-
موتور اكسنت الشكل القديم
السلام عليكم
انا انشاء الله ناوى اشترى اكسنت 1300 علشان انا مش بحب ولا كمبيوتر ولا الكلام ده يعنى حاسس انها بسيطه وسهله وتكييفها حلو جدا
بس عايز اعرف موتورها كويس ولا لا
سمعت انو بيفوت وعفشتها وحشه اوى ارجو النصيحه
وايه احسن موديلات الاكسنت اى سنه وكده؟
شكرا عى النصيحه مقدما
-
بص يا سيدى انا كان معايا اكسنت 1300 موديل 2000 العربيه دى حلوه قوى قوى و متينه و بتستحمل و انها كنت بعاملها كأنها 4x4 ههههههههه
الموتور ناعم و جراى بدرجه رهيبه و انا بايعها عامله 160 الف كيلو ماكنش فيها اى حاجه و الموتور سليم
العفشه حلوه بس مش 100 100 و عايزه تربيط على طول , الطنابير ماتغيرتش ولا مره , التيل كنت بغيره كل 35 الف كيلو , الكبالن اتغيرت بعد 80 الف كيلو , المساعدين غيرتها بعد 60 الف كيلو غيرت الكاوتش 3 مرات و متهيألى ده حلو قوى فى استخدام 5 سنين من الخدمه الشاقه .
عيوبها : كتاوت الدينامو , و ده طايرلى البطاريه 3 مرات قبل كده بس ليه حل و هو انك تغير الدينامو كله بواحد المانى و هايشتغل زى الحمار بعد كده . , الكتاوت ده بحوالى 140 جنيه و بس عيبه انك مابتعرفش انه باظ الا لو فتحت الكونتاكت قبل ما تدور لو لقيت علامه البطاريه منوره فى التابلوه (قبل ما تدور ) يبقى تمام ........... لو مالاقتش العلامه دى منوره يبقى باظ و غيره قبل ما يطيرلك البطاريه .
اللى بيبوظ الكتاوت عموما اى ميه تيجى عليه .
و من العيوب كمان ان التابلوه بيتكسر من الشمس و الريش بتاعت التكييف الموجهه للزجاج بيتقطموا واحده ورا التانيه .
هى دى العيوب الجوهريه اللى كانت فى الأكسنت 2000 و التكييف كان زى الفل و تلاجه و عمرى ماجيت جنبه وللا شحنته لمده الخمس سنين دى .
عزل الكاوتش كان حلو .
بالنسبه للعربيات الأ:سنت موديل 2007 سامع فيها بعض العيوب مثل : عزل الكاوتش وحش جدا و ده لأن الكاوتش كان متخزن عند غبور تخزين غير صحيح .
طرمبه البنزين بتعمل صوت و بتبوظ.
a7'ook
Sherif
-
شكرا ياباشا والله
انا ناوى اجيب استعمال بس انشاء الله حشوف وحده كويسه وانا مش بتاع فرك خالص
وسمعت ان قطع الغيار جميله اوى مش غاليه
انا كونت حايف بس من الوتور بس بعد كلامك اطمنت
بس بعد ازنك ممكن تئولى بعض امثله الاسعار كده وبتسخن على السريع ولا لا؟
شكرا :oops:
-
-
التيل كان على ما اتذكر 55 جنيه (الأمامى)
المساعدين نوعهم kayaba يابانى و برده على ما اتذكر حوالى 700 الأربعه (امامى و خلفى)
الفانوس الأمامى على ما افتكر المره دى هههههه 220 الكورى الأصلى
خلفى على ما اظن 240 كورى اصلى
الباغه للخلفى 15 مصرى
ايه تانى ؟؟؟؟
و بالنسبه للسخونيه ...... عمرها ما سخنت معايا ابدا ابدا مع انى كنت بسافر كتير و مابنزلش عن 150 فى طريق السفر .
بجد عربيه زى الفل بس خد اى موديل لغايه 2002 علشان بعد كده انا سمعت انهم عكوا فيها جامد .
و السعر للعربيه الصح الصح حوالى 40 الف اللى بالتكييف طبعا علشان لغايه موديل 99 كانت بتنزل من غير تكييف
و لو عايز تسأل عن اى حاجه انا تحت املرك
a7'ook
Sherif
-
multy89@hotmail.com
ممكن نتكلم بس علشان اسئلك فى شويه حاجات كده
بعد ازنك؟
-
-
شريف ليه مش اون لين عندىى؟
Content Relevant URLs by
vBSEO 3.6.0 PL2