عندى مشكله فى فيرنا 2011 مانيوال كامله

**ahmednsn** · 21-04-2011 09:20 PM

السلام عليكم
انا عندى مشكله فى سياره فيرنا جديده 2011 مانيوال كامله و كنت عايز اعرف هى فى عربيتى بس و لا فى كل العربيات اللى فى نفس الموديل:
1- صوت الموتور بيعلى عند 2300 rpm و بحس انه عالى زياده عن اللزوم و بيزيد مع زياده ال rpm
2- فى خشونه فى الفتيس مع الغيار الاول و التانى
3- فى صوت تصفير مع الغيار الاول و خصوصا لما ادوس بنزين بيبان اكتر بس الصوت مش من الموتور لان لما بدوس دبرياج بسمع صوت الموتور بس من غير صوت التصفير. و الصوت ده مع الغيار الاول بس
4- سحب العربيه وحش اوى. مقارنته بموديل 2010 و 2009 و مش عارف ده عادى و للا انا عندى حاجه

السياره عامله دلوقتى 1400 كم تقريبا و كل المشاكل دى من اول ما ركبت العربيه و طبعا انا قلتلهم فى صيانيه الالف على الكلام ده و قالولى تم فحص السياره و مافيش مشكله. بس طبعا انا حاسس بالمشاكل دى كلها.
ياريت خبراء الفيرنا يساعدونى و عايز اعرف رأى اللى معاهم نفس الموديل فى الموضوع

معلش طولت عليكو شويه......

شكرا..
احمـــــــــــــد

**TAMERHASSAN** · 21-04-2011 09:38 PM

بالنسبه لرقم واحد واتنين ده الطبيعي بتاع الفيرنا لاكن 3 و4 معرفش الصراحه

**El Prince** · 21-04-2011 09:53 PM

أصبر شوية على العربية
أنا فى رأيى انك بتاخد منها أحسن و أنعم أداء بعد 15 ألف كيلو
و عموماً ممكن تاخد اراء ناس تانى

**Ashraf_Ibrahim** · 22-04-2011 01:39 AM

العربية مش هتديك احسن اداء ليها غير بعد ما تكمل 5000 كم
بالنسبة للصوت العالي فدا طبيعي جدا لأنك لسة في فترة التليين اساسا
بالنسبة للعضة بتاعة الفتيس او الخشونة دي هتقل معاك جدا بعد اول 5000 كم بس مش هتختفي لأن دا الطبيعي بتاع الفيرنا
بالنسبة للصفارة بتاعة الموتور فدي قدم بيها شكوى وهيكلموك تروح يشوفوهالك تاني
بالنسبة لشد العربية يفترض انك متقرصش عليها غير بعد ما تكمل 2000 كم اللي هي فترة التليين وبعد كدة تقدر تفتح موتورك وتنتقل لمرحلة التطبيع الفائق وتشد بالعربية
ولا تقلق عربيتك لسة زيرو حافظ عليها وهتلاقي منها كل اللي بتتمناه ان شاء الله
ومبروك العربية وربنا يحفظهالك ويديك خيرها ويحميك من شرها يارب