قطع الغيار الكورية المقلدة لكيا ؟؟؟؟موضوع للمناقشة

**M.ABDEEN** · 24-04-2011 12:11 AM

السلام عليكم ورحمة الله وبركاته

ايه رايكم في قطع غيار كيا المقلدة او بمعنى القطع الكوري بس مش الاصلي هل حد جربها ؟؟؟
ياريت ينقلنا تجربته واللي جربها جرب ايه بالظبط ؟ويبدي رائيه ؟؟؟
ويفيدنا

**M.ABDEEN** · 25-04-2011 09:37 AM

فين الردود يا شباب .... ده نقاش مش اكثر

**ابو ليلى** · 25-04-2011 04:34 PM

الفكرة بس يابشمهندس ان اغلب اعضاء النيو سيراتو عربيتهم زيرو

محدش فيهم وبما فيهم انا دخل فى موال قطع الغيار لسه والاغلب بتكون صيانات

خفيفة زيت فلتر بوجهات تيل علشان كده محدش لسه جرب .

**M.ABDEEN** · 26-04-2011 10:04 AM

عندك حق فعلا يا استاذ وائل وبالنسبة للتيل في منه مش اصلي ..
نورت الموضوع يا باشا وتسلم .....

الباشمهندس غازي اهلا بيك ياباشا ونورت واللي خلاني اكتب الموضوع هو تيل الفرامل بيودع عندي وسالت عند الجندي قاللي مفيش الاصلى ده الموجود الكوري ولسه الاصلي مش عنده بس واضح طبعا ان في فرق في السعر وفرق برده مش قليل

**YaserK** · 26-04-2011 06:29 PM

أحدث تجربة ليا انهارده..

قزاز العربية الأمامي اليمين اتكسر بفعل فاعل في عز الضهر, اتصلت بمركز صيانة كيا قالولي القزاز شامل التركيب بـ800 جنيه. سألت هنا في الزقازيق لقيت المتقلد بـ180 جنيه. طبعا مكنش ينفع أروح التوكيل انهارده فقلت خلاص أركب المتقلد.

الحقيقة القزاز شكله نضيف جدا بس مع التدقيق فيه هيبان انه مش أصلي أبدا. ده قزاز متقلد فما بالك بأه بقطع الغيار المتقلدة؟؟؟

**usama7499** · 26-04-2011 09:31 PM

صح كدا اهم شىء انت عايز ايه وفلوسك كام كل دة بيعمل فرق فى قطع الغيار

**M.ABDEEN** · 27-04-2011 09:33 AM

الملاحظ فعلا ان قطع غيار كيا الاصلية بقت نار قوي وخصوصا في التوكيل .....
الصيف اللي فات طفل من العيلة دخل في العربية وحبس نفسه ومعرفيش يفتح وكان هيتخنق فكسرنا الازاز الخلفي شمال علشان نطلعه وطبعا كنت في الساحل الشمالي وغيرته في التوكيل ب 600 جنيه .....
ومن كام يوم سالت على تيل الفرامل الاصلي لسيراتو 2008 عند الجندي لاقيته ب 450 جنيه !!!! الرحمة يا رب