السلام عليكم يا رجاله
انا اشتريت جنوط دايو لانوس استيراد من كام يوم و كنت عاوز اركب كاوتشات نضيفه
هل ينفع اركب كاوتش 205 و لا هيحك و انا بلف و و من ورا ؟؟ و لا اخرها 195
و ايه احسن نوع كاوتش يستحمل
عرض للطباعة
السلام عليكم يا رجاله
انا اشتريت جنوط دايو لانوس استيراد من كام يوم و كنت عاوز اركب كاوتشات نضيفه
هل ينفع اركب كاوتش 205 و لا هيحك و انا بلف و و من ورا ؟؟ و لا اخرها 195
و ايه احسن نوع كاوتش يستحمل
على فكرة انا اشتريت جنوط اللانوس 2 الالومنيوم ... اللى فيها دايرة سودا فى النص ..
http://catalog.thewheelwarehouse.com/images/dd15.jpg
http://images.thecarconnection.com/s...00028667_s.jpg
هى دى صورها ... فهل ينفع اركب ال 205 مع تكبير الكاوتش حاجة بسيطة .. ولا اخليها 195 ؟؟
متابع
جنط جامد جدا...ربنا يباركلك فيه
بس أنا أول مرة أشوف الجنط ده...ده جنط 13 ولا 14؟
دخلت علي السايت ده لاقيت جنط كمان للنوبيرا جميل جدا:http://www.acu-tru.com/catalog/images/DD12.JPG
الاتنين جنط 14 فبالتالي المقاس يكون 185/60/R14
http://www.nilemotors.net/Nile/java....pID=1427%27%29
ياريت تقولنا جبته منين وبكام وهم 4 او 5 جنوط؟
الله يباركلك يارب ... ده جنط 14 و هو فعلا قليل انا قعدت ادور عليه اسبوعين بس طبعا الجنط متجرح شويه و محتاح لسه يترش او ينكل لكن الشكل التاني ده منتشر اكتراللي هوه بتاع لانوس 1 اروبي
[IMG]file:///C:/Users/pc/AppData/Local/Temp/moz-screenshot.png[/IMG][IMG]file:///C:/Users/pc/AppData/Local/Temp/moz-screenshot-1.png[/IMG]http://www.dragtimes.com/images-clas...0270564493.jpg
الطقم 4 مفيش 5 خالص ..... جبتهم من بورسعيد ب 900.. بس نصيحه دور في الحرفين اللي في القاهرة لان انا دورت في الحرفين كلها كنت بنزلها كل يوم حتى الجمعه مفيش غير محل واحد كان عنده الطقم ده و طقم نوبيرا 2 بالكاوتشات ال 15 ب 1200 جنيه
بقيت الحرفين فيها جنوط بس مش للدايو فمش هتستفيد انك تضرب مشوار السفر لو لقيت عندك يبقى كويس و انت و شطارتك في السعر ...... بس مش عارف بقا ينفع يركب 205 عليهم و لا كتير
بص يا باشا...
ده لينك بيحسب فروق الكاوتش:
Tire Size Calculator - tire & wheel plus sizing
وهنا تقدر تعمل سيرش المقاس اللي انت تختاره موجود ولا لا:
Car Tires & Truck Tires 1010tires.com Tire Search: all season, summer, winter, original equipment, racing, light truck
طبعا لو جبت مقاس اكبر هيرفع العربية وممكن يأثر علي الثبات وهتكون قراية عداد السرعة غلط
بس ممكن 195/60R14 ده هيفرق 1 سم بس في الارتفاع وتاثيره أقل
لكن 205/60R14 هيفرق 1.5 سم في الارتفاع
مش عارف بقي 205 هيكون عريض أوي علي الجنط ...يعني يركب ولالا ومش عارف كمان هيحك ولا لا
شكرا يا باشا ...
انا فعلا دورت ولقيت تلات مقاسات مناسبة ...
205/55/14 ده هيرفع العربية فرق 5,5 ملل يعنى 2,75 فوق وتحت .... زيادة 1 % ...
195/60/14 ده هيرفع العربية فرق 14 ملل يعنى 7 فوق وتحت ...زيادة 2,5 %
185/60/14 ده هيرفع العربية فرق 3 ملل يعنى 1,5 فوق وتحت .... زيادة 0,46 %
انا نفسى اركب ال 205 ولكن مش عارف هيحك فى الفيبر ولا لا .... فى حد جرب مقاس وماشى عليه ....
لو حد مركب اى مقاس للدايو وشغال كويس ... ياريت يقول ..
ال 195 -14 - كان بيحك مع التحميل و المطبات فى الجولييت - رغم إن شفة الرفرف كانت متنية - لكن كانت بتحك مع التحميل والمطبات الصناعية
(خصوصا لو مشى بسرعة - أكيد ال 205 هايحك هايحك
ال 195 -14 - كان بيحك مع التحميل و المطبات فى الجولييت - رغم إن شفة الرفرف كانت متنية - لكن كانت بتحك مع التحميل والمطبات الصناعية
(خصوصا لو مشى بسرعة - أكيد ال 205 هايحك هايحك
حضرتك كنت مركب جنط ايه .... وايه اخبار الكاوتش مع الكارتيرة قدام ؟؟؟
المقاس الصح مع الجنط ال14 هو 185\60\14
MMamdouh
استاذ ممدوح ... انا كنت عايز اعلى العربية شوية ...
وانا عارف المقاس الصح ... بس عايز اكبر الكاوتش شوية .. وانا وضحت ده فى المشاركة الاولى ...
يبقى ركب 185\65\14 بس خللى بالك ان دة حيقلل الثبات فى الملفات و دقة الدركسيون و حيخللى قراية العداد مش صح
MMamdouh
انصح بكاوتش هانكوك كوري
شكرا استاذ ممدوح على ردك ....
لكن ما عيب الكاوتش 195/60 او 195 / 55 على الجنط الاستيراد .... هل ممكن يحك ؟؟؟
انا عارف المخاطر الاخرى بتاعت العداد والثبات ..
[quote ] انصح بكاوتش هانكوك كوري[/quote]
عن تجربة ولا حضرتك لسه مشتريه ؟؟؟
عن تجربة
كان راكب في العربية لما استلمتها زيرو وكان جميل جدا وصوته واطي على الطريق ولين في المطبات وعلى الطوب .
لما غيرت جبت كومهو
صوته عالى شوية على الطريق لكن كويس برضه بس الهانكوك احسن [/quote]
الهانكوك كويس ... وبردوا فى نوع اسمه ناكينج تيوانى كويس ...
افضل نوعين هم بريدجستون يابانى ويوكوهاما يابانى ... يليهم ال جى تى ....
دول اللى جربتهم ... مشكلتهم انهم غاليين ... بس بيعيشوا كتير جدا ..
نصيحة من مجرب بلاش ال195 بجد هيضيقك اووووووي ويخلي العربية تحك في مطبات الهواء حتي لو العربية فاضية بلاش منة انا جربتة وبجد خالني كرهت العربية كلها
[معلش انا رديت من يوزر اخويا ...
Quote]
نصيحة من مجرب بلاش ال195 بجد هيضيقك اووووووي ويخلي العربية تحك في مطبات الهواء حتي لو العربية فاضية بلاش منة انا جربتة وبجد خالني كرهت العربية كلها[/quote]
حضرتك كنت مركبه 195 على كام ونوعه ايه وعلى جنط ايه ؟؟؟
نصيحه منى ليك وخالصه لوجه الله اذا كنت بتسوق بسرعات عاليه 160 كم فاكثر ابعد تماما عن ال 195 انا كنت مركب جنط13\185\60 وكان ثبات العربيه رهيب بدرجه لا تصدق وغيرت الجنوط وجبت 14 وركبت كاوتش 185\60 لكن للاسف قل ثبات العربيه وخصوصا على الطريق الزراعى لما راجعت قياس الاطارات الاستندر وجدت اللانوس الكورى من مواصفاتها الجنط ال14 اما المصرى الورقه المثبته فى درج التابلوه لاتوصى به مع العلم ان سيارتى 2002 بلاش المغامره ونوع الكاوتش الذى قمت بتركيبه وثبت انه اكثر من رائع نوع اسمه فايرستون تايلاندى ثمن الفرده360جنيه تايلاندى الصنع ومعلومه من باب العلم بالشئ تايلاندا من ملوك العالم فى صناعة المطاط
الهم بلغت الهم فاشهد
يا جماعة الراجل بيسال الجنوط بتاعتكم نوعها ايه عشان اللي عنده جنط سبور وبيحك ممكن يكون المشكلة في offset الجنط بيخلي الجنط خارج اكتر برا العربية
هقولك حاجة...معلش عشان انا العربية مش قدامي وممكن تكون فكرة تنفع
لو الجنط الجديد نفس الاوفسيت ...... ممكن تجيب مسطرة أو عصايا طويلة وتحطها علي الكاوتش عندك وتشوف الفرق بين العصايا وشفة الرفرف ساعتها ممكن يكون عندك تخيل شوية
طبعا تاخد بالك ان الجنط الجديد فارق 5 مللي في العرض عن الاصلي
المقاس اللى انت كنت مركبة (185/60/13) كان موطى العربية و دة سبب شعورك بالثبات مقارنة بمقاس 185/60/14
مفيش ورقة فى تابلوة العربية لا تنصح باستخدام الجنط ال14... اذا كان هو اصلا من تجهيزات العربية الاساسية لما بتنزل بمكنة 1600 يبقى ازاى لا تنصح باستخدامة؟... كمان عربية والدى فيها ستيكر فى درج التابلوة مكتوب فيها ان مقاسات كاوتش اللانوس 155/80/13 و 175/70/13 و 185/60/14
MMamdouh
بالنسبه للكاوتش انا جبت تويو يابانى و هو ممتاز و كان راكب فى العربيه كومهو كورى و لكن طبعا فى فرق
و على فكره احسن من الهانكوك الكورى و انا اشتريت مقاس الانوس 13/70/175 ب 285
و مقاس الاوبترا 14/65/185 ب 400
و الاسعار دى من سمير بيومى شركه الايمان ميدان الدقى
ايوة فعلا ... يعني استاذ ممدوح مركب 195\50 كان بيحك بس عدل الشفف و بقا كله تمام بس ممكن يكون الاوفسيت بتاعه ناطر الكاوتش لبرا شويه يبقا لو ركبت عندي على الجنوط الاستيراد مش هتحك خالص ورا
فكرة حلوة بتاعه المسطرة بس لازم العربية تكون محمله ورا و تمشي بيها عشان نكون متاكدين هتكون عامله ازاي في المطبات و على السرعات
موضوع الاوفست مضبوط بس خللى بالك ان الكاوتش ممكن يحك فى المساعد مع الجنط الاصلى لان الاوفست بتاعة كبير
MMamdouh
قدام مفيش اى مشاكل خالص... المشكلة دايما ورا
لو الاوفست قليل (30 الى 35) حتحك ورا فى شفة الرفرف و تنى الشفف بيحل المشكلة مع الاوفست 35 فقط... 30 ملوش حل
الجنط الاصلى الاوفست بتاعة 49 فا بيبقى بعيد عن شفة الرفرف بس الكاوتش بيبقى داخل لجوة كتير و فيه احتمال يحك فى المساعد
انا مجربتش بس نظريا اوفست 49 مع كاوتش 195 احتمال يحك
MMamdouh
انا كان عندي نفس المشكله ولكن مع كاوتش 215 وحليت الموضوع الحمد لله شوف الموضوع ده يمكن يفيدك
http://www.nilemotors.net/Nile/211151-16.html
ممدوح انت خريج ايه عشان انا بشبه عليك :)
تجارة خارجية - جامعة حلوان
MMamdouh
كان نفسي تطلع هوا :)
شكرا ليك ...
الف شكر لكم جميعا