بفكر اركب حساسات ركن خلفيه وطـالـب النصيحة

**fady_anis** · 24-04-2011 01:37 PM

يا جماعه انا بفكر اركب حساسات ركن خلفيه انا معايا سوبر صالون2008 بس متردد وخايف لأن معنديش معلومات كفايه عن الحساسات دى يعنى اركب اتنين ولا اربعه وهل هتأثر على كهربا العربيه ولا لأ وايه افضل جهاز وافضل عدسات لأن بشوف عدسات بارزه اوى عن الاكسدام فممكن عيل صغير ولا حاجه يقلعها من مكانها ويبقى منظر الاكسدام وحش فا انا طالب النصيحه وياريت حد يجاوبنى عن اسألتى

**SonaSteel** · 24-04-2011 02:47 PM

السلام عليكم
أ/فادي ..... كيف حالك يافندم
بالنسبة للسينسور .... هو انا كنت اخدته هدية من اوتو لما جيت اشتري العربية ... وهما ركبولي سينسور بس مكنتش اعرف اسمه ولا ماركته
وهو عباره عن عدستين بيركبوا مكان الطبب في الاكصدام الخلفي ... ودقتهم زي دقة الاربعة الصغيرين (البرزين اللي حضرتك قصدك عليهم)
ودول فعلا بشوفهم في عربيات كتير ياما واقعه ... يا اما بتشاور عقلها
في اللينك ده هتلاقي صور السينسور والشاشة اللي بتتحط علي الطابلوه وممكن تسال علي النوع ده وتشوف عدساتهم نفس العدسات ديه ولا لأ
http://www.nilemotors.net/Nile/211455-a.html
وبالنسبة لكهربة العربية ....:
العدسات اللي ورا بياخد سلكة من اقرب ضفيرة في شنطة العربية ... ومش بتبان
وبالنسبة للشاشة .. انا مشوفتهاش وهو بيعمله بس السلكة صغيرة وشكله ملعبش فيها جامد
ولو عايز الامن والافضل ممكن تركب عرض مودرن موتورز (السينسور + وحدات الرفع) هايبقي ركبته في الضمان وعرض كويس واستفدت من وحدات الرفع.
اتمني اكون افدتك
أقعد بالعافية

**SonaSteel** · 24-04-2011 03:01 PM

المشاركة الأصلية كتبت بواسطة fady_anis

مشكور يا باشا على ردك
وعلى فكره انا من المنصوره ومش عارف بقا هل مركز السبع بتاع الصيانه بيركب الحساسات دى من عنده ولا اشتريها واوديها يكربوها

هو تركيبها اسهل مما تتخيل ...... والناس بتركبها بره يعني مفيش مشكلة ان شاء الله
اكيد في السبع هتلاقي حد يركبها .... بس مش عارف هايبقي عادي ولا هيقولوك ايه ؟
وانت لو مش في الضمان شوف محل ثقة يركبهوملك وتوكل علي الله

**Ahmed.TV** · 24-04-2011 04:27 PM

هو تركيب السنسور مش قضية , بس القضية تلاكيك الضمان بس

لو حصل اى حاجة فى الكهرباء حتى لو مش منهم , حيقولك اه انت مركب كذا يبقا انت كدا خرجت من الضمان

لازم يكون اتركبوا واشترتهم تبع مركز خدمة , زى مودرن او السبع او يونايتد , والوحيد اللى بيبعهم , هو مودرن

اما السبع ويونايتد حيقولك اركبهم لو انت اشتريتهم ,بس على ضمانك وعلم العميل

وفى ميزة فى مودرن , انهم بيركبوه وبيرشوا العدسات , مش بيسبوها لونها اسود
ده غير العربية بتكون فى الضمان عادى , وبتاخد ضمان على العدسات والسنسور

فنصيحة فى اى وقت نازل مصر اعملهم هنا فى مودرن ومش حتاخد ساعة بالظبط

اما لو عايز تغامر , يبقا اشتريهم من اى محل بره , بس يكونوا تايوانى , وركبهم فى السبع فى المنصورة

وبخصوص عدستين او اربعة , مش فارق ابدا , الاتنين زى بعض مفيش فيهم مشكلة , وبنفس المدى ونفس كل حاجة

وبالتوفيق يا فادى باشا

**Ahmed.TV** · 24-04-2011 07:56 PM

لا تحت امرك يا فادى باشا

موضوع افضل حاجة او افضل نوع تايوانى ,للاسف , مفيش نوع مشهور ثابت فى كل المحلات الاكسسوار
كل محل عنده ومستورد نوع معين , سواء كان تايوانى او صينى , والسوق ماليان انواع كتير مختلفة كتير جدا

المهم وانت بتشترى حيبان وانت بتبص عليه , اذان جودته كويسة ولالا , وسلوكه محملة وكويسة وخامتها جيدة ولالا

**fady_anis** · 25-04-2011 12:24 AM

المشاركة الأصلية كتبت بواسطة peaceman

بص يا جميل نصيحتي تروح مودرن ابورواش و تركب هناك لأنهم هيدوك ضمان سنة عليهم و طبعا التركيب و التقفيل مفيش بعد كده

المشكله انى من المنصورة وللاسف انا معرفش الطرق كويس لأنى تقريباً نادراً لما بسافر بره المنصورة ف كنت بفكر اركبهم عند السبع اللى ف المنصورة .. وعموماً ألف شكر يا باشا ع النصيحة

-

-

-

-

الموضوع: بفكر اركب حساسات ركن خلفيه وطـالـب النصيحة

LinkBack

أدوات الموضوع

عرض

بفكر اركب حساسات ركن خلفيه وطـالـب النصيحة - انشر الموضوع فى :

-

-

-

-

-

المواضيع المتشابهه

عاوز اركب حساسات ركن

عايز اركب سماعه خلفيه للوجان الهاف ..؟؟

عاوز حساسات خلفيه ماركه هيونداى

حساسات التكييف؟؟اركب ولا بلاش

ركبت حساسات خلفيه

الكلمات الدلالية لهذا الموضوع

المفضلات

المفضلات

ضوابط المشاركة