شرف يأكل كبسه مع بدو سيناء ...!!!!

**medo_2060** · 24-04-2011 06:50 AM

عادى يا جماعه دا مش شغل شو اعلامى..دى طبيعه الراجل بجد..
من قبل ما يبقى رئيس الوزراء..لما كان وزير نقل كان معروف عنه انه بينزل لوحده فجأه يركب الميترو ويشوف الشكاوى ويعدى على اماكن العمل بدون موكب ولا اى حاجه والكلام دا معروف وقاله عضو كمان فى المنتدى هنا قبل كدا كان شغال فى مشروع تبع وزاره النقل ..
المهم ياريتهم كانوا دعونى والله الكبسه ليها شوقه هههههههههه

**رزق** · 24-04-2011 07:04 AM

مين لاقي ياكل كبسة ببلاش

**medo_msmsa** · 24-04-2011 10:35 AM

يشوف البلطجية اللي عمالين يتقاتلو الناس والمنشآت الحكومية اللي بتتنهب الاول وبعد كده يروح يتصور كل شوية وهو بياكل فول وطعمية وكبسة

**smsm_cato** · 24-04-2011 10:55 AM

ان شاء الله يكون خير انا عارف ان خوف الناس من انه يكون بيعمل كده علشان يكسب ثقة وحب الناس لكن الله مطلع واعلم بالنيات ونحسبه خيرا

**ecybrarian** · 24-04-2011 11:09 AM

تقيلة قوي الكبسة دي :-))) ربنا يقويه على ما بلاه

**Dojuar** · 24-04-2011 11:58 AM

المشاركة الأصلية كتبت بواسطة أبومريم

يا خوفي
يارب أجعله خيراً مما نظن به

امييين

المشاركة الأصلية كتبت بواسطة aminibrahim

انا حاسس اننا بيلعب
النهارده كبسه

امبارح فول وطعميه

وبتوع قنا سايبهم يكلوا طين ع السكه

ليه بس كده يا شرف

المشاركة الأصلية كتبت بواسطة angeliccore

والله مش ضروري
أنا مؤيد الراجل ومحترمه
لكن الشغل ده مش ظريف - ايا كان السبب هو ولا ال pr بتاعه ولا الإعلام
كمان ده بعد فترة بيساعد إنه يخلي الراجل يفتكر إنه مابيغلطش

ياريت دايما الناس تخلي في بالها كلمة الملعون 'الكفن مالوش جيوب'

حاجات صغيرة بس بتخلق فرعون على المدى البعيد

**أبومعاذ** · 24-04-2011 12:22 PM

المشاركة الأصلية كتبت بواسطة itsonlyme

طبيعي ان مؤيدين عصام شرف يشوفوا الموقف على انه دليل لتواضع الرجل واحترامه للآخرين.
وطبيعي ان الغير مؤيدين له يشوفوا الموقف على انه مبتذل ومصطنع.

وكله بيعتمد على الانطباعات والأحكام المسبقة اللي انت مكونها عن الشخص ده.
مفيش حد فينا موضوعي ... كلنا لا نجنب ميولنا وآراءنا الشخصية في الحكم على المواضيع.

يعني مثلاً ... أنا مؤيد للدكتور عصام شرف ... وصحيح اني مستاء من اختيارات المحافظين الجدد، لكني بحاول ألاقي أي عذر له وبشكل غير موضوعي. بقول لنفسي انه لا يمكن ان يكون اختار محافظين سيئي السمعة عن عمد وعن سابق معرفه بسمعتهم السيئة. يمكن المجلس العسكري هو اللي اختار المحافظين وعصام شرف هو اللي أعلن عنهم ... يمكن الملف كان في ايد شخص تاني يثق فيه (وقد تكون الثقة في غير محلها) زي يحيى الجمل.

ولو كانت اختيارات المحافظين دول في عهد الفريق أحمد شفيق، كانت هتبقى ليله سودة ... وكنت قلت انه هو اللي مختار المحافظين السئيين وان الذنب كله عليه. ما كنتش التمست له أي عذر.

ده كله ليه؟ لأن عندي انطباع عن الدكتور عصام شرف انه انسان خير عايز مصلحة البلد وانه متواضع.
وعندي انطباع عن الفريق أحمد شفيق انه لا يخيرعن مبارك وانه متعجرف ومتغطرس ومتعالي.
والانطباعات دي بتخليني احكم على المواقف بغير موضوعية.
كلنا هذا الرجل بس لازم نعترف بكده.
في النهاية اطلب من المتخوفين ذكر ما يروه سبب لتخوفاتهم من عصام شرف.

على فكرة أنا مش من المعارضين ولا المؤيدين لعصام شرف أنا شايف إنه لحد دلوقتي كويس وربنا يوفقه بس أنا ماشي بمبدأ اللي اتلسع من الشربة

**korkor** · 24-04-2011 05:08 PM

ربنا يكون فى عونه فى التركه التقيله اللى معاه ويكون احسن حالا مما سبقه

**AmAhmed** · 24-04-2011 05:27 PM

شرف بياكل كبسة
شرف بياكل فول و طعمية
شرف سلم علي فلان
شرف دفع غرامة ابنه لما العربية اتكلبشت صف تاني

المشكلة مش في شرف
المشكلة ان مش كل المسئولين شرف

ياريت نسمع اخبار زي دي تخص محافظ أو رئيس جهاز او رئيس مؤسسة أو مدير امن