مشروع عمارة سكنيه

**fny81** · 25-04-2011 07:44 PM

السلام عليكم و رحمة الله و بركاته

فكرة المشروع مش جديده و كتير عملوها و نجحت ، انا فكرت اعرضها لما اعرف واحد زميلى فى الشغل عاملها مع ناس صحابه
الفكره ببساطه ان مجموعه يشتروا قطعه أرض و هو ده كل اللى بيعملوا ، صحبى مثلا باع شقته و سكن فى شقه ايجار مفروش عشان ييجيب الفلوس
المهم بعد ما نشترى قطعة أرض نتفق مع مقاول انه يبنيها و هو بيتحمل كل تكاليف البناء و بيسلما لينا واجه و مدخل و ده حسب الأتفاق و فى المقابل مش بياخد فلوس منا بياخد نص العماره ، و بردوا بيختلف حسب الأتفاق لأن ممكن الأرض تبقى قيمتها و مكانها غالى لكن البناء تكلفته واحده فى كل حته تقريبا ، فياخد الربع مثلا او الثلث و باقى الشقق بيتقسم على المشاركين او يتباعو و يخدوا الأرباح او يسكنو افيها كل واحد و مزاجه
اهم حاجه توافر الأمانه و الثقه و المصداقيه و كمان الشركاء لازم يبقوا جادين و ايد واحده ، و اى حاجه تبقى بالأتفاق و المشاوره بينهم و بعلمهم جميعا .

دى الفكره المبدأيه ، ايه رأيكم فيها ، و فيه حد عنده استعداد نعملها ؟؟؟ و لو حد ليه رأى و ممكن يفيدنا يبقى زى الفل ، البلد بتتغير ، عاوزين نعمل حاجه ، مش هنستنى الفلوس تجيلنا لوحديها ولا زياده الحكومه تزودها لينا ، الواحد كل شويه يسمع حد عمل مشروع و فلان بنا عماره مع اصحابه .................. الخ و فلان كان شارى شقه من فتره و دلوقتى تمنها بأه اضعاف ، و نقول يا ريتنا كنا اشتريناااااااااا انا مش بحسد ، ربنا يرزق كل واحد و يبارك له فى تعبه و مجهوده

مستنى أسمع أرائكم و نفيد بعض و ممكن حد يمر ياخد الفكره يعملها و احنا منعملش حاجه

**m.aligamal** · 25-04-2011 08:06 PM

بالفعل يباشا احنا عملنا الموضوع ده مع زملائنا فى العمل سنه 2004 و بنينا برج مساحته 1000 م ارتفاع 11 دور و الحقيقه الشقه وقفت لغايه دلوقتى على 130 الف مساحتها 250 م 2 اسانسير و محلات و بدروم و سطح و دور ادارى الزملاء بيبيع الشقه من غير المرافق ب400 الف و بالمرافق 850 الف يعنى الموضوع كده كده مربح جدا و موفر جدا بس على فكره الارض كانت رخيصه المتر 350 ج وبعد بناء البرج الارض اتسقعت و اصبحت اليوم ب4000 ج وبعدين بدل شركه تعملوا حاجه اسمها انتخابات زى اتحاد سكان كده و تشوفوا مقاول و مهندس يرسم العماره و مقاول للتنفيذ و انتوا اعملوا كل حاجه بنفسكم اوفر بكتير من الشركات وكمان تطمن على التسليح و المواد المستخدمه
اهم شىء من خلال تجربتى
1 الامانه
2 الالتزام

**fny81** · 25-04-2011 08:41 PM

المشاركة الأصلية كتبت بواسطة m.aligamal

بالفعل يباشا احنا عملنا الموضوع ده مع زملائنا فى العمل سنه 2004 و بنينا برج مساحته 1000 م ارتفاع 11 دور و الحقيقه الشقه وقفت لغايه دلوقتى على 130 الف مساحتها 250 م 2 اسانسير و محلات و بدروم و سطح و دور ادارى الزملاء بيبيع الشقه من غير المرافق ب400 الف و بالمرافق 850 الف يعنى الموضوع كده كده مربح جدا و موفر جدا بس على فكره الارض كانت رخيصه المتر 350 ج وبعد بناء البرج الارض اتسقعت و اصبحت اليوم ب4000 ج وبعدين بدل شركه تعملوا حاجه اسمها انتخابات زى اتحاد سكان كده و تشوفوا مقاول و مهندس يرسم العماره و مقاول للتنفيذ و انتوا اعملوا كل حاجه بنفسكم اوفر بكتير من الشركات وكمان تطمن على التسليح و المواد المستخدمه
اهم شىء من خلال تجربتى
1 الامانه
2 الالتزام

ما شاء الله ربنا يبارك لك

ان شاء الله الموضوع يستاهل يتعمل بس الواحد محتاج يجمع معلومات من اهل الخبره الأول و ان شاء الله ربنا يسهل و حلوه فكرة اتحاد السكان دى جامده

**mohamedbook** · 25-04-2011 08:42 PM

فكرة ممتازه
بفكر في هضبة الهرم بس عشان اخد شقة فيها تكون رخيصة مش للتجارة
الارض هناك سعرها حوالي 1000ج للمتر بس القطع هناك مش اقل من 700 متر او 1000 متر
لو حد عنده استعداد للموضوع ده انا مستعد

**fny81** · 25-04-2011 08:47 PM

المشاركة الأصلية كتبت بواسطة mohamedbook

فكرة ممتازه
بفكر في هضبة الهرم بس عشان اخد شقة فيها تكون رخيصة مش للتجارة
الارض هناك سعرها حوالي 1000ج للمتر بس القطع هناك مش اقل من 700 متر او 1000 متر
لو حد عنده استعداد للموضوع ده انا مستعد

الفكره جميله و ناجحه و يعنى قطعة الأرض بمليون جنيه تفتكر دى محتاجه كام واحد يدخل فيها و يا ترى هنبنيها بنفسنا ولا نخلى حد يبنيها لينا عشان ده يتوقف على عدد اللى هيشتركوا معانا فى الموضوع

انا واخد الموضوع جد و مش شرط هضبة الهرم ممكن أى مكان يبقى معقول

**sayed911** · 25-04-2011 08:52 PM

احنا كشركة مقاولات ماشيين اصلا بالنظام ده .. بندور على الناس اللي زي حضرتك اللي عندهم جدية في العمل وبناخد الأرض مشاركة .. انا ببني وبدخل مرافق وخدمات وكهرباء ومياه وبسلم الشقة على المحارة الداخلية وبالمقبال انتا النص وانا النص .. ولكن تلميح لحضرتكس عر البناء مش في كل مكان زي بعضوا :d
ومش بعيد انا ببني ف يالتجمع الخامس وفي العبور المون بتختلف ولكن ليس الإختلاف القاتل ولكن التشطيبات بتفرق جامد في الأسعار ..

**fny81** · 25-04-2011 08:58 PM

المشاركة الأصلية كتبت بواسطة sayed911

احنا كشركة مقاولات ماشيين اصلا بالنظام ده .. بندور على الناس اللي زي حضرتك اللي عندهم جدية في العمل وبناخد الأرض مشاركة .. انا ببني وبدخل مرافق وخدمات وكهرباء ومياه وبسلم الشقة على المحارة الداخلية وبالمقبال انتا النص وانا النص .. ولكن تلميح لحضرتكس عر البناء مش في كل مكان زي بعضوا :d
ومش بعيد انا ببني ف يالتجمع الخامس وفي العبور المون بتختلف ولكن ليس الإختلاف القاتل ولكن التشطيبات بتفرق جامد في الأسعار ..

شكرا للأستاذ سيد للتوضيح ، و كده معانا الأستاذ سيد كمقاول

**shaddadfalcon1** · 25-04-2011 09:07 PM

لو في الأسكندريه انا راشق ولو في القاهره انا ممكن ادخل معاكم وابيع واشتري هنا

**mohamedbook** · 25-04-2011 09:08 PM

المشاركة الأصلية كتبت بواسطة fny81

الفكره جميله و ناجحه و يعنى قطعة الأرض بمليون جنيه تفتكر دى محتاجه كام واحد يدخل فيها و يا ترى هنبنيها بنفسنا ولا نخلى حد يبنيها لينا عشان ده يتوقف على عدد اللى هيشتركوا معانا فى الموضوع

انا واخد الموضوع جد و مش شرط هضبة الهرم ممكن أى مكان يبقى معقول

مكن يخش في الموضوع ده حوالي 20 واحد كل واحد ممكن يدفع مائة الف جنية ثمن الارض مليون وهنبني علي سبيل المثال بمليون
هو المباني هيكون فيه 4 شقق و 4 ادوار غير الارضي يعني هيكون فيه حوالي 20 شقة
نيجي للمساحة مساحة الشقة هتكون في حدود 170 متر علي الاقل لو هتحسبها علي العلم انهم هيحسبوك علي مساحة 250 متر
يعيني لو تحسبها هتلاقي المترهناك كاش يعمل 1100ج اما لو قسط يعمل 1300:1400ج للمتر
اضرب 1100 × 250 متر = 275 الف جنية للشقة في حين انك دافع 100 الف جنية فقط يعني كسبان 175 الف جنية
من الاخر المشروع كسبان كسبان انا فكره فية بس ميزانيتة كتيرة عليا مينفعش اقوم بية لواحدي لو تحب نمشي في الموضوع ده انا معاك
بس زي مقلتلك
الفكرة هنشوف مهندس كويس ويعمل الرسومات ويقوم بالاشراف علي المقاول والمقاول هياخد اجره ايده فقط
والله المستعان

**fny81** · 25-04-2011 09:32 PM

المشاركة الأصلية كتبت بواسطة mohamedbook

مكن يخش في الموضوع ده حوالي 20 واحد كل واحد ممكن يدفع مائة الف جنية ثمن الارض مليون وهنبني علي سبيل المثال بمليون
هو المباني هيكون فيه 4 شقق و 4 ادوار غير الارضي يعني هيكون فيه حوالي 20 شقة
نيجي للمساحة مساحة الشقة هتكون في حدود 170 متر علي الاقل لو هتحسبها علي العلم انهم هيحسبوك علي مساحة 250 متر
يعيني لو تحسبها هتلاقي المترهناك كاش يعمل 1100ج اما لو قسط يعمل 1300:1400ج للمتر
اضرب 1100 × 250 متر = 275 الف جنية للشقة في حين انك دافع 100 الف جنية فقط يعني كسبان 175 الف جنية
من الاخر المشروع كسبان كسبان انا فكره فية بس ميزانيتة كتيرة عليا مينفعش اقوم بية لواحدي لو تحب نمشي في الموضوع ده انا معاك
بس زي مقلتلك
الفكرة هنشوف مهندس كويس ويعمل الرسومات ويقوم بالاشراف علي المقاول والمقاول هياخد اجره ايده فقط
والله المستعان

يا باشا انا معاك و انا مثلك المشروع ده ميزانته كبيره عليا ، مش لازم قطعة الأرض دى الأراضى كتيره و الأسعار مختلفه ممكن نختار حاجه اقل شويه ، اهم حاجه نجمع المشتركين ، بس عاوزين نحدد مبلغ كحد أقصى للمشاركه عشان كل واحد يعرف مقدرته ممكن واحد مقدرته 50 الف ، واحد 100 الف ، و اتشرفت بيك يا استاذ محمد و انا اسمى تامر

الموضوع: مشروع عمارة سكنيه

LinkBack

أدوات الموضوع

عرض

مشروع عمارة سكنيه - انشر الموضوع فى :

-

-

-

-

-

-

المواضيع المتشابهه

شقق سكنيه و مصيفيه للتمليك بارق مناطق مرسى مطروح الرائعه

تعليم السواقه في منطقه مدارس و سكنيه..... مشكله ساعدوني

عماره سكنيه خاليه

بيت فلاحي بشبرا بلوله المنوفيه يصلح لبناء عماره سكنيه

فية بدروم عمارة و عايز اعمل فية مشروع و محتاج افكار

الكلمات الدلالية لهذا الموضوع

المفضلات

المفضلات

ضوابط المشاركة