أرجو المساعده ضرورى

**TheBuccaneer** · 22-04-2011 04:07 AM

السلام عليكم
حصل معى مشكل فى السياره. أنا نظرى بالأساس ضعيف و بالتالى بيكون صعب عليه القياده بالليل داخل البلد نظرا للحفر, و المطبات إلخ... من الأشياء التى تتميز بها شوارعنا الجميله. المهم كنت فى ضارع مظلم تماما و كان هناك نوع من الزحام و بعدين أنا و سياره امامى فى الأتجاه المعاكس لى بنحاول نضبط بعض و نطلع, المهم جنحت بالسياره تجاه اليمين قليلا ثم بدأت باللف جهة الشمال ثم ضغطت بنزين مش بشكل جامد لكن مش براحه, كان فيه رصيف جهة اليمين و لأن الشارع كان مظلم تماما لم اتمكن من رؤيته و مع الأسف خبطت السياره من الجانب الأيمن المهم, مشيت و بعدها بمسافه توقفت و نزلت عشان اعرف ماذا حدث و جدت أن الرفرف بالجهه اليمنى أصبح ملامس للكاوتش تماما ا يوجد إنش و احد فراغ, الرفرف ملتصق بالكاوتش إلى جانب إن السياره بدأت تنحرف تجاه اليمين, ضغطت على الكيوت جهة اليمين عشن اوشف يمكن المساعد لا قدر الله ضرب لكن و جدته إلى حد ما سليم, جربت اجيب يمين و شمال و الحمد لله لا يوجد أصوات أثناء تحرك العجل يمينا أو شمالا, أثناء الضغط أيضا لمعرفة حالة المساعد لم يصدر صوت تزييق. تفتكروا ما هى المشكله بالضبط لأنى بصراحه قلق جدا و مش عارف ماذا حدث؟

**HOSSAM99** · 22-04-2011 04:43 AM

و عليكم السلام و رحمة الله
ألف سلامه علي حضرتك و حاول تجنب القياده ليلا
اما الحدفه لليمين ممكن حضرتك تكشف عليها في مركز لضبط الزوايا و إن شاء الله لن تتعدي ضبط الزوايا
و حمدا لله علي سلامتك

**TheBuccaneer** · 22-04-2011 02:22 PM

المشاركة الأصلية كتبت بواسطة hossam99

و عليكم السلام و رحمة الله
ألف سلامه علي حضرتك و حاول تجنب القياده ليلا
اما الحدفه لليمين ممكن حضرتك تكشف عليها في مركز لضبط الزوايا و إن شاء الله لن تتعدي ضبط الزوايا
و حمدا لله علي سلامتك

الله يسلمك و يسلم الجميع من كل سوء :)

أنا متأكد إن موضوع الحدفه جهة اليمين متعلقه بضبط الزوايا المشكله أن السياره من الأمام على وضع مستوى منخفضه من الجهه اليمنى عن الجهه اليسرى نتيجة إن الرفرف اليمين لا يوجد فروق بينه و بين الكاوتش ولا حتى إنش واحد على العكس من جهة الشمال و التى يوجد فارق بين الرفرف و الكاوتش مسافة 4 - 5 سم.

**inspiron** · 22-04-2011 02:55 PM

إذا كانت العربية بتحدف يمين وفي عوجة في الطارة نتيجة الخبطة دي.يبقي العربية محتاجة زرجينة عند عفشجي وبعدين ظبط زوايا وممكن تروح لواحد بتاع زوايا محترم عنده الزرجينة دي

إسمه عصام في محطة موبيل دربالة اللي في نصر الدين ( قبل نفق الهرم ).

الزرجينة بياخد عليها 50 جنيه وضبط الزوايا 25 جنيه.

**TheBuccaneer** · 23-04-2011 11:42 AM

السلام عليكم
الحمد لله أنا ذهبت للحرفيين و كشفت على السياره. المساعد اليمين تقريبا كان بيشاور و انا كنت حاسس منذ فتره إنه بدأ يريح المهم المساعد لاقيته جاب زيت و غيرته بنوع ثانى لكن مع الأسف المساعد الشمال نوعه مايلى و بيكون قوى بعض الشىء و اللى أنا وضعته جهة اليمين نوعه يا ساكس يا بوجى و هو أقل قوة من المايلى و بيأخد و يدى مع السياره بعكس المايلى. و الرفرف اليمين تقوس شىء بسيط مما جعله يحك فى الكاوتش. الحمد لله على ذلك و قدر الله و ما شاء فعل.

**hanyhosney** · 24-04-2011 02:46 AM

المشاركة الأصلية كتبت بواسطة thebuccaneer

السلام عليكم
الحمد لله أنا ذهبت للحرفيين و كشفت على السياره. المساعد اليمين تقريبا كان بيشاور و انا كنت حاسس منذ فتره إنه بدأ يريح المهم المساعد لاقيته جاب زيت و غيرته بنوع ثانى لكن مع الأسف المساعد الشمال نوعه مايلى و بيكون قوى بعض الشىء و اللى أنا وضعته جهة اليمين نوعه يا ساكس يا بوجى و هو أقل قوة من المايلى و بيأخد و يدى مع السياره بعكس المايلى. و الرفرف اليمين تقوس شىء بسيط مما جعله يحك فى الكاوتش. الحمد لله على ذلك و قدر الله و ما شاء فعل. :_alshmokh22[1]:

معلش يا صديقي وارد جدا المشاكل دي
مشكله الرؤيه بليل حلها انك تلبس نضاره ويا ريت تركب زينون حلو يخلي الكلام ده ينتهي
وربنا معك ويسترها معاك

**HOSSAM99** · 24-04-2011 03:30 AM

المشاركة الأصلية كتبت بواسطة thebuccaneer

السلام عليكم
الحمد لله أنا ذهبت للحرفيين و كشفت على السياره. المساعد اليمين تقريبا كان بيشاور و انا كنت حاسس منذ فتره إنه بدأ يريح المهم المساعد لاقيته جاب زيت و غيرته بنوع ثانى لكن مع الأسف المساعد الشمال نوعه مايلى و بيكون قوى بعض الشىء و اللى أنا وضعته جهة اليمين نوعه يا ساكس يا بوجى و هو أقل قوة من المايلى و بيأخد و يدى مع السياره بعكس المايلى. و الرفرف اليمين تقوس شىء بسيط مما جعله يحك فى الكاوتش. الحمد لله على ذلك و قدر الله و ما شاء فعل. :_alshmokh22[1]:

و عليكم السلام و رحمة الله
الحمد لله علي كل حال
و حاول تخلي المساعدين زي بعض و نفس الماركه علشان العربيه متهبطش من ناحيه و تعلا من ناحيه و كمان هاياثر معاك في الثبات لأن كده التعليق مش شغال بتناغم فيه ناشف و فيه لين
و ربنا يوفق حضرتك إن شاء الله

**TheBuccaneer** · 25-04-2011 03:12 AM

المشاركة الأصلية كتبت بواسطة hossam99

و عليكم السلام و رحمة الله
الحمد لله علي كل حال
و حاول تخلي المساعدين زي بعض و نفس الماركه علشان العربيه متهبطش من ناحيه و تعلا من ناحيه و كمان هاياثر معاك في الثبات لأن كده التعليق مش شغال بتناغم فيه ناشف و فيه لين
و ربنا يوفق حضرتك إن شاء الله

السلام عليكم.
ما هى المشكله إنى عشان اشترى مساعد مايلى إستيراد اللهم إنى لن اجده إلا جديد. و الجديد يباع طقم كامل و بيتكلف فى حدود 1400 - 1200 جنيه بدون سوست لأن أنا عندى العفشه الأماميه 6 سليندر. و عندى جنط 17 بتاع الفئه الخامسه و بالتالى صعب إنى اركب مساعد جامد مثل البلشتين أو الكونى لأنه هيأثر على الركب الأماميه مع الشوارع الجامده الموجوده عندنا. و أنا المشكله إنى ببيع السياره و مش عاوز اكلف نفسى مصاريف جديد لأنه 95% من المشترين لا يقدرون كل همهم هو شراء سياره من نوع معين دون معرفة شىء. فأنا كنت عاوز اخفف المصاريف قدر المستطاع خصوصا إن أنا أمامى بعض التضبيطات فى السياره هعملها قبل البيع. و ربنا يوفقنى إن شاء و قدر. و شكرا لكم جميعا.