الموضوع: اقل استهلاك بنزين وصلتلوا للوجتي

انا مكنتش مصدق نفسي انهاردو وانا شايف الرقم الخرافي ده

اللي حصل كالاتي النهاردة المشوار اللي منعني من رؤيتكوا الكريمة كان في الهرم مونت من وطنية اللي عند ميدان الشهيد و صفرت العداد و اتوكلت على الله اخت طريق القطامية و منو الى الدائري

السرعة مجرد طلوعي من البنزينة كانت في حدود ال120 اقل سرعة كانت 100 و اقصى سرعة 140 و على السرعة دي وصلت لاستهلاك 7.5 لتر/100 كيلو و نزلت بالسرعة لحد 85 طول الطريق الدائري مثبت سرعتي اقل استهلاك وصلتلوا كان 4.5 لتر/100 كيلو بس معرفتش اصوروا للاسف و بعدين شغلت التكييف و على نفس السرعة وصلت ل4.8 لتر/100 كيلو لحد الهرم و استهلكت لحد الهرم 3.5 لتر نتيجة للوقوف قبل نزلة مصر اسكندرية لفترة 20 دقيقة او 30 دقيقة تقريبا فده رفع الاستهلاك ل 5 للاسف الشديد

اسيبكم مع صورتين =)

ده كان مع اول طلوعي الدائري


ده كان اول ما وقفت قبل مصر اسكندرية


بجد ربنا يباركلي فيكي يا لوجي و يحافظ عليكي و يحميكي يا رب