الموضوع: اخر كلام نازل اشتري

الجين تو البرسونا مافيهاش مشاكل في الفرامل يا جدعان ... انا بعترف اني اول ما سوقتهم (عربيات اصحابي) حسيت اني مش متعود علي الفرامل بتاعتها شوية بس العربية فيها abs و edb يعني حرام تقول الفرامل تعبانة ... هي بس محتاجة شوية تعود عشان الفرامل مش نظام اول ماتلمسها تقفش وتوقف العربية ... الفرامل بتاخد وتدي معاك ... زي ما تدوس تهدي او توقف ... بس لو ماشي بسرعة ودوست العربية عمرها ماتخذلك وبتقف علي طول زي اي عربية ياباني بس مع فرق انك بتدوس اجمد شوية وشكرا

المشاركة الأصلية كتبت بواسطة mido_soliman

الموضوع مش محتاج نقاش كتير او جدل محسوم للجين2 وبفارق وتكاد تكون المقارنة ظالمة جدا للجين2 علشان تتحط فى مقارنة مع النيو اكسنت مع كامل الاحترام
بس انا عايز اعلق على تعليق غير مجرى الحوار وهوة لاخ قال لية مبتدورش على حاجة يبانى علشان الفتيس ؟؟؟؟
هوة لو ان دة مش مقياس بالنسبالى بس هوة حضرتك عرفت منين ان فتيس الجين2 مش يبانى ؟؟؟؟
واخ تانى سمع من واحد صاحبة معاة العربية ان الاستهلاك للبنزين عالى ؟؟
طب ما تشوف اصحاب السيراتو اللى معدية ال 100000 بيقولوا على الاستهلاك اية ؟
يا جماعة استهلاك البنزين دة نسبى ولا يقلل من قيمة السيارة ايا كانت

باختصار شديد متسمعش كلام حد يقولك سمعت او كنت اعد جنب ابن عم مرات خالى وهوة كان سايق عربية شبة بنت خالة البرسونا وتقرب من بعيد للجين2 والكلام الحمصى دة
اسمع من ماااااااااااااااااااااااا لك للسيارة وجربها بنفسك واعد فيها
تلات اربع الكلام اللى بيتقال على لسان معظم الاعضاء مش كلام علمى ولا عملى ولا اى حاجة غير اجتهادات واهواء شخصية فقط لا غير
الجين2 تتفوق وبفارق كبير جدا عن النيو اكسنت فى الاتى
الكماليات
الشكل
تكنولوجيا موتور متتطورة وموتور قوى جدا
ثبات اعلى بفارق سنوات ضوئية بين الجين والاكسنت
فرامل متطورة جدا
الجين تتفوق على النيسان صنى
الشكل
التقفيل غير مصرى (عربية مستوردة بالكامل ومفيش منها خليجى ومحلى اللى بيتباع فى انجلترا هوة اللى بينزل مصر بالنسبة لبروتون تحديدا )
الكماليات
السعر مقابل ما سبق ذكرة

تحياتى للجميع

الاخ الفاضل

كلامك بالنسبة للجين مانويال ولا اوتو ...الناس كلها بتتكلم على الاوتو !... واللي مش بيرتاح في الاوتو ..وهل المانويل بينزل فيها كل الامكانيات اللي في الاوتو

وبالنسبة للبيرسونا ايه رايك فيها ؟

وبالفعل يا ميدو ناس كتير بتشكتي من البروتون في استهلاك البنزين .. والتوكيل اجارك الله !