء تادية وظيفته و حضرتك لازم تحترم القانون
طبعا الظابط ده ثبتنى و اعتذرتله -ابو نسر- و مشيت

دلوقتى ابو نسر ده رتبته ايه عايز اعرف عشان كان محترم بزيادة و كسفنى

**ahmedamr** · 22-04-2011 01:32 AM

يا باشا انزل الحرفيين بلغ الناس بتوع قطع الغيار والميكانيكية بمواصفات الحاجة بتاعت عربيتك وتسيبلهم رقم تليفون لو شكو فى حد بيبيع حاجة مش عارف قيمتها من نفس المواصفات
انا واحد قريبي اتسرقت عربيتة قبل كدة ورجعت بنفس الكلام واحد ميكانيكى معرفة جالة واحد بيبيعلة كربراتير ومش عارف هو عايز فية كام لانهم بيفكو ويبيعوا قطع غيار بس الكلام دة قبل الثورة
وربنا يوفقك انشاء الله وتلاقيها بسرعة

**EngAhmedSayed** · 22-04-2011 12:25 PM

ابو نسر ده يبقى رتبة رائد
هو لسه فى ظباط بجحه يتكسفو على دمهم
هما اصلا ايه قلى خاله ظابط البلد
اتصرف عليه من قوت الشعب
بياخد مرتبه منين من ضراءب يعنى قوت الشعب
بيركب عربيه منين ثمنها ضرائب قوت الشعب
و فى الاخر كانو بيضربو و بيهنو الشعب و هما قاعدين حسبى الله و نعم الوكيل
يعنى احنا قلى كنا بنصرف عليهم و هما شغالين عندنا بياخدو الراتب بتاعهم من الضرئب علشان يخدومنا احنا و يحفظو على امن البلد
لما كان بيقولك على ثورة 25 يناير
كنت قوله اتعاملت علشان قلى زيك و سيبه و امشى
ربنا يعطرك بعربيتك بس رجاء انتا مذكرتيش عاملت محضر و له لا للحد ياخد العربيه و يعمل بيها مصيبه يبقى انتا مبلغ و فى الامان