السلام عليكم ورحمة الله وبركاته
ايه رايكم في قطع غيار كيا المقلدة او بمعنى القطع الكوري بس مش الاصلي هل حد جربها ؟؟؟
ياريت ينقلنا تجربته واللي جربها جرب ايه بالظبط ؟ويبدي رائيه ؟؟؟
ويفيدنا
السلام عليكم ورحمة الله وبركاته
ايه رايكم في قطع غيار كيا المقلدة او بمعنى القطع الكوري بس مش الاصلي هل حد جربها ؟؟؟
ياريت ينقلنا تجربته واللي جربها جرب ايه بالظبط ؟ويبدي رائيه ؟؟؟
ويفيدنا
فين الردود يا شباب .... ده نقاش مش اكثر
الفكرة بس يابشمهندس ان اغلب اعضاء النيو سيراتو عربيتهم زيرو
محدش فيهم وبما فيهم انا دخل فى موال قطع الغيار لسه والاغلب بتكون صيانات
خفيفة زيت فلتر بوجهات تيل علشان كده محدش لسه جرب .
طبعاً الكوري الأصلي بيكون خامات و جوده أفضل كتيير من الكوري المضروب
و اللي غالباً بيكون صيني, و في تايلندي لكن بيكون مكتوب عليه انه تايلندي
و فيه بيكتبوا عليه (( Made In Italy )) و يقولك ده احسن من الكوري
و هو لا محصل كوري و لا ريحة الايطالي و لا اي حاجه.... و ده كتييير
على سبيل المثال... اشتريت للسيراتو التانيه عندي (2005) سير كاتينه
و كان مكتوب عليه انه كوري... و كنت واخد معايا الأصلي اللي كان
راكب في التوكيل (الكوري الأصلي بجد) و الفرق شكلاً و موضوعاً
واااااااااااااضح جداااااااااااا, و قلت للراجل... رد قاللي ما انا عندي الأصلي
بس اغلى, فقلت اديك اللي سعره معقول..!!!!!!!! قلتله هو انا طلبت منك
الرخيص, او قلتلك ان فلوسي ماتكافيش ولا حاجه..!!! لو سمحت هات الأصلي
تخيل بقى... الفرق في السعر كان 80-100 جنيه تقريباً..!!! مش فرق كبير
تعرف الأصلي من المضروب من الخامه و طريقة الكتابه اللي عليه... ببساطه
هتلاقي التقليد الكتابه اللي عليه لو مسحتها بصباعك هتتمسح و تطلع بسهوله جدااا
و بشكل عام من وجهة نظري... لو افترضنا ان الأصلي يعيش 100%
المضروب هيعيش معاك في حدود 50-60%... و يفضل ماتستخدموش
في حاجه مهمه او قطعه حساسه في العربيه و ممكن تسبب مشاكل زي سير الكاتينه مثلاً
الأصلي مهما كان غالي او متعب في انك تلاقيه, لكن افضل مليون مره من التقليد...
عندك حق فعلا يا استاذ وائل وبالنسبة للتيل في منه مش اصلي ..
نورت الموضوع يا باشا وتسلم .....
الباشمهندس غازي اهلا بيك ياباشا ونورت واللي خلاني اكتب الموضوع هو تيل الفرامل بيودع عندي وسالت عند الجندي قاللي مفيش الاصلى ده الموجود الكوري ولسه الاصلي مش عنده بس واضح طبعا ان في فرق في السعر وفرق برده مش قليل
أحدث تجربة ليا انهارده..
قزاز العربية الأمامي اليمين اتكسر بفعل فاعل في عز الضهر, اتصلت بمركز صيانة كيا قالولي القزاز شامل التركيب بـ800 جنيه. سألت هنا في الزقازيق لقيت المتقلد بـ180 جنيه. طبعا مكنش ينفع أروح التوكيل انهارده فقلت خلاص أركب المتقلد.
الحقيقة القزاز شكله نضيف جدا بس مع التدقيق فيه هيبان انه مش أصلي أبدا. ده قزاز متقلد فما بالك بأه بقطع الغيار المتقلدة؟؟؟
صح كدا اهم شىء انت عايز ايه وفلوسك كام كل دة بيعمل فرق فى قطع الغيار
الملاحظ فعلا ان قطع غيار كيا الاصلية بقت نار قوي وخصوصا في التوكيل .....
الصيف اللي فات طفل من العيلة دخل في العربية وحبس نفسه ومعرفيش يفتح وكان هيتخنق فكسرنا الازاز الخلفي شمال علشان نطلعه وطبعا كنت في الساحل الشمالي وغيرته في التوكيل ب 600 جنيه .....
ومن كام يوم سالت على تيل الفرامل الاصلي لسيراتو 2008 عند الجندي لاقيته ب 450 جنيه !!!! الرحمة يا رب
انا بحب اريح دماغي و ادفع اكتر شوية و أجيب الأصلي ... خليك في الأصلي علشان ما تندمش و ترجع تجيب الاصلي و تلاقي نفسك متحمل ضعف الثمن.خليك في الأصلي