راجعت نفسى ..وفكرت ..وقررت ..

**KHALED AYMAN** · 22-04-2011 02:53 AM

السلام عليكم
تم تكريمى من اداره المنتدى كأكثر عضو نشيط فى قسم اوبل انا و فادى باشا hellboy
طبعا فادى باشا يستحق و عن جداره هذا التكريم ...
لكن انا راجعت نفسى ...وراجعت عدد مشاركاتى و مدى اهميتها فى الفتره الى فاتت ...
لقيت ان عدد مشاركاتى قل بشكل كبير جدا ...
وكذلك اهميتها ...لانى بقيت نادرا لما اتكلم واساسا انا مش بتكلم فى اوبل غير عن الفيكترا السى و هى اساسا نادرا لما حد بسسال عن حاجه فيها
وده نظرا لظروف قهريه ..كانت بدايتها لما عملت الحادثه و من بعدها حصلت شويه حاجات شغلتنى عن المنتدى ومازلت
وفكرت هل من حقى هذا التكريم ؟
وكانت اجابتى انى لا استحق هذا التكريم
فقررت انى اعتذر عن التكريم ..مش لعدم اهميته او اى حاجه من الحاجات دى لا
فقط لانى لا استحق هذا التكريم
ارجو ان تراجع الاداره المشاركات بقسم اوبل و تختار عضو غيرى يستحق التكريم
وانا اقسم بالله العظيم انى مش عامل الموضوع ده عشان اعمل ضجه واعرف الناس انى اتكرمت او كده
لا ..
انا مش بحب اخد حاجه مش حقى ...
وياريت محدش يحرجنى ويقولى انى استحق التكريم ....انا اى معلومه عندى اتعلمتها من هنا ...وفى ناس هنا عموما و فى اوبل خصوصا اكثر خبره منى ..انا معلوماتى بسيطه جدا و منحصره فى الفيكترا السى
ارجو ان ميكونش كلامى فيه اى نوع من الخطأ ...
وارجو الاداره تقبل طلبى

**هيثم المنياوى** · 22-04-2011 03:07 AM

جزاكم الله خيراً
ومن أفضل الأمور التى تدوم على الإنسان حب الناس له هو أن لايرى نفسه

**KHALED AYMAN** · 22-04-2011 03:09 AM

المشاركة الأصلية كتبت بواسطة hhoo

جزاكم الله خيراً
ومن أفضل الأمور التى تدوم على الإنسان حب الناس له هو أن لايرى نفسه

جزانا و اياكم ..
وشكرا لمرورك الكريم

**bemocarlo** · 22-04-2011 04:53 AM

يا خالد باشا روق شويه.اللي كرمك واختارك للتكريم لجنه من افاضل الناس في نايل موتورز واكيد حضرتك ما تعرفش معايير الاختيار اللي علي اساسها اتكرمت.واللي علي اساسها بيختارو الناس.في حاجات كتير في معايير التقييم ومش شرط عدد المشاركات.وحاجه كمان انته ممكن ما تكونش شايف نفسك بس اللي حواليك شايفينك كويس.الف مبروك علي التكريم وعقبال المره الجايه
bemo,ire

**misoalex** · 22-04-2011 07:08 AM

خالد باشا انا احيك على اخلاقك العاليه
ربنا يجازيك كل خير

انا معرفش مشاركاتك ولا بدخل قسم اوبل
بس تسمحلى اتكلم معاك بصراحه والله اعلم بنيتى عشان محدش يفهمنى غلط وانا مش بتكلم عن قسم اوبل اصلا
التكريم هذا العام غريب بصراحه فى بعض الاقسام بالمنتدى فيه ناس كتير تستحق التكريم متكرمتش وفيه ناس بقالها فتره كبيره جدا مش بتشارك فى المنتدى واخدت تكريم

طبعا كل الاحترام والتقدير لمجهود الاداره
وكل الاحترام والتقدير للناس اللى اتكرمت
بس برضه فيه مجهود ناس اتعمل فى خلال الفتره اللى فاتت ياريت تتكرم عليه على الاقل عشان تدى المنتدى اكتر من وقتها وخدمتها للاعضاء

لك منى كل التقدير يا خالد باشا على موقفك مره تانيه

**KHALED AYMAN** · 22-04-2011 03:40 PM

المشاركة الأصلية كتبت بواسطة bemocarlo

يا خالد باشا روق شويه.اللي كرمك واختارك للتكريم لجنه من افاضل الناس في نايل موتورز واكيد حضرتك ما تعرفش معايير الاختيار اللي علي اساسها اتكرمت.واللي علي اساسها بيختارو الناس.في حاجات كتير في معايير التقييم ومش شرط عدد المشاركات.وحاجه كمان انته ممكن ما تكونش شايف نفسك بس اللي حواليك شايفينك كويس.الف مبروك علي التكريم وعقبال المره الجايه
bemo,ire

متشكر جدا على ذوقك يا باشا ..
انا مروق والله مفيش حاجه
انا عارف ان التكريم مش بيكون على اساس عدد المشاركات فقط ..
عشان كده انى راجعت عدد مشاركاتى ,,ومدى اهميتها ...وفعلا لقيت انى مستحقش

المشاركة الأصلية كتبت بواسطة misoalex

خالد باشا انا احيك على اخلاقك العاليه
ربنا يجازيك كل خير

انا معرفش مشاركاتك ولا بدخل قسم اوبل
بس تسمحلى اتكلم معاك بصراحه والله اعلم بنيتى عشان محدش يفهمنى غلط وانا مش بتكلم عن قسم اوبل اصلا
التكريم هذا العام غريب بصراحه فى بعض الاقسام بالمنتدى فيه ناس كتير تستحق التكريم متكرمتش وفيه ناس بقالها فتره كبيره جدا مش بتشارك فى المنتدى واخدت تكريم

طبعا كل الاحترام والتقدير لمجهود الاداره
وكل الاحترام والتقدير للناس اللى اتكرمت
بس برضه فيه مجهود ناس اتعمل فى خلال الفتره اللى فاتت ياريت تتكرم عليه على الاقل عشان تدى المنتدى اكتر من وقتها وخدمتها للاعضاء

لك منى كل التقدير يا خالد باشا على موقفك مره تانيه

يا باشا ربنا يخليك ده بس من ذوقك ...انا ارجو اداره المنتدى تراجع موضوع تكريمى و يتم تكريم من يستحق

**MISS_MONA** · 22-04-2011 06:01 PM

طيب يا استاذ خالد اكتبلى تنازل عن التكريم وانا موافقه ههههههههههههههههههه
بهزر طبعا
ربنا يجازيك خير على حسن وكرم اخلاقك

**tarekmomo** · 22-04-2011 07:20 PM

حاجة غريبة انت طبعا تفكيرك صح بس فى الزمن دة ما فيش حد بيتنازل هن حاجة بسهوولة
انت شخص محترم يا خالد وربنا يجزيك كل خييير

**KHALED AYMAN** · 23-04-2011 01:02 AM

المشاركة الأصلية كتبت بواسطة miss_mona

طيب يا استاذ خالد اكتبلى تنازل عن التكريم وانا موافقه ههههههههههههههههههه
بهزر طبعا
ربنا يجازيك خير على حسن وكرم اخلاقك

ههههههههههههههههههههههههه هه
هاتى ورق التنازل و انا همضى عليه :)
جزانا و اياكم انا اخلاقى مش عاليه اوى كده هههههههههه

المشاركة الأصلية كتبت بواسطة tarekmomo

حاجة غريبة انت طبعا تفكيرك صح بس فى الزمن دة ما فيش حد بيتنازل هن حاجة بسهوولة
انت شخص محترم يا خالد وربنا يجزيك كل خييير

يا باشا رببنا يخليك ده بس من ذوقك
وبغض النظر عن الزمن ..مينفعش حد ياخد حاجه مش من حقه

**Samah AbdAllah** · 23-04-2011 02:49 AM

اختيار المكرمين من مهام مشرفين الاقسام
والتكريم عن عام كامل بداية من 15/4/2010 الى 15/4/2011
وليس معنى حدوث ظروف لبعض الاعضاء خلال الفترة الاخيرة وعدم متابعتهم للمنتدى كما كان سابقا
ان نتجاهل مجهوده السابق
التكريم ليس بعدد المشاركات
بل باهميتها ومدى فائدتها للاعضاء
هناك اقسام لم تستكمل بعد وسيتم تغطيتها فى الجزء التانى من موضوع احتفالية التكريم
خال ايمن
تم تكريمك من اجل مساعدتك فى الفيكترا سى
لست وحدك ممن رفضوا تكريمهم ولكن رفضك للتكريم لا يعنى انتقال التكريم لغيرك

الموضوع: راجعت نفسى ..وفكرت ..وقررت ..

LinkBack

أدوات الموضوع

عرض

راجعت نفسى ..وفكرت ..وقررت .. - انشر الموضوع فى :

-

-

-

-

-

-

-

-

المواضيع المتشابهه

..اول مره هشتري عربية بي ام وفكرت في ال 318 مو2002

أنا خلاص تعبت من ونة الفتيس وقررت أنى أقدم شكوى فى شركة الأمل

ياجماعة عربيتي فيها مشاكل كتيرة وقررت اسافر بيها

ايه شعورك لحظه الزلزل وفكرت ف ايه؟!

انا قررت اصرف نظر عن البونتو والفييستا وقررت اجيب ابيزا 94 سعدونى فى خبراتكم

الكلمات الدلالية لهذا الموضوع

المفضلات

المفضلات

ضوابط المشاركة