ايهم يحافظ على الموتور اكثر الفتيس العادة ام الفتيس الاوتوماتيك ؟؟

السلام عليكم ورحمة الله وبركاته
فى سؤال ايهم يحافظ على عمر الموتور وبالبلدى كدة ( يريحة ويريح التروس ) الفيس العادة ام الفتيس الاوتوماتيك ؟؟؟؟
طبعا هذا على اساس ان الفتيس الاوتوماتيك بيغير بين النقلات على اساس ال rpm عن عدد لفات معينة ينقل للغيار كذا وعند عدد لفات كذا ينقل للغيار الفلانى وهكذا
واكيد المصنع عارف احسن عدد لفات ينقل عندها من غيار لغيار اخر وبالتالى هيحافظ على عمر الموتور وعمر التروس

طبعا غير العادة تقرص على الموتور وعلى الغيار وتسقط نقلة و ممكن انك تنقل لغيار قبل معادة او بعد معادة بدعوى الخبرة
لان الخبرة علمتك انك تاخد افضل اداء من العربية مش انك تريح العربية .
وشكرا

الفتيس الاوتو احسن كفاية انه هيريحك وفى نفس الوقت بيريح التروس عشان كمبيوتر الى بينقل

شايف برضه الفتيس الاوتو احسن

طب لو حد يقدر يقوللنا خلال فترة 10 سنوات مثلا فرق ال مانيوال عن الاوتوماتيك مقدارية قد اية ؟ من حيث تكالف الصيانة للفتيس فقط وتكاليف الصيانة للتروس وتكاليف الصيانة للموتور غير الصيانة الدورية طبعا سوف يكون رقم تقريبى للناس المستخدمين للفتيس من النوعين

والعمر الافتراضى لكل نوع منهم المانيوال والاوتوماتيك ؟؟

وكل نوع منهم يفضل لمين يعنى للناس اللى بتسافر على طرق طوالى ايهم افضل والناس اللى تحركاتها داخل البلد ايهم افضل؟؟

وايضا قطع الغيار اللى بتتطلب تغيير اكثر فى حالة كل نوع مانيوال واوتوماتيك؟

وطبعا السواقة العادية يعنى لا قرص ولا كبس ولا سبق وهذة السواقة تعنى الاستخدام للغرض الفعلى للسيارة

ولو حصل سواقة عنيفة ايهم يعمر اكثر

علي حسب سواقتك

انا شايف ان ملهاش علاقة اوتو او مانيوال لأن في الاول و في الاخر الفتيس ما هو الا مكنة هتقلها تعمل كذا هتعمل كذا و باهتمامك بيها هتعيش و تصونها

الفتيس الاوتو لو قعدت تعمل في كيك داون كثير هتقصر من عمروا الافتراضي زيها زي في المانيوال لما تحرق جامد كل ده مع عدم الاهتمام بالفلتر بتاعو و تغيير الزيت بتاعوا في ميعادو و هكذا و في الاول و الاخر الفتيسين ليهم منطقة خطر هو نفسوا ممكن يحمي نفسوا لو وصلها

من رأيي الاوتو اريح ليك بس كدة

انا هتكلم على سواقة عادية طبيعية هادى على مهل العربية ايهم يبفضل والاحسن فى النوعين؟
ولو قلنا سواقة غبية شرسة قرص التعامل مع السيارة كانها طوووووووووووور ومبيتعبش ولا بيهمد يبقى الاحسن فيهم مين ؟؟

بالنسبة لجزئية الأحسن للعربية والموتور فالاتنين واحد مفيش فرق بينهم !!

انما الفرق في راحتك انت كسواق..
اللي بيحب يمشي هادي ومرتاح بيجيب أوتو
واللي بيحب يجري ويحرق مايعرفش يركب غير مانيوال..

ونرجع تاني لجزئية الأفضل للموتور وللعربية
لو معاك فتيس أوتو ورجلك تقيلة في السواقة وبتحرق يبقا هاتهلك الفتيس والموتور
في حين ان ممكن واحد تاني يكون معاه مانيوال بس مريح الغيارات فيحافظ على عربيته
والعكس صحيح..

العملية عملية سواق لا أكتر ولا أقل مالهاش علاقة بنوع الفتيس..

وتصحيح لمعلومة خاطئة ..
الفتيس الأوتو مش بينقل على آر بي ام ثابت بالكمبيوتر كما يعتقد البعض،
أي فتيس أوتو حتى لو في عربية موديل سنة 70 هاتلاقيه dynamic
يعني بيغير المود بتاعه حسب رجل السواق
لو انت دايس عالبنزين بالراحة هايريح الموتور وينقل الغيارات على أقل rpm ممكن
ولو انت دايس عالبنزين بدرجة متوسطة هاتلاقية بينقل على rpm متوسط ومعقول
ولو كابس بنزين أوي (بدون ما توصل للكيك داون) هاتلاقيه بينقل على rpm عالي نسبيا
ولو رزعت رجلك عالكيك داون هاتلاقيه بيسقط نقله..
ومعلومة إضافية بقا: لو انت ماشي عادي وشلت رجلك من عالبنزين وحطيتها مرتين ورا بعض هاتخلي الفتيس يزود نقله لو انت حابب تريح العربية

الموضوع كله يعتمد على السائق
ويعتمد كمان على انت بتحب ايه مانيوال ولا اتوماتيك واللي هيحافظ هيحافظ في الحالتين

اقتباس:

---

المشاركة الأصلية كتبت بواسطة gebreel

انا شايف ان ملهاش علاقة اوتو او مانيوال لأن في الاول و في الاخر الفتيس ما هو الا مكنة هتقلها تعمل كذا هتعمل كذا و باهتمامك بيها هتعيش و تصونها

الفتيس الاوتو لو قعدت تعمل في كيك داون كثير هتقصر من عمروا الافتراضي زيها زي في المانيوال لما تحرق جامد كل ده مع عدم الاهتمام بالفلتر بتاعو و تغيير الزيت بتاعوا في ميعادو و هكذا و في الاول و الاخر الفتيسين ليهم منطقة خطر هو نفسوا ممكن يحمي نفسوا لو وصلها

من رأيي الاوتو اريح ليك بس كدة

---

انا شايف ان كلمك مظبوط جدا

على حسب احتياجات اللى راكب وبالنسبه ليا انا بحب الاوتو فى السفر الطويل ومانيوال داخل المدينه ( مجرد ارتياح ) ولكن الاتنين بينفعوا فى اى مكان

القيادة بالمانيوال مع الشد والفرك ونقل الغيار بدري عن موعده بيقصف عمر الموتور أكثر من الاوتوماتيك

اقتباس:

---

المشاركة الأصلية كتبت بواسطة د.محمود صلاح

القيادة بالمانيوال مع الشد والفرك ونقل الغيار بدري عن موعده بيقصف عمر الموتور أكثر من الاوتوماتيك

---

قصد حضرتك متاخر عن موعده يادكتور صح؟

الفتيس سواءاً كان مانيوال أو اوتو ليس له علاقة مباشرة بالمحافظة على الماتور بسبب طريقة نقل الحركة مانيوالى او اوتوماتيكى ... ولاكن طريقة السواقة هى التى تحدد مستوى المحافظة على الماتور وعمره الافتراضى وعمر الفتيس ايضاً .
يعنى الشد والحرق وتسقيط النقلات سواء كان فى المانيول ... او الكيك داون أوتسقيط النقلات يدويا والحرق عليها فى الاوتوماتك هما الذين يؤثرون على العمر الافتراضى للماتور بجانب عوامل آخرى ايضاً .
اما بالنسبة لتكاليف الصيانة فالاوتوماتيك أكثر تكلفة واصعب من المانيوال ... والعمر الافتراضى حسب طبيعة القيادة عنيفة ام هادئة .
والاوتوماتيك افضل للقيادة فى داخل المدن لكثرة الزحام بها ... والمانيوال يستحب للطرق المفتوحة والسواقة الحرة .
وتغيير قطع الغيار متوقف على طريقة القيادة لا أكثر ولا أقل ... ولاكن معروف ان الفتيس الاوتوماتيك يفضل حينما يكون بلد المنشأ قوى كاليابانى والأوروبى والامريكى فهم معمرون وقليلى الاعطال .

كلام زى الفل كدة فهمت الموضوع شكرا ليكم جميعا وربنا يجازيكم كل خير

السلام عليكم..يا جماعة فى القيادة الهادئة دائما المانيوال بيوفر وقود عن الأوتو..وبيعطى عزم أكبر وقدرة حصانية أعلى ودا دليل على إنه مريح شوية الموتور

الموضوع مرتبط بطريقة السواقة و الصيانات الدورية اكتر من نوع الفتيس

MMamdouh

سورى انا بصراحة شايف ان لا المانيوال ولا الاوتو الافضل بصراحة الانواع الجديدة اللى بتجمع بين الاتنين ( الاستبترونيك / الايزى ترونيك / المالتى ترونيك ) الخ لان فيهم الاتنين يعنى عايز تسوق براحة هتمشى على الاتو عايز تلعب وتحرق وتجرى وتغرز وتعمل كل اللى انتا عايزه هتقلب مانيوال ( الحارة الصغيرة اللى بتكون موجودة فى الفتيس ) بس طبعا مع مراعاة ان الفتيس دة اساسا اوتو من حيث الصيانة وقطع الغيار بس احنا دلوقتى بنقيس الاريح والافضل فى السواقة وانا رائي الخاص ان ده افضل لانك مش هتمشى على نوع واحد اكتر