السلام عليكم ورحمة الله وبركاته
انا عايز استشير اخواني في المنتدي في حاجتين ؟؟؟
انا هشتري شقة تقسيط في منطقة البنفسج تبع شركة مقاولات وطبعا اكيد الشركة واخدة الارض من حد اما بالشراء او بالشراكة بالبناء او حاجة تانية انا معرفهاش
سؤالي هو :_Alshmokh22[1]:
اولا : ايه راي اخواني اللي في التجمع في منطقة البنفسج
ثانيا: الارض لسة ملطعش بالقواعد حتي وانا هقسط معاه تمن الشقة ياترة ايه الورق اللي انا طالبه وابقا ضامن ان الورق سليم طبعا والضامن الله سبحانه وتعالي في المقام الاول ؟؟؟
وجزاكم الله خيرا
متابع باهتمام
انا ممكن افيدك في موضوع الورق
هتحتاج انك تروح مع صاحب الأرض اللى اسمه موجود في الرخصة او في التوكيل الخاص بالبيع للجهاز لرؤية ملف الأرض وهل عليها مشاكل ولا لأ وتتأكد ان التوكيل اللى معاه هو اخر توكيل موضوع في ملف الأرض وهتلاقي التوكيل اللى في الملف توكيل ادارة وهتحتاج محامي او زيارة لمكتب الشهر العقاري المستخرج منه التوكيلات للتأكد من صحة التوكيلات ويرجي قرأة التوكيلات جيدا ان وجدت والتأكد من احقية المالك في التصرف في البيع لنفسه وللغير وعمد الشراء هيتعمل عقد ابتدائي وهيتكتب عليك ايصالات امانة بالمبلغ المتبقي..ويرجي ايضا التأكد من سمعة المقاول وامانته ..نسيت كمان حاجة...الرسومات بتاعت الشقة تبص عليها وتشوف الصافي بتاع المساحة اد ايه وتزود عليها المنافع بحد اقصي 20% من صافي المساحة.
ممكن اعرف يا جماعة لو سمحتوا سعر المتر في المنطقة كام وايه هي المساحات المتوفرة
انا بقارن بين المنطقة دي وبين منطقة اللي قصاد كارفور عند جامعة mti
انا معايا حدود 200 الى 220 الف انه افضل من حيث الاستثمار والمعيشة
اسف لصاحب الموضوع اني سألت في موضوعه بس للاسف فتحت توبيك قبل كده ومحدش عبرني
واللهي يا استاذ محمد مش عارف ققلك ايه واللهي جزاك الهل كل خير يارب انا كنت خايف من الموضوع دا وانت طمنتني لان ساعات حجاته بتبقا عايمة كدااقتباس:
المشاركة الأصلية كتبت بواسطة محمد محمد
سؤالي ياايو الوليد بقا لحضرتك الارض لسة متبناش عليها ياتري ازاي اتاكد ان مساحة الشقة هي هي اللي علي الورق و مش هيضحك عليا في موضوع التسليم بقا وافاجأ الاقي المساحة مش هي اللي كانت موجودة علي الورق ؟؟ تعبك معايا و جزاك الله كل خير
علشان تتجنب الموضوع ده اوعي تتكتب المساحة في العقد تحت العجز والزيادة جملة تحت العجز والزيادة دي تتحذف...وتحت امرك يا استاذ حمدي.اقتباس:
المشاركة الأصلية كتبت بواسطة hamdy
تفتكر هيوافق يا استاذ محمد ؟؟اقتباس:
المشاركة الأصلية كتبت بواسطة محمد محمد
وعايز ققلك انا قست المساحات علي الورق لقتها 93.61 متر في حين انها المفروض 134 متر ايه رايك يا استاذ محمد كدا مع العلم اني مدخل مشاحة الطراز جوا الشقة كمان دا كدا حوالي فيه 40 متر ضيعين مش كدا كتير ياابو الوليد ولا اهي رايك ؟؟؟؟
وليه ميوافقش العقد شريعة المتعاقدين واحنا بنكتب عقودنا كده وبعدين ليه يكتب تحت العجز والزيادة وفيه رسومات ومساحة معلومة والجملة دي اصلا بتتكتب للناس اللى بتبيع فدادين ومساحات شاسعة.اقتباس:
المشاركة الأصلية كتبت بواسطة hamdy
المساحة كدة علي كلامك مبالغ فيها ده كده حاسب اكتر من 40% منافع وغالبا هتلاقيه عارض المتر بسعر اقل من السوق علشان كده عامل النسبة دي.
بجد واللهي جزاك الله كل خير يا ابو الوليد انا عمتا ريحلو النهاردة و هشوف معاه الموضوع دا وعلي فكرة المتر عادي زي السعر الرايج في المنططقة دياقتباس:
المشاركة الأصلية كتبت بواسطة محمد محمد
تعبتك معايا واللهي ياابو الوليد جزاك الله كل خير
متسونيش يا جماعة الله يخليكوا الرجاء الرد على استفساري لو سمحتوا المتر هناك بكام؟اقتباس:
المشاركة الأصلية كتبت بواسطة medo_msmsa
حد يرد عليه
اسف جدا في تاخري عليك مكنتش فتحت المنتدي انا اسف جااقتباس:
المشاركة الأصلية كتبت بواسطة medo_msmsa
بص ياسيدي متوسط الاسعار في البنفسج و النرجس دا اللي انا شفته 2800 للدور المتكرر و 2300 للدور الارض المرتفع وم تهيالي بقا الدوبلكس بيحرقوا فيه الاسعار شوية
وطبعا دا ميمنعهشي ان الاحياء طبعا سعرها اغلي حبتين
وبالذات بقا اللي بيطل علي شارع ال 90 اكيد اغلي واغلي كتير انما كام بالزبط معنديش فكرة وانا تحت امرك