موضوع سرقة السيراتو اللي زاد عن الحد (موضوع يجب النقاش فيه)

السلام عليكم
احنا ملاحظين موضوع سرقة السيراتو ده زاد عن الحد في الفترة اللي فاتت
انا ساكن وفي ضهري القسم وكمان في منطقة فلل يعني البوابين اكتر من اي حد
امبارح الساعة 4.30 باليل اتسرقت عربيتين كيا سيراتو من الفلتين اللي الجانبي
الغريب في الموضوع اني العربيتن كانوا من نفس الفئة ex من غير سنتر
والحمد لله اني عربيتي متسرقتش مع انها كانت قريبة منهم بس انا عربيتي sx كاملة من غير smart key ولا فتحة سقف
دلوقتي احنا عاوزين نعرف ازاي العربيتين اتفتحوا من غير ولا حتى ما يكسروا الازاز وايه الاحتياطات اللي لازم نخدها في الفترة اللي احنا فيها

طيب عموما انا كان عندي فكرتين ونفذت واحدة منها ومتردد في التانية
الفكرة الاولى:
انا نزلت امبارح علطول بعد ما عرفت وركبت انذار في العربية وعلى شنطة العربية (يعني لو فتحت الشنطة من غير ما تكون العبية مفتحوة تعملي فضيحة)
واحلى حاجة اني ركبتة على نفس ريموت العربية من غير اي اضرار
وكلفتني حوالي 200 جنية والانذار spy wear


الفكرة التانية :(اللي خايف انفذها)
عاوز اعمل زرار سري في مكان محدش غيري يعرفة يفصل الكهرباء من الماتور ولازم الزرار يبقى مقفول على تعرف تدور
بس ده محتاج كهربائي يكون كويس علشان ميلعبش كتير

يا ريت اللي عنده فكرة ازاي بتتسرق او افكار لزيادة حماية السيراتو من السرقة يقول
وربنا يحمي عربيتنا كلنا

أولا ربنا يحفظنا جميعا ويعدى الأيام دى على خير، ثانيا فيه اشاعات بتقول ان العالم دى بتاخد رقم ال vin من على الورقة اللى كلنا نسينها على الازاز اللى الورا وبتطلع على أساسها المفتاح وبالتالى أول خطوة تعملها بصرف النظر عن صحة الاشاعات دى من عدمه انك تخلع الورقة اللى على الازاز

اقتباس:

---

المشاركة الأصلية كتبت بواسطة aaet1

أولا ربنا يحفظنا جميعا ويعدى الأيام دى على خير، ثانيا فيه اشاعات بتقول ان العالم دى بتاخد رقم ال vin من على الورقة اللى كلنا نسينها على الازاز اللى الورا وبتطلع على أساسها المفتاح وبالتالى أول خطوة تعملها بصرف النظر عن صحة الاشاعات دى من عدمه انك تخلع الورقة اللى على الازاز

---

الكلام ده مش صح

اقتباس:

---

المشاركة الأصلية كتبت بواسطة hoksha

والحمد لله اني عربيتي متسرقتش مع انها كانت قريبة منهم بس انا عربيتي sx كاملة من غير smart key ولا فتحة سقف

---

عربية حضرتك فيها ايموبلايزر ؟

وممكن تقرا الموضوع ده ممكن تلاقى فيه بعض الاجابات عن اسالتك
http://www.nilemotors.net/Nile/214029-a.html

اقتباس:

---

المشاركة الأصلية كتبت بواسطة AHMED1718

الكلام ده مش صح

---

طيب الصح ايه يا احمد ؟

بص يا باشا المصريين دول زى العسل من طباعهم انهم بيحبوا يمشوا على نظام خالف تعرف ههههههههههههههههههه

الموضوع ابسط مما تتخيل و مفيش اهبل من البوابين بيتثبتوا بسيجاره سوبر زي الفل الحوار بتاع السرقه نوعين الاولانى ان الحراميه بيخدوا العربيه على ونش عادى جدا كانها رايحه تتصلح ولا كسر ازاز ولا يحزنون و يخدها يعيش فيها براحته زي منتا عايز الكلام دا جايلي من رتبه ف الداخليه...
الموضوع التانى و دا جالى من واحد صحبي بتاع مفاتيح قلتله اتحداك انك تفتح عربيتي و فعلا فتحها مفيش داعى اكتب فتاحها ازاى ليكون فيه حرامى هنا ولا حاجه هههههههههههههه قاللى لو عايز ادورها كمان هدورهالك انا كنت واقف مزهول انه فتحها ف اقل من 5 دقايق..

بس ضمانا لاي عمليه سرقه يعني و ربنا يسترها عالجميع بلاش تركن العربيه ف شوارع خاليه من الماره يعني مثلا مش فشارع جانبي ولا تحت شجره ولا حته عتمه يا سيدي مش مهم العربيه تاخد ضربه شمس المهم ميروحش عليك اكتر من 100 الف جنيه و دورلها على جراج متين كدا ولونهم ولاد كلب بيستغلوا الناس اليومين دول

تانى حاجه ركبلها انذار مش هتخسر حاجه برضوا من 200 ل 300 يعني مش رقم بالنسبه للى دفعته ف عربيتك ولو انتا فييس باه روح ركبلها تتبع سياره ب 1500 جنيه عشان لو لاقدر الله اتسرقت تجيب ابوها و تجيب الحرامى هديه كمان ههههههههههه

طب العربية ترجع ماشي الحرامي هدية كمان انت ناوي علي ايه بالضبط ههههههههههههه

و الله يا باشا سعتها هتنسا العربيه و اللى جابوا العربيه كمان و هتبص عالحرامى وهوا واقف ادامك و عملها على روحه سعتها هتفكر ف 1000000000 عمليه انتحاريه هههههههههههههههه هوا نفسه هيبتدى يفكر ف الوصيه بتاعته هههههههه

صفحة كيا علي الفيس بوك بتكدب موضوع المستر كي

ممكن يا باشا لنك الموضوع

اقتباس:

---

المشاركة الأصلية كتبت بواسطة Arabino

ممكن يا باشا لنك الموضوع

---

://www.facebook.com/#!/kiaEgypt