اعذروا درايتي البسيطه بأمور الصيانه وياريت حد يجاوب على تساؤلاتي البسيطه

السلام عليكم ورحمة الله ....

انا يا جماعه مكنش عندي خبرة في العربيات خالص يمكن بحكم اني كنت مسحول في كلية طب القصر العيني اللي كمان قتلت مواهبي وكل هواياتي ...
المهم مش عاوز اطول عليكم انا بس ليا شوية اسأله واكون شااااكر جزيل الشكر لكل واحد يقدر يساعدني ولو بإجابة سؤال واحد من الاسئله ....
هي شويه اسئله بسيطه لكن بالنسبالي لسه صيانه العربيه طلاسم وشفرات ..http://t0.gstatic.com/images?q=tbn:A...nNXktiYiCKrfOX
اسيبكم مع الاسئله :

http://t0.gstatic.com/images?q=tbn:A...9ZcZxhaCKsbHDghttp://t0.gstatic.com/images?q=tbn:A...9ZcZxhaCKsbHDghttp://t0.gstatic.com/images?q=tbn:A...9ZcZxhaCKsbHDghttp://t0.gstatic.com/images?q=tbn:A...9ZcZxhaCKsbHDghttp://t0.gstatic.com/images?q=tbn:A...9ZcZxhaCKsbHDg

1. ازاي اعرف اقيس معدلات السوائل زي زيت الفتيس و زيت الفرامل او الباكم ان كانوا بحاجه الى التغيير ولا لاء و هل بيتغيروا ولا بيتزودوا

   ---

   #ff0000
2. بالنسبه لميه الرادياتير ؟ دي المفروض اكشف عليها ازاي ؟ واعرف انها محتاجه تتزود او تتغير امته ؟ وايه احسن الانواع ؟ انا العربيه زيرو لكن بقالها سنه وعامله 15 الف وعمري مازودت ولا جيت ناحية الرادياتير طالما مقياس الحراره مش بيعدي النص

   ---

   #ff0000
3. بالنسبه لتيل الفرامل بدأ يعمل معايا زي صفاره او صوت تزيييء عند الفرمله بس مش دايما يعني هل معني كده اني المفروض اغيره ؟ التيل ده عمل معايا حوالي 15 الف وهو تيل امامي اصل واحد صاحبي قالي ده بس عاوز يتنظف تلاقيه مترب بس هل الكلام ده صحيح وايه طريقة التنظيف

   ---

   #ff0000
4. عندي الفرامل الخلفيه النوع التاني اللي مش بيتشاف من بره ده مش فاكر اسمه ايه ؟ هل ده فيه تيل كمان وهل بيتغير وانا كنت اعرف ان الفرامل الخلفيه بتقعد كتير وممكن متتغيرش خالص الا بعد عمر

   ---

   #ff0000
5. فلتر البنزبن المفروض اغيره كل اد ايه ؟وبيتغير عند مين غير التوكيل ويعمل كام ؟ وهل ليه انواع ؟

   ---

   #ff0000
   
6. انا مركب فلتر سيموتا ده انظفه ازاي ؟ ولما اروح البنزينه واقوله يغسل الماتور هل المفروض اني اغطي الفلتر والسلوك عشان الميه و لا هو غشيل الفوم ده مش مضر بالفلتر ؟ ولا ايه بالظبط ؟

   ---

   #ff0000
7. هل غسيل السياره من تحت يعني ارفعها واغسلها من تحت ده مفيد ولا يكفي اني اغسلها على الارض بمسدس الميه لاني سمعت من حد ان الغسيل من تحت بيضر العربيه لانه بيدخللها البارومه بدري بدري

   ---

   #ff0000
8. عندي بويه العربيه من فوق الكبوت قشرت حاجات بسيطه والعربيه عدى عليها سنه روحت التوكيل قالي ضمان الدهان 6 شهور بس ! المفروض اعمل فيها ايه ؟ ومش عاوز ارشها عشان متبقاش العربيه راشه بره انا من يوم ماجبتها ماشمعتهاش ولا عملتلها بولش تلميع هل ممكن يكون ده السبب ؟ واشمعنه الكبوت ؟ هل بسبب حراره الموتور ؟ وهوا العادي ان حرارة الموتور تخلي الدهان يقشر ؟ اصل التقشير مش نتيجة خبطه ولا خربشه الحمدلله المهندس في الضمان بيقولي ده من زبالة الحمام والعصافير!!!! ارد اقوله ايه ده! التصرف الصح مع المشكله دي ايه بقى ؟

   ---

   #ff0000
9. عندي العجل القدماني اما اكون مسنتر الدركسيون بتكون واحده مقربه للرفرف من روا والتانيه مقربه من قدام ؟؟ برضو مش عارف اظبهم ازاي دول وايه سبب المشكله ؟

   ---

   #ff0000

http://t2.gstatic.com/images?q=tbn:A...zZahDZWT92nOwGhttp://t2.gstatic.com/images?q=tbn:A...zZahDZWT92nOwGhttp://t2.gstatic.com/images?q=tbn:A...zZahDZWT92nOwGhttp://t2.gstatic.com/images?q=tbn:A...zZahDZWT92nOwG
ياريت لو واحد يمسكهم يتسلى فيهم واحد واحد هيكون فادني واكيد فاد الناس اللي هتقراه غيري كتير.. واكون شاكر
ليه جدًا جدًا ...http://t1.gstatic.com/images?q=tbn:A...wiIB-14Wvw&t=1
في أمان الله.

الاول انت ماحددتش نوع العربية اللى انت بتتكلم عليها

بس انا هاجاوبك فى ظل المتعارف عليه فى جميع انواع العربيات

1 - فيه سوائل بتعرف تقيسها انت وحدك وفيه سوائل لازم حد متخصص يقيسها

- زيت الموتور بتقيسه انت الصبح قبل ما تدور العربية

هتلاقى عندك مقاس للزيت فى الموتور تطلعه وتمسحة بمنديل وتدخلة للأخر خالص وتطلعه تبص عليه

هتلاقى فيع علامتين على المقياس ، الزيت المفروض يكون بين العلامتين

- زيت الفرامل هتلاقى علية زيت الباكم مرسوم عليها خط مكتوب عليه Min

المفروض مستوى الزيت ماينزلش عن العلامة دى

- أما بقى زيت الفتيس فده لازم متخصص زيوت هو اللى يبص عليه

وده لما حضرتك بتروح تغير زيت فى البنزينة بتقوله بصلى على زيت الفتيس

بالنسبة للتغيير فزيت الفتيس وزيت الباكم يفضل انك تغيره كل سنتين مرة

غير كده فأنت بتزودهم لو ناقصين

2 - مياه الردياتير بتبص عليها الصبح على قربة المياه وهتلاقى علامة Min المياه ماتقلش عنها.

يفضل انك تغيرها كل سنتين لو انت بتحط مياه خضراء

3 - بالنسبة للتيل حضرتك بتروح لواحد بتاع فرامل وقوله عايز انضف التيل

هو هيفك وينضف التيل ويشوفه لو خلص وعاوز يتغير ويرجلش الفرامل كمان

4 - النوع التانى للفرامل هى اسمها طنابير ودى هى كمان فيه تيل بس بيكون عمره أطول من التيل الامامى

5 - بالنسبة لفلتر البنزين فده على حسب نوع العربية والفلتر والبنزين اللى حضرتك بتستخدمه

بس هو عموما احنا بنغيره كل 5-10 الاف كيلو لو بنستخدم بنزين 80 ، وبنغيره كمل 30 الف كيلو لو بنستخدم بنزين 90 او 92

6 - فلتر الهواء بيتنضف بهواء مضغوط ، وده بيتعمل وانت بتغير الزيت

لما تيجى تغسل العربية يفضل انك تغطى الفلتر علشان مايجيش عليه أى سوائل

اما بالنسبة للسلوك ، لو هيستخدم فوم مافيش مشلكة لو ماغطيتش ، اما لو هيستخدم جاز (ده مش مفضل) يبقى لازم السلوك وأى كهرباء للعربية تتغطى

7 - غسيل العربية من تحت بيبقى للضرورة فقط

يعنى لو فى الشتاء مثلا ومشيت فى حتة طين العربية اتوسخت من تحت يبقى تروح تغسلها

اما كل شوية تغسلها فده مش لازم بل وممكن فعلا يجيب بارومة للعربية

8 - بوية الفابريقة وتقشر بعد سنة واحدة؟؟ دى حاجة غريبة جدا جدا

عموما يفضل طبعا انك تروح تشمع العربية بالكامل علشان تحمى دهان العربية

انتهز فرصة العرض اللى عامله كريم منير بتاع التلميع والتشميع وروح اعمل العربية

9 - انت محتاج تروح تظبط زوايا

لو فى أى حاجة تانية اسأل عنها ومافيش مشكلة

اقتباس:

---

المشاركة الأصلية كتبت بواسطة romieh

الاول انت ماحددتش نوع العربية اللى انت بتتكلم عليها

بس انا هاجاوبك فى ظل المتعارف عليه فى جميع انواع العربيات

1 - فيه سوائل بتعرف تقيسها انت وحدك وفيه سوائل لازم حد متخصص يقيسها

- زيت الموتور بتقيسه انت الصبح قبل ما تدور العربية

هتلاقى عندك مقاس للزيت فى الموتور تطلعه وتمسحة بمنديل وتدخلة للأخر خالص وتطلعه تبص عليه

هتلاقى فيع علامتين على المقياس ، الزيت المفروض يكون بين العلامتين

---

زيت الموتور مش بيتقاس كده...

العربية تسخن لغاية ما توصل درجة حرارة التشغيل العادية ,,وتبطلها لمدة 5 او 10 دقايق وبعد كده بتقيس...

الزيت والمكنة باردة بيكون مستواه قليل وكله تحت....

اقتباس:

---

المشاركة الأصلية كتبت بواسطة 3ateef

زيت الموتور مش بيتقاس كده...

العربية تسخن لغاية ما توصل درجة حرارة التشغيل العادية ,,وتبطلها لمدة 5 او 10 دقايق وبعد كده بتقيس...

الزيت والمكنة باردة بيكون مستواه قليل وكله تحت....

---

بس المشكلة ان لما هاتدور العربية وتستناها لما تسخن الزيت هيتوزع فى جميع اجزاء الموتور

بما فى ذلك الاماكن الضيقة

فترة 5-10 دقايق غير كافية اطلاقا علشان الزيت ينزل كله فى الكارتيرة تحت

وبكده لما هاتقيس الزيت هيكون فيه بعض اجزاء الزيت لسه متعلقة فى الموتور

وده هيدى انطباع ان الزيت ناقص عن معدله

اما القياس صباحا فانت بتكون ضامن ان الزيت كله موجود فى الكارتيرة تحت

ولما تقيس هتكون متأكد ان المقاس ده مديك المعدل الصحيح للزيت

اقتباس:

---

المشاركة الأصلية كتبت بواسطة romieh

الاول انت ماحددتش نوع العربية اللى انت بتتكلم عليها

بس انا هاجاوبك فى ظل المتعارف عليه فى جميع انواع العربيات

1 - فيه سوائل بتعرف تقيسها انت وحدك وفيه سوائل لازم حد متخصص يقيسها

- زيت الموتور بتقيسه انت الصبح قبل ما تدور العربية

هتلاقى عندك مقاس للزيت فى الموتور تطلعه وتمسحة بمنديل وتدخلة للأخر خالص وتطلعه تبص عليه

هتلاقى فيع علامتين على المقياس ، الزيت المفروض يكون بين العلامتين

- زيت الفرامل هتلاقى علية زيت الباكم مرسوم عليها خط مكتوب عليه min

المفروض مستوى الزيت ماينزلش عن العلامة دى

- أما بقى زيت الفتيس فده لازم متخصص زيوت هو اللى يبص عليه

وده لما حضرتك بتروح تغير زيت فى البنزينة بتقوله بصلى على زيت الفتيس

بالنسبة للتغيير فزيت الفتيس وزيت الباكم يفضل انك تغيره كل سنتين مرة

غير كده فأنت بتزودهم لو ناقصين

2 - مياه الردياتير بتبص عليها الصبح على قربة المياه وهتلاقى علامة min المياه ماتقلش عنها.

يفضل انك تغيرها كل سنتين لو انت بتحط مياه خضراء

3 - بالنسبة للتيل حضرتك بتروح لواحد بتاع فرامل وقوله عايز انضف التيل

هو هيفك وينضف التيل ويشوفه لو خلص وعاوز يتغير ويرجلش الفرامل كمان

4 - النوع التانى للفرامل هى اسمها طنابير ودى هى كمان فيه تيل بس بيكون عمره أطول من التيل الامامى

5 - بالنسبة لفلتر البنزين فده على حسب نوع العربية والفلتر والبنزين اللى حضرتك بتستخدمه

بس هو عموما احنا بنغيره كل 5-10 الاف كيلو لو بنستخدم بنزين 80 ، وبنغيره كمل 30 الف كيلو لو بنستخدم بنزين 90 او 92

6 - فلتر الهواء بيتنضف بهواء مضغوط ، وده بيتعمل وانت بتغير الزيت

لما تيجى تغسل العربية يفضل انك تغطى الفلتر علشان مايجيش عليه أى سوائل

اما بالنسبة للسلوك ، لو هيستخدم فوم مافيش مشلكة لو ماغطيتش ، اما لو هيستخدم جاز (ده مش مفضل) يبقى لازم السلوك وأى كهرباء للعربية تتغطى

7 - غسيل العربية من تحت بيبقى للضرورة فقط

يعنى لو فى الشتاء مثلا ومشيت فى حتة طين العربية اتوسخت من تحت يبقى تروح تغسلها

اما كل شوية تغسلها فده مش لازم بل وممكن فعلا يجيب بارومة للعربية

8 - بوية الفابريقة وتقشر بعد سنة واحدة؟؟ دى حاجة غريبة جدا جدا

عموما يفضل طبعا انك تروح تشمع العربية بالكامل علشان تحمى دهان العربية

انتهز فرصة العرض اللى عامله كريم منير بتاع التلميع والتشميع وروح اعمل العربية

9 - انت محتاج تروح تظبط زوايا

لو فى أى حاجة تانية اسأل عنها ومافيش مشكلة

---

السلام عليكم ورحمة الله,,,

انا كنت ناوي اتسلي فيهم وارد ع حضرتك,بس الاخ كفي ووفي.

تحياتي لكم

اقتباس:

---

المشاركة الأصلية كتبت بواسطة romieh

بس المشكلة ان لما هاتدور العربية وتستناها لما تسخن الزيت هيتوزع فى جميع اجزاء الموتور

بما فى ذلك الاماكن الضيقة

فترة 5-10 دقايق غير كافية اطلاقا علشان الزيت ينزل كله فى الكارتيرة تحت

وبكده لما هاتقيس الزيت هيكون فيه بعض اجزاء الزيت لسه متعلقة فى الموتور

وده هيدى انطباع ان الزيت ناقص عن معدله

اما القياس صباحا فانت بتكون ضامن ان الزيت كله موجود فى الكارتيرة تحت

ولما تقيس هتكون متأكد ان المقاس ده مديك المعدل الصحيح للزيت

---

لا يا عزيزي
الصحيح انك تقيس الزيت والموتور سخن عشان تاخد القياس السليم
الموتور يكون سخن ومن ثم تنتظر 10 دقائق وتقيس الزيت بتاعك ولا تقلق دا القياس السليم للزيت

ضبط الزوايا في bridgestone العبور ده أحسن فرع و شبه ما حدش اشتكي منهم اللهم الا نادرا

اقتباس:

---

الاول انت ماحددتش نوع العربية اللى انت بتتكلم عليها

بس انا هاجاوبك فى ظل المتعارف عليه فى جميع انواع العربيات

العربيه جيلي باندا مو 2010 مانيوال صورتها اهيhttp://t1.gstatic.com/images?q=tbn:a...hduksk1wlbbcln
http://t1.gstatic.com/images?q=tbn:a...hduksk1wlbbcln

1 - فيه سوائل بتعرف تقيسها انت وحدك وفيه سوائل لازم حد متخصص يقيسها

- زيت الموتور بتقيسه انت الصبح قبل ما تدور العربية

هتلاقى عندك مقاس للزيت فى الموتور تطلعه وتمسحة بمنديل وتدخلة للأخر خالص وتطلعه تبص عليه

هتلاقى فيع علامتين على المقياس ، الزيت المفروض يكون بين العلامتين

- زيت الفرامل هتلاقى علية زيت الباكم مرسوم عليها خط مكتوب عليه min

المفروض مستوى الزيت ماينزلش عن العلامة دى

- أما بقى زيت الفتيس فده لازم متخصص زيوت هو اللى يبص عليه

وده لما حضرتك بتروح تغير زيت فى البنزينة بتقوله بصلى على زيت الفتيس

بالنسبة للتغيير فزيت الفتيس وزيت الباكم يفضل انك تغيره كل سنتين مرة

غير كده فأنت بتزودهم لو ناقصين

تمام

2 - مياه الردياتير بتبص عليها الصبح على قربة المياه وهتلاقى علامة min المياه ماتقلش عنها.

يفضل انك تغيرها كل سنتين لو انت بتحط مياه خضراء

هل في مشكله لو زودت الرادياتير ميه عاديه ؟ وايه فكرة الميه الخضرا ؟

3 - بالنسبة للتيل حضرتك بتروح لواحد بتاع فرامل وقوله عايز انضف التيل

هو هيفك وينضف التيل ويشوفه لو خلص وعاوز يتغير ويرجلش الفرامل كمان

طيب معلش هوا الصفاره دي معناها اني اغير التيل ؟ ولا انظفه ؟ عاوز اعرف بس قبل ماروح لحد بتاع فرامل اكيد لو هوا مش امين هيقولي لازم نحل ونغير التيل

4 - النوع التانى للفرامل هى اسمها طنابير ودى هى كمان فيه تيل بس بيكون عمره أطول من التيل الامامى

تمام

5 - بالنسبة لفلتر البنزين فده على حسب نوع العربية والفلتر والبنزين اللى حضرتك بتستخدمه

بس هو عموما احنا بنغيره كل 5-10 الاف كيلو لو بنستخدم بنزين 80 ، وبنغيره كمل 30 الف كيلو لو بنستخدم بنزين 90 او 92

انا بستخدم بنزين 92 وساعات بحط 95 لان مكتوب على غطا التنك من جوا ن العربيه المفروض يتحطلها بنزين 95
العربيه عامله 15 الف .. يبقى مغيرش الفلتر دلوقتي ؟ على فكره مره او مرتين حطتلها 80 لاني ملقتش غيره وكنت مضطر لكن حطيت حاجه بسيطه تمشيني لحد اقرب بنزينه هل يفرق في معاد تغيير الفلتر ؟

6 - فلتر الهواء بيتنضف بهواء مضغوط ، وده بيتعمل وانت بتغير الزيت

لما تيجى تغسل العربية يفضل انك تغطى الفلتر علشان مايجيش عليه أى سوائل

اما بالنسبة للسلوك ، لو هيستخدم فوم مافيش مشلكة لو ماغطيتش ، اما لو هيستخدم جاز (ده مش مفضل) يبقى لازم السلوك وأى كهرباء للعربية تتغطى

تمام

7 - غسيل العربية من تحت بيبقى للضرورة فقط

يعنى لو فى الشتاء مثلا ومشيت فى حتة طين العربية اتوسخت من تحت يبقى تروح تغسلها

اما كل شوية تغسلها فده مش لازم بل وممكن فعلا يجيب بارومة للعربية

تمام

8 - بوية الفابريقة وتقشر بعد سنة واحدة؟؟ دى حاجة غريبة جدا جدا

عموما يفضل طبعا انك تروح تشمع العربية بالكامل علشان تحمى دهان العربية

انتهز فرصة العرض اللى عامله كريم منير بتاع التلميع والتشميع وروح اعمل العربية


انا ناوي فعلا اروح ورشه كريم اعمل واكس قريب قوي ان شاء الله

9 - انت محتاج تروح تظبط زوايا

ايه الفرق بين تظبيط الزوايا والترصيص ؟ ولا الاتنين بيتعملوا مع بعض ؟
انا ظبطت زوايا قبل كده ولكن المشكله فضلت موجوده ورجعت للراجل اللي ظبطهوملي قالي يبقى العيب في الكاوتش الامامي عاوزين يتغيروا وفعلا غيرتهم ومازالت المشكله موجوده ؟؟ اعمل ايه تاني ؟
على فكره المشكله الاول قبل ماغير الجنوط والكاوتش كانت ان العربيه بتحدف يمين والمشكله دي لسه موجوده وبتظهر مع الطريق المفتوح على سرعه وانا مسافر مثلا والمشكله اللي ظهرت جديد هي ان العجله بقت جايه قريب من الرفرف لورا والتانيه جايه قريب للرفورف لقدام....

لو فى أى حاجة تانية اسأل عنها ومافيش مشكلة

---

ألف شكر يا باشا والله استفدت جدا وبانتظار الرد على بعض الاستفسارات الجديده

اقتباس:

---

زيت الموتور مش بيتقاس كده...

العربية تسخن لغاية ما توصل درجة حرارة التشغيل العادية ,,وتبطلها لمدة 5 او 10 دقايق وبعد كده بتقيس...

الزيت والمكنة باردة بيكون مستواه قليل وكله تحت....

---

ا/ عاطف الف شكر يا باشا نورت الموضوع وانا فعلا كنت اسمع ان الزيت بيتقاس والعربيه دايره وسخنه والله اعلم
وياريت لو تنورني بتعقيبك على بعض الاسئله الموجوده

اقتباس:

---

السلام عليكم ورحمة الله,,,

انا كنت ناوي اتسلي فيهم وارد ع حضرتك,بس الاخ كفي ووفي.

تحياتي لكم

---

نورتني يا أ/ رانجر ولو ان احب اسمع من اكثر من شخص و لكم جزيل الشكر

اقتباس:

---

ضبط الزوايا في bridgestone العبور ده أحسن فرع و شبه ما حدش اشتكي منهم اللهم الا نادرا

---

شكرا يا باشا انا شرحت اني سبق وظبطت زوايا و عندي سؤال بخصوص الزوايا والترصيص فوق واشكرك على المعلومه مره تانيه :)

- المياه الخضراء للريدياتير فايدتها انها بتمنع تآكل الردياتير (يعنى مش بتخليه يصدى)

بالاضافة لوظيفتها الاساسية وهى عدم التجمد (أعتقد احنا فى مصر مش بنوصل لدرجة حرارة التجمد)

لو حضرتك زودت مياه عادية من الحنفية يبقى انت كده أكنك مش حاطط مياه خضراء

لأن برضه الصدأ هييجى للردياتير

ولذلك يفضل انك لما تييجى تزود تزود مياه خضراء برضه

- الصفارة دى ممكن يكون معناها الاتنين (تنظيف أو تغيير)

الكلام ده مش هاتعرفه الا لما تحل التيل وتشوفه لو خلصان يبقى لازم يتغير أما لو لسه مليان فهيتصنفر بس

- لا استنى على فلتر البنزين شوية وابقى غيره عند 30 الف

وموضوع تحط بنزين 80 ده هو مش هيكون خطر على الفلتر قد ماهيكون خطر على الموتور

بس طالما انت بتقول انها حاجة بسيطة فمافيش مشكلة

- ظبط الزوايا هو انه بيخلى العجل كله زواياه مظبوطة مع بعض (سواء قدام وورا أو فوق وتحت)

الترصيص هو انه بيحط رصاص فى العجلة وده لما تكون الدركسيون بيغربل منك عند سرعة معينة

المشكلة عند حضرتك انه والدركسيبون وهو متسنتر هيكون العجلتين اللى قدام اكنهم حاودين يمين؟؟

لو كده فدى ممكن تكون ان الدركسيون نفسه عايز يتعدل.

ودى المفروض ان بتاع الزوايا هو اللى بيظبطهالك، والموضوع سهل ان شاء الله

الصراحة اول مره اسمع الكلام ده!!!!!انا اللي اعرفه زي ما romeih قال....والله اعلم