كانك موجود وربنا معاك
عرض للطباعة
ياخونا عايز اعرف نتيجة الاجتماع هل رسيتم علي المكان التجمع ولا الهضبة
مستنيكم النهارده ياجماعه واى حد عاوز حاجه يتصل بيا انشاء الله
م/احمد بكر
0100032497
تم الإجتماع اليوم بحضور
م/أحمد بكر
أ/ أحمدالمصرى
أ/أحمد ......... نسيت
أ/أحمد ......... نسيت :11:
أ/حمدى
و العبد لله تامر رجب
و أحب أشكر كل من حضر و كل من كان يريد الحضور و لم يستطع الحضور ، انا اولا سعيد انى اتعرفت بجد على ناس محترمه كده :worried: و يشرفنى يكون فيه بيزنس بينا انشاء الله
ملخص الحوار اتفقنا اننا هندور على ارض نستثمر فيها و كل واحد هيدور فىالمنطه اللى هو فيها و نعرف اسعار الأراضى و نقول لبعض ، كمان بالنسبه للهضبه هو مكان راقى للسكن و احنا اتفقنا ، اننا هنثتثمر فى الأول و ان مكان الهضبه مش هيصلح للأثتثمار ، لكن هو مكان مثالى للسكن ، و اللى هيبنى فيه هيكون بهدف الأستقرار فيه مش للأستثمار ، و لذلك قررنا ندور على أرض تصلح لبناء عماره غير محدودة عدد الأدوار و تصلح لوجود محلات و فى نفس الوقت فى مكان مناسب ، ده تقريبا الملخص و ممكن أى احد من اللى حضروا لو عنده إضافه يحب يضيفها او نقطه يوضحها يبقى زى الفل ............... و يا ريت نسمع الأراء و لو حد عنده فكره بأسعار الأراضى يعنى فى النزهه الجديده - الشروق - العبور - التجمع- الهرم .... يعنى مش محدودين بمكان ، لأنه هيبقى شىء للإستثمار و الله الموفق
بالنسبه للمشاركه و العدد ، النقطه دى لسه متفقناش عليها بالظبط بس اعتقد انها مش هتذيد عن 10 تم تحديد 6 منهم لحد الأن و الله المستعان .
السلام عليكم
اولا انا سعيد جدا باجتماع امبارح لانى لقيت جديه وتصميم وافكار حلوه جدا
ثانيا انا بدات اعمل جروب للناس زى مااتفقنا بس الاستاذ/احمد كامل والاستاذ/احمد عبد الحميد للاسف مش لاقى الاكونت بتاعكم على الفيس فياريت تضيفونى عندكم وايميلى ahmed_2mame@yahoo.com
اى حد عاوز يشارك معانا سواء كان للاستثمار او السكن يتفضل يقول ويحط الايميل بتاع الاكونت على الفيس علشان نضيفه وندخله الجروب باذن الله
بالنسبه لموضوع الارض
اعتقد ان بنسبه كبيره هاتكون فى الهرم ( الا اذا لقينا قطعه ارض مناسبه فى مكان تانى مناسب ) لان الهرم فيه اماكن مناسبه وجميله وبرضه اسعارها كويسه والطلب على الشقق فيه كتير عكس المدن الجديده وانشاء الله هاتبقى فيه مواعيد تانيه حسب الاتفاق ونتقابل ونقعد تانى ونشوف
الحمد لله انكم اجتمعتم واسف علي عدم حضوري علي الرغم من اتصال مهندس أحمد بي ولكني لم أستطع لظروف
وربنا يوفق للخير دائما ويوفقنا جميعا لما يحبه ويرضاه
وعشان اكون صادق انا داخل في الموضوع ده بغرض اني محتاج شقة أكثر منه استثمار
وربنا يكرم ان شاء الله واكون موجود معاكم الاجتماع القادم او ممكن نخلي واحد من المجموعة هو المنسق العام للموضوع ويكون معاه كل الأخبار حتي يتمكن من هو لا يستطيع الحضور للاجتماع في اي مرة ان يقابله هو شخصيا ويعرف منه التفاصيل او اي شيء مادي مثلا (زي اوراق او ماديات ) يكون هو المسئول عنها وتحفظ بمعرفته و تتجمع بمعرفته أيضا
وده ايميلي :-
eh_mmm2005@yahoo.com
والله الموفق
السلام عليكم و رحمة الله و بركاته
الحمد لله أن الاجتماع كان بفايدة و ربنا ييسر ليكم الأحوال ان شاء الله :16::16:.
انشاء الله خير وهانبتدى نتخذ خطوات