ازاى تعلى الهوندا من غير تأثير على الثبات ؟
ازيكوا يارجالة يارب تكونوا بخير
دلوقتى انتوا كلكوا بتشتكوا من قرب شاسية الهوندا للارض ودة طبعا مقلق على الفتيس والمقصات والشكمان طبعا وسلاح السيارة السفلى
وكل واحد بيوديها لمتخصص عفشة يعلى العربية وتبقى تمام بس الثبات بيقل جامد
طيب ان شاء الله الطريقة دية كلكوا تعملوها هتعلى العربية + الحفاظ على الثبات المعتاد للهوندا
دلوقتى المطلوب منكوا :
1- تغير السوست اللى فى العربية بسوست 12 لفة بدل من 11 او 10 حسب نوع العربية
زى اللى فى الصورة دية
http://img864.imageshack.us/img864/8...6e6e19ddmv.jpg
2- هتحط العلاية الكاوتش الاصلية اللى بتيجى اصلا مع المساعد زى اللى فى الصورة دية
http://img805.imageshack.us/img805/763/kysm5527.jpg
3- قبل ماتركب تتاكد ان المساعدين عندكوا بيعملوا بكفاءة
4 - يتم تغير كاوتش الميزان وبيجى طقم على مسمارين كل مسمار فية اربعة بيعمل 70 جنية
كدة العفشة الامامية انتهت
نيجى بقى للعفشة الخلفية :
1 - هتشيل السوست الخلفية وتجيب سوست 10 لفات لان اغلب اللى عندكوا 8 لفات بس واتاكدوا قبل ماتغيروها
2-هتجيب صدادة اصلية يابانى تمنها 30 جنية للواحدة ودة شكلها اى واحدة من دول مش هتأثر على الارتفاع بس اى تحميل على العربية مش هتوطى الا عند حد معين وبعد كدة انسى
http://img23.imageshack.us/img23/7026/1h0412303bfr.jpg
3 - بردة تتاكد من حالة المساعدين ويجب تغير جلب المقصات اذا كانت تستدعى ذلك لانها ليها عامل كبير اوى فى ارتفاع وثبات السيارة + الكشف على الشداد العلوى وشداد الميزان الموجود خلف علبة الشكمان
4 - اخيرا بقى الكاوتش ياجماعة الجنوط المناسبة للسيارة دية فى شواراعنا الجميلة مش اقل من مقاس 14 للجنط ويكون مقاسة كالتالى 60-195 R14
وهتبقى صورة التركيب هكذا
http://img827.imageshack.us/img827/7...rber460908.png
وبكدة ان شاء الله النتيجة هتكون عدم انخفاض السيارة سواء فى الامام او الخلف , الحفاظ على الثبات وعدم تأثرة بالارتفاع , وعدم التأثير ايضا على السيارة فى مطبات الهواء , واى حمولة هتركب فى الخلف هتنزل لحد معين فقط وهو ارتفاع الصدادة
واى سؤال انا فى الخدمة ويارب الموضوع يكون عجبكوا
وهذا الموضوع من اجتهادى الخاص واهدية الى اخوانى وطبعا نايل موتورز