السلام عليكم

.
.
الجزء التاني
روحت إمبارح معايا محامي وروحت أصور المحضر إلي إتعمل في مركز الزقازيق
مالقتش المحضر
يانهار بطيخ
فين المحضر يارجالة..
المحضر أخد رقم أحوال .. ومانعرفش هو راح فين
خلاصة الكلام بقا
النهاردة أخدت أمين شرطة سلكنجي موووت مووووت مووووت
هو من بلدنا
عمل الأتي

1. راح أخد صورة من المحضر
2. طلع أتصل بالمرور من مكتب تبليغ الإشارة وبلغ رقم العربية لمرور الزقازيق
3. راح معايا مرور الزقازيق..لأمين الشرطة إلي إستلم منه الإشارة..وأخد منه الأشارة .. وطلعها للمكتب فوق
4. كلم نقيب يعرفه..وراحله مكان ماهو واقف(نقيب في المرور)..النقيب كلم رتبة أعلى منه (شوية نجوم ونسر) قدامي..وأخدنا توصية ع الورق
5. رجع معايا تاني لإدارة المرور في الزقازيق .. وأخدت توصية ع الورق .. بسرعة ضبط وإحضار مالك السيارة السرفيس بواسطة مباحث المرور



ده كله في ساعتين زمن
والمحضر إلي كنت عملته في مديريةأمن الزقازيق..كان مرمي بدون حركة
علشان أنا ماصبحتش ع الأمين إلي كتب المحضر..وإلي طلع عمل معاينة
وكان المحضر هيفضل مركون زي ماهو..لولا إني أخدت معايا الراجل ده
الراجل طول ماهو ماشي..باشا..برنس..زعيمي..ياكب ير..معالي الباشا..معاليك..سيادة الباشا
وكده
وإكتشفت إن أمين الشرطة إلي جه معايا ده.. كنز لايفني
يعني المحضر دخل على الظبط والأحضار .. في ساعتين بسسسسسسسسسسس
ولولا كده
مكنتش خلصت
طبعا الراجل ده عملها خدمة ليا بدون مقابل..علشان كنا بنلعب كورة مع بعض في الدورات بتاعت البلد..فإحنا إصحاب جامد

لكن الأمر ماخلاش من أشياء أخرى لبعض الناس في السكة

خلاصة الكلام
إن الوضع ماتغيرش كتير بعد الثورة