عرض للطباعة
السلام عليكم ورحمة الله وبركاتة
محتار بين هوندا سيفيك وفولكس فاجن جيتا
اللون ان شاء الله اسود
عايز اعرف الافضل من ناحية كل حاجة لانى ناوى اشترى يوم السبت ان شاء الله
الافضل فالثبات على السرعات العالية والافضل فااستهلاك البنزين ومن ناحية الكماليات ومن ناحية الفخامة واى عربية فيهم برستيج اكتر واى عربية فيهم مش همل وهزهق منها بسرعة واى عربية فيهم مريحة اكتر لانى بسافر كتير جدا مسافات مثل شرم وغيرها
الاتنين احسن من بعض بصراحه بس انا أفضل السيفيك لانها رياضيه وشبابيه اكتر من الجيتا ومن ناحيه السرعه السيفيك احسن و من ناحيه البرستيج الاتنين شياكه بس الجيتا قيمه لغير الشباب
واتمنى قبول ردى المتواضع
السلام عليكم في الأول
لو حضرتك حصرت أختياراتك في العربيتين دول أسمحلي أوضح الأتي من واقع خبرة بسيطة
بالنسبة للجيتا الأول انت حتجيب الشكل الحالي المعروف بالفتيس الجديد ال7 نقلات ولا حتجيب الشكل الجديد ( مش عارف نزل مصر ولا لسة ) لأن لو حتجيب الشكل الحالي حقولك أستني أحسن و هات الشكل الجديد
http://www.nileup.com//uploads/image...9e2a09d7d3.jpg
http://www.nileup.com//uploads/image...6d1b47e2dc.jpg
http://www.nileup.com//uploads/image...e1ce8d10fc.jpg
الشكل الجديد حيكون
http://www.nileup.com//uploads/image...c50c72d2a1.jpg
http://www.nileup.com//uploads/image...65edb246a2.jpg
اhttp://www.nileup.com//uploads/image...f0b62ed3b3.jpg
المفروض الشكل الجديد ده نزل بره خلاص بس مش عارف جه مصر ولا لأ
العربية الجيتا مع صديقي الأنتيم من 2008 خليجي الفتيس 6 سرعات ( لونها أسود ) جنط 17 و بستعملها معاه معظم الوقت
هي عربية تحفة ايجابياتها من وجهة نظري صالون واسع / شنطة خلفية كبيرة جدا أكتر من 550 لتر / عفشتها مريحة و ثابتة جدا في السفر و حتي سرعة 200 كم عن تجربة / موفرة جدا جدا في البنزين / تجهيزاتها و كمالياتها ممتازة / هي واطية بس اعلي نسبيا من السيفيك / صيانتها بنعملها في جسر السويس خلف حديقة بدر عند ناس متخصصة ( عمرنا ما دخلنا بها التوكيل )
سلبياتها برضه من وجهة نظري و ممكن تكون حاجة عادية عند غيري
صياناتها مكلفة جدا ( حوالي 5000 جنيه صيانة 80000 برة التوكيل ! ) زيت الفتيس لوحده حوالي 1300 جنيه و فلتر البنزين حوالي ألف جنيه / طبعا ارتفاعها منخفض فبتحك في كل المطبات تقريبا / سحبها مش سريع و أن كان وضع السبورت او الستيبترونيك بيعمل فارق كبير في الأداء / عفشتها مكلفة ( ربنا يسلم و ماتحتاجش تغير حاجة فيها و هي معمرة ) / القنطرة الرئيسية اللي شايلة الموتور و الفتيس ألومنيوم و بداخلها حساس الأيرباج ( تخاف من البلاعات العالية عشان ممكن تفتح أير باج و العربية سليمة )
بالنسبة للسيفيك
معلوماتي عنها محدودة بتجربة مرة ولا أتنين و ملاحظاتي عليها
أداء ممتاز من ناحية السحب ممكن تكون أفضل من الجيتا بس مجربتش سرعات عالية ( السيفيك فتيسها 5 نقلات علي حد معلوماتي )
بس بمقارنة الصالون أعتقد الجيتا أوسع / الشنطة الخلفية حوالي 380 لتر فقط ( اكيد الجيتا أكبر ) / و طبعا واطية جدا علي الطريق ( أوطي من الجيتا )
في الأخر لازم تاخد في الأعتبار استعمالك أنت حيكون أيه و عاوز أيه من العربية و في المجمل سعر أعادة البيع متقارب بس أعتقد الجيتا ممكن تكون مطلوبة أكتر شوية
و نصيحة أخوك اللون الأسود متعب جدا جدا في بلدنا المتربة دي لدرجة ان الواحد بيكون لسة غاسل العربية و بعدها بدقائق تلاقيها تربت تاني
العربيتين بقوا شكل قديم
الجيتا نزلت خلاص
والسيفيك على وشك او تقريبا برده نزلت
السيفيك سحب اعلى وسرعه قصوى اكبر
الجيتا اريح ومرتفعه اكتر و شنطتها اوسع واوبشن اكتر
بشكل عام... رأي الجيتا أفضل
لكن هتفرق اكتر انت بتفكر في اي فئه بالظبط؟؟؟ يعني هاي لاين ولا اقل سواء جيتا او سيفيك؟؟؟
اقتباس:
المشاركة الأصلية كتبت بواسطة blazer
اسمحلي اعلق على نقطه بسيطه يا باشا بعد اذنك...
الجيتا مش اعلى من السيفيك عن الأرض.. العكس تماماً, لكن اللي بيفرق و بيخلي الناس تحس
ان الجيتا مش بتحك زي السيفيك في مطبات و خلافه (قــاعدة العجلات)... في السيفيك
قاعدة العجلات اكبر من الجيتا بفرق ملحوظ جداا, و بالتالي بتحس انها اقرب للأرض
لانها ممكن تحك في مطب مثلاً, لكن كارتفاع حقيقي عن الأرض, الجيتا اوطى من السيفيك :))
تحيــاتي...
اقتباس:
المشاركة الأصلية كتبت بواسطة ghazy12
فئة الهاى لاين فى الاتنين
جيتا طبعا اشيك والمانى
يبقى رأي زي ما قلتلك جيتــا طبعاً... عربيه رائعه و تستحق الاقتناء بجد و خصوصاً الهاي لاين...اقتباس:
المشاركة الأصلية كتبت بواسطة body
ربنــا يوفقــك للخيـــر...
لو الجيتا الماني يبقى الجيتا افضل ( لان المتوقع ان الجيتا مكسيكي ) لو مش الماني يبقى السيفيك
اصلا السيفيك تعتبر سيارة اوروبي من حيث الخامات و التكنولوجيا
طبعا سيفيك_انا رأى الشخصى_فولكس ماتتركبش غير هاتشبااااك_يعنى جولف!
جيتا أفخم وأغلى. بس أنا عن نفسي أجيب سيفيك. شبابية وسريعة وشيك وأظن قطع غيارها أرخص من الجيتا.
+1111111111111111111111اقتباس:
المشاركة الأصلية كتبت بواسطة i_Am_Legend
اعتقد ان اشيك عربيات الفولكس الهاتش باك وخاصة .. الجديدة ديه .. والله مش عارف انطق اسمها scorpio او حاجة كده
انا مش عارف ايه ديه ... حد يقولي الله يكرمكوا هههههههههههه
انا شوفتها مرتين علي الطريق ... او بمعني اصح لمحتها مرتين علي الطريق
ياااااااااارب اوعدني بيها ..... دعواتكم :D
ربنا ييسرلك الخير وربنا يهديك الي سواء السبيل ان شاء الله
vw scirocco يا باشااقتباس:
المشاركة الأصلية كتبت بواسطة sonasteel
بس عامتا انا مش مقتنع بكلام ان فولكس ماتركببشى غير هاتش.... ازاى يعنى ؟؟؟:dzey:
وأنا برضو. أنا جربت ركبت فولكس مش هاتش باك ونفعتاقتباس:
بس عامتا انا مش مقتنع بكلام ان فولكس ماتركببشى غير هاتش.... ازاى يعنى ؟؟؟
أنا لم أركب فولكس لا سيدان ولا هاتش ولكني أعتقد أن شركة بحجم فولكس لن تأتي إلا بشيء محترم وقيم.