هدية عيد الميلاد لمدة ساعتين بس وباظت اية الحل ؟؟؟؟

انهاردة كان عيد ميلاد بنت اختى ريان سنتين ما شاء الله
المهم قولت بدل مجيبلها عروسة والحجات المملة دية قولت اجيبلها حاجة مسلية لعبة حلوة احسن تلعب بيها هى واخوتها

فوقع الاختيار على طيارة هليكوبتر بالريموت وقد كان

المهم فتحتها ولعبت بيها ساعة اتنين وراحت كاسرها وقعدت تعيط والعيد ميلاد قلب غممممممممم

السؤال هل ممكن حد يصلحها هى الريشة بتاعتها المفصلة اللى مثبتها اتكسرت عايزة بس حد يثبتها هل فى حد يصلحها روحت للراجل اللى جبتها من عندة بيقولى معرفش

هل فى حد يعرف حد بيصلح النوع دة من اللعب ؟؟؟؟؟؟؟؟؟؟

صورة الطيارة الضحية :)))))

واللى اتكسر الريشتين اللى فوق اللى تحت العصاية السودا


http://img163.imageshack.us/img163/3411/photo00244.jpg

http://img543.imageshack.us/img543/1480/photo00255.jpg

حاول بالامير

هي بطير والا بتمشي بس اصل ابني قارفني وعايز واحده بطير

حاولت بالامير وبتفك لان قوة الهوا لما بتلف الريش بتكون كبيرة جدااااااااااا وبتخلبها تفك

علىفكرة هى بتطير ومداها 50متر بس منصحكش تجبها لطفل صغير لان اللى اكتشفتة انها خطيرة على الاطفال وممكن تعورهم وطلع مكتوب فى الكاتالوج بتاعها ان هذا المنتج ليس لعبة وغير مخصص لمن هم دون 14 سنة

وكمان صعب التحكم فيها فى الهوا جدااااااااااااااا بتلف و بتطير بغباااااااااااااء

طيب حضرتك جبتها منين وبكام :d اصلي ساكن في الدور السابع وانا كنت بعشها اللعبة دي اصلا بس كانت عندي مركب :d بتمشي بالمياه ولا بالبنزين ؟

اقتباس:

---

علىفكرة هى بتطير ومداها 50متر بس منصحكش تجبها لطفل صغير لان اللى اكتشفتة انها خطيرة على الاطفال وممكن تعورهم وطلع مكتوب فى الكاتالوج بتاعها ان هذا المنتج ليس لعبة وغير مخصص لمن هم دون 14 سنة

---

بكاااااااااااام وفيه أكبر منها ؟؟؟

الطيارة ديه مع ابن خاااااااااالى سبحان الله لسه شايفه عندو انهارده وهو كان جيبها من المانيا جبتها بكااااااام ومنين وفعلا هيا بطير وبردو ابن خالى بوظها

يافندم تصلح إيه ماهى هتتكسر بعد ما تصلحها فى أقل من ساعتين المرة دى

عموما أقترح استخدام شريحة معدنية خفيفة جدا للصق الأجزاء واستخدام اللواصق المعدنية (الأنبوبتين) وفيه منها نوع خطير فى كافور

إنما رأيى خلاص البنت سكتت ونسيتها ولو حصل وصلحتها وانكسرت تانى هتبدأ عياط من الأول

محدش يجيب طيارة ريموت لعيل عنده سنتين على فكرة

فيه اندية لهواة الطيران فيه واحد كان فى عماد الدين بس مش عارف لسه موجود ولا لا
دول ناس بيدرسوا علم الطيران ويعملوا طائرات خشب زى كدة او بيشتروا طيارات جاهزة من دى
ممكن تشوف نادى فيهم وتسال هناك على متخصص للاصلاح

أنا عشت الفلم دة كتير،
مش عاوز أحبطك بس ممكن تنسي الهليكوبتر خلاص ، أنا أولادي دمره ٣ زيها و أنواع مختلفة
لو حاولت تلزق الحتة المكسورة ، أو تضيف جزء أو تشلها خالص ، الطيارة مش هتكون متزنة و انسى انك تعرف تتحكم فيها دة لو إنت أصلاً عرفت تتحكم فيها

الأنواع من ٢٥٠ جنيه لحد ٦٠٠ جنيه فشلين ، أولاً لو هتستخدمها outdoor لازم تكون في جنينة علشان لما تقع و مفيش هواء جامد ، دول أصلاً معمولين indoor، و لو استخدمتها indoor لازم تكون بتعرف تطيرها كويس علشان أكيد هتخبط في العفش و ممكن تتكسر

فيه بعض الأنواع الكويسه بتبدأ من ١٢٠٠ جنيه ، بيكون مع الطيارة بعض قطع الغيار إلي معتاد انها تتكسر .. أكتر حاجة بتتكسر و بتبوظ الطيارة قطعة بلاستيك بتمسك الريش الكبيرة بالعمود إلي فوق و ديه علي ما أعتقد لها دور كبير في إتزان الطيارة

طبعاً الأسعار في مصر غالية جداً ، إنت ممكن تجب الطيارة من الخارج بحوالي ٥٠٪ من سعرها في مصر

ما هي هتكسر تاني ... اللعبة دي عايزة اماكن مفتوحة وعلي نجيلة مثلا علشان لو وقعت ماتدشملش

فى نوع من اللزق قوى جدا احنا بنستخدمة فى شغلنا قوى لدرجة قوى جدا مع البلستك هو غالى العبوة 400 ج لو عايز ممكن تدهالى وانا اعملهالك بسيطة بس اظن هتتكسر تانى لانها صعب التحكم فيها واللة واعلم واللزق دة بيستخدم اصلا فى الطيارات الحقيقية لو حاجة اتكسرت جوة لانها مكلفة جدا صنعتة المانى بس منصحش حد بية الا اذا كان محترف ممكن يعد فى ايدك مدة طويلة

هههههههههههههههههه
ليه بس كده
انا جبتها
و كسروها قبل حتى ما اشحنها
مشفتهاش طارت اصلا
كانت بخخخخخخخخخخخخخخخخخخخخخخخخ خخخخخخخخخخخخخخخخخخخخ

اقتباس:

---

المشاركة الأصلية كتبت بواسطة sayed911

طيب حضرتك جبتها منين وبكام :d اصلي ساكن في الدور السابع وانا كنت بعشها اللعبة دي اصلا بس كانت عندي مركب :d بتمشي بالمياه ولا بالبنزين ؟

---

جبتها من محل فى سيتى ستارز اسمة توى فور يو وكانت ب 400 جم وبتتشحن كهربا بشاحن مخصوص ليها والريموت بياخد 6 حجاير

اقتباس:

---

المشاركة الأصلية كتبت بواسطة phantom0xx0

أنا عشت الفلم دة كتير،
مش عاوز أحبطك بس ممكن تنسي الهليكوبتر خلاص ، أنا أولادي دمره ٣ زيها و أنواع مختلفة
لو حاولت تلزق الحتة المكسورة ، أو تضيف جزء أو تشلها خالص ، الطيارة مش هتكون متزنة و انسى انك تعرف تتحكم فيها دة لو إنت أصلاً عرفت تتحكم فيها

الأنواع من ٢٥٠ جنيه لحد ٦٠٠ جنيه فشلين ، أولاً لو هتستخدمها outdoor لازم تكون في جنينة علشان لما تقع و مفيش هواء جامد ، دول أصلاً معمولين indoor، و لو استخدمتها indoor لازم تكون بتعرف تطيرها كويس علشان أكيد هتخبط في العفش و ممكن تتكسر

فيه بعض الأنواع الكويسه بتبدأ من ١٢٠٠ جنيه ، بيكون مع الطيارة بعض قطع الغيار إلي معتاد انها تتكسر .. أكتر حاجة بتتكسر و بتبوظ الطيارة قطعة بلاستيك بتمسك الريش الكبيرة بالعمود إلي فوق و ديه علي ما أعتقد لها دور كبير في إتزان الطيارة

طبعاً الأسعار في مصر غالية جداً ، إنت ممكن تجب الطيارة من الخارج بحوالي ٥٠٪ من سعرها في مصر

---

انا فعلا قررت انساااااااااها خلاص

اقتباس:

---

المشاركة الأصلية كتبت بواسطة human12

هههههههههههههههههه
ليه بس كده
انا جبتها
و كسروها قبل حتى ما اشحنها
مشفتهاش طارت اصلا
كانت بخخخخخخخخخخخخخخخخخخخخخخخخ خخخخخخخخخخخخخخخخخخخخ

---

طيب على كدة انا محظوظ بقى لحقت اشوفها بتطير والعب بيها كمان :)))

اقتباس:

---

المشاركة الأصلية كتبت بواسطة dr ahmed

يافندم تصلح إيه ماهى هتتكسر بعد ما تصلحها فى أقل من ساعتين المرة دى

---

اقتباس:

---

المشاركة الأصلية كتبت بواسطة phantom0xx0

أنا عشت الفلم دة كتير،
مش عاوز أحبطك بس ممكن تنسي الهليكوبتر خلاص ،

---

على فكرة هى اتصلحت وديتها لراجل اسمة مصطفى فانوس بتاع عمل و لحام وشوش فوانيس عربيات عملها لكن زى مالدكتور احمد قال اتكسرت تانى والمرة دى انا خليت اختى ترميتها خااااااااااااااااااااالص


اخر كلمة هى مش لعبة اطفال محدش يشترى حاجة زى كدة لطفل عن تجربة الناس اللى بتعرضها فى محلات لعب الاطفال بيستهبلوا