الموضوع: هشتري كيا سيراتو وبسال علي سعر الفايده انا مش فاهم حاجه

السلام عليكم ورحمه الله وبركاته

قررت اشتري عربيه كيا سيراتو الفتيس الجديد ونوعها sx smart اللي فيها جنط 17 ومفتاح بصمه
بس في مشكله
انا عايز اقسط علي 3 سنين فا الفايده هتتحسب ازاي
يعني مثلا لو هي 5% يبقي 5%x3 =
15% هو كده ولا ايه انا مش فاهم
ممكن حد خبير يفهمني لو سمحتم
واسف علي الاطاله

المشاركة الأصلية كتبت بواسطة akmall

بص يا باشا هنفترض ان العربية مثلا ب 125000 جنيه

وهتدفع مقدم مثلا 50000 جنيه والفائدة السنوية للبنك 8%

هتخصم المقدم من السعر 125000 - 50000 =75000 جنيه

وال 75000 تضربهم فى 8% =6000 جنيه دي فايدة السنة

وهنقسط مثلا على 3 سنين يبقى الفايدة 18000 تجمعها على ال 75000 =93000 جنيه

تقسمهم على عدد الشهور اللى هما 36 شهر فيكون القسط =2583.33 جنيه

وممكن يضيف اليه التامين والمصاريف الادارية حسب المكان اللى هتشتري منه

ونفس الخطوات تعملها مع تغيير السعر والمقدم والفايدة حسب ظروفك اتمنى اكون قدرت اوصلك الفكرة

الف شكر علي المعلومه الجميله ديه