الحقوووني..احسن خلاص هطق .. مشكله مع الموبايل وتوكيل رايه
بسم الله الرحمن الرحيم
في الاول عايز اشرحلكم من البدايه
ويارب حد يقدر يقولي حاجه انهي بيها القرف اللي انا فيه ده
انا الحمد لله من حوالي شهر واسبوع كده
اشتريت موبايل c7 من موبايل شوب
بضمان رايه
المهم الموبايل فضل تمام وبتعرف عليه وكده
لحد ما عدا عليه 5 ايام
فجأه لقيته مش بيستقبل مكالمات ولا بيتصل
مع انه جايب النتورك كامله و 3G
ولازم اعمل ريستارت عشان يستقبل ويبعت او يتصل
المهم كنت فاكر انها حاجه بسيطه
سوفت وير مثلا
ف روحت علي رايه
قالولي سيبهولنا يومين وان شاء الله هنعمله
المهم سبته
اتصلت بعد يومين قالولي راح المركز الرئيسي للصيانه لأنه طلعت مش حاجه صغيره
وقعد معاهم اسبوع
ورجعلي بعدها
قالولي غيرنالك الوحده الداخليه
اللي هي المفروض البورده
خدته ومشيت
في نفس اليوم عمل نفسي المشكله
ووديته تاني يوم
وقعد حوالي اسبوع برضو
وقالو برضو غيرنا الوحده الداخليه
وعمل نفس المشكله
روحت اقولهم عايز واحد غيرو
قالولي مينفعش
اصله لازم يدخل صيانه 3 مرات
وفعلا باظ تاني ووديته
وبرضو غيرو الوحده الداخليه بعد ما قعد اسبوع برضو
ومغيروش الموبايل كله
اعمل ايه بقي مع الناس دي
الموبايل كل شويه اعمله ريستارت
واتخنقت وزهقت
اتصلت بمركز خدمه الاتصالات
قالوي لازم اوديه عندهم الاول
حاسس اني مش هعرف اخد حقي في الموضوع ده غير بمشكله كبيره
انا اسف اني طولت عليكم
بس انا نفسي حد يقولي حل