تعديلات داخلية لمحرك فيات 128 1300

**misoalex** · 21-05-2011 11:04 PM

المشاركة الأصلية كتبت بواسطة Haytham4ever

turbo124.com • View topic - F/S:Fiat 128 Fiat 127 aluminium sway bars bushing with PA6

تتعمل بسهولة عند اي خرطات
هعملها و اقولكوا ايه الاخبار

ياريت تقوللى انا لسه جاى من عند العفشجى وقاللى الكاوتشات باظت تانى مع انى لسه مركبهم من 3 شهور

الله يخربيت كده

**misoalex** · 21-05-2011 11:24 PM

المشاركة الأصلية كتبت بواسطة kaza

للاسف علمي عن نلاقيها فين زي معلوماتك عن المريخ

طيب ايه رأى حضرتك لو اتفصلت عند خراط التيفلون موجود عند الخراط بيعمل بيه رينجات الجنوط والالمونيوم ممكن نتصرف فيه

وهو يخرط على مقاس الدوران بتاع الاستبلايزر

بس هل لازم تبقى داخده حشر فيه مفيش اى مسافه انه يتحرك
ولا لازم نسيب 1 مللى مثلا يتحرك فيه الاستبلايزر

**memononos** · 22-05-2011 09:59 PM

موضوع شيق جدا وخصوصا بوجود شخصيه زو ثقل هندسى زى البشمهندس kaza

**Haytham4ever** · 23-05-2011 11:28 AM

طيب آخر سؤال ... موتور اللانشيا 1600 اخباره ايه
قوته و عزمه .. كامه ولا اتنين
تركيبه سهل ولا لازم تعديلات
سعره تقريبا كام

لو معرفتش ابيع موتوري هعدل فيه و خلاص .. بساتم فيولا .. توسيع مجاري الهوا .. هيدر .. و لو كربراتير الشاهين افضل هركبه و كفاية كده

**mohamed_e36** · 23-05-2011 12:20 PM

طيب برضو بعتذر لصاحب الموضوع وبستاذن بشمهندس kaza اساله على حاجه
انا جبت كربراتير استبراد لعربيتي 132 وكان فيه بك كهرباء فرحت لواحد عشان يركبهولي راح موصل البيك على الكونتاكت يعني طول ما انا فاتح الكونتاكت البيك وصلاله كهرباء مستمره مبتقطعش لا مع زياده السرعه ولا غيره
هل كده البيك ركب صح ولا في جزء ناقص والمفروض يركب

**kaza** · 24-05-2011 12:39 AM

المشاركة الأصلية كتبت بواسطة misoalex

طيب ايه رأى حضرتك لو اتفصلت عند خراط التيفلون موجود عند الخراط بيعمل بيه رينجات الجنوط والالمونيوم ممكن نتصرف فيه

وهو يخرط على مقاس الدوران بتاع الاستبلايزر

بس هل لازم تبقى داخده حشر فيه مفيش اى مسافه انه يتحرك
ولا لازم نسيب 1 مللى مثلا يتحرك فيه الاستبلايزر

انا اسف اتاخرت في الرد..موضوع توافر التفلون عند الخراط جديد بس لو فعلا موجود اتكل عليالله وخلية يعمل جلبتين للاستبليزر بار (الميزان) وانا كمان وراك للريجاتا ..لازم اسال في الحكاية دي بكرة ..
طبعا الجلبة لازم تكون محشورة بلا خلوص نهائي لان الميزان بيعمل وظيفتين الاولي خفض العجلة المقابلة اثناء الدوران للمحافظة علي عدم انحراف مركز ثقل العربية وبالتالي ثبات افضل والاخري هو الدعامة الوحيدة للمقص الامامي اللي بتحكم حركتة للامام والخلف وبالتالي اي خلوص بيتسبب للاسف في اجهادات للشاسية وبالتالي كسر في العلب الامامية غير ان ثبات العربية بيبقي مش مضبوط ابدا وتلاقيها بتنحرف فجأة طبقا لحالة الطريق وقوة السحب والفرامل

**kaza** · 24-05-2011 12:41 AM

المشاركة الأصلية كتبت بواسطة memononos

موضوع شيق جدا وخصوصا بوجود شخصيه زو ثقل هندسى زى البشمهندس kaza

ياسيدي ربنا يكرمك واشكرك علي كلماتك اللي بترفع الروح المعدنية للواحد..÷ههههههههههههههههه ه

**kaza** · 24-05-2011 12:49 AM

المشاركة الأصلية كتبت بواسطة haytham4ever

طيب آخر سؤال ... موتور اللانشيا 1600 اخباره ايه
قوته و عزمه .. كامه ولا اتنين
تركيبه سهل ولا لازم تعديلات
سعره تقريبا كام

لو معرفتش ابيع موتوري هعدل فيه و خلاص .. بساتم فيولا .. توسيع مجاري الهوا .. هيدر .. و لو كربراتير الشاهين افضل هركبه و كفاية كده

الفارق بين اللانشيا والفيات مش زي ماانت نتخيل بس موتور اللانشيا بيكون اخف نسبيا ونسبة التباين في وزن الاجزاء الداخلية اقل من 2جرام لكل من البساتم والبيلات لكن في الفيات بترتفع النسبة دي ل5جرام وبالتالي الفارق في القوة دائما بيكون في حدود 5حصان والدوران انعم طبعا واستهلاك الوقود اقل بس ادي كل الحكاية لكن فيه بعض الاستثناءات للمحركات المزودة بتوربين او ضاغط هنا بيكون فيه فرق شاسع زي ال2000 الخاص بالتيما والدلتا والبريسيما
ويشتغل معاك محرك ال1600 الخاص بالديدرا زية زي التمبرا ومن غير وجع دماغ خالص بنفس قاعدة الموتور اللي عندك وراس الكامة بتاعك علشان الشداد وسعرة بسيط 2300 ل2800 حسب الحالة وشطارتك في الفصال

**misoalex** · 24-05-2011 12:52 AM

المشاركة الأصلية كتبت بواسطة kaza

انا اسف اتاخرت في الرد..موضوع توافر التفلون عند الخراط جديد بس لو فعلا موجود اتكل عليالله وخلية يعمل جلبتين للاستبليزر بار (الميزان) وانا كمان وراك للريجاتا ..لازم اسال في الحكاية دي بكرة ..
طبعا الجلبة لازم تكون محشورة بلا خلوص نهائي لان الميزان بيعمل وظيفتين الاولي خفض العجلة المقابلة اثناء الدوران للمحافظة علي عدم انحراف مركز ثقل العربية وبالتالي ثبات افضل والاخري هو الدعامة الوحيدة للمقص الامامي اللي بتحكم حركتة للامام والخلف وبالتالي اي خلوص بيتسبب للاسف في اجهادات للشاسية وبالتالي كسر في العلب الامامية غير ان ثبات العربية بيبقي مش مضبوط ابدا وتلاقيها بتنحرف فجأة طبقا لحالة الطريق وقوة السحب والفرامل

موجود عند الخراطين فعلا بيعملو بيها رينجات بتاعه الجنوط الاسبور بدل الرينجات الالمونيوم لان التيفلون احسن

**kaza** · 24-05-2011 12:55 AM

المشاركة الأصلية كتبت بواسطة smaalos

طيب برضو بعتذر لصاحب الموضوع وبستاذن بشمهندس kaza اساله على حاجه
انا جبت كربراتير استبراد لعربيتي 132 وكان فيه بك كهرباء فرحت لواحد عشان يركبهولي راح موصل البيك على الكونتاكت يعني طول ما انا فاتح الكونتاكت البيك وصلاله كهرباء مستمره مبتقطعش لا مع زياده السرعه ولا غيره
هل كده البيك ركب صح ولا في جزء ناقص والمفروض يركب

هو ركب كدة علشان العربية ماتبطلش بس ناقص علبة الكات اوت ودي زيها زي بتاعة الشاهين الكربراتير بالضبط ووظيفتها انك لما بترفع رجلك عن البنزين بتقفل الصمام البوابي فوق 2500 لفة والموتور بيتقفل مجري الهواء لة ونتيجة اجهاد المص (الخلخلة)بيشفط بنزين من نافورة الايدل وبالتالي بيرتفع الاستهلاك والعلبة والصمام بيفل مجري البنزين الداخل للكربراتير في الحالة دي وبيستعيد فتح الدورة لما اللفات بتقل حتي دون ال1000 لفة