كريسيدا

**desiel** · 26-04-2011 10:11 PM

نويت ان شاء الله اشتري عربية في حدود 30 الف وفكرت اجيب الكريسيدا بس خايف من قطع غيارها هل ممكن حد يعرف ايه اخبار قطع غيارها ؟؟

ولو في خيارات تانية بالنسبة للسعر ده؟؟

**mahmoudselim** · 27-04-2011 10:10 PM

عربية ممتازة ومريحة جدا في سواقتها بس قطع غيار مش بالسهولة أنك تلاقيها لاكنها موجودة.
بنفس المبلغ ممكن تجيب كورولا موديل 91 او لانسر عيون صفية او البطة لو أنت بتفكر في عربية ياباني عائلية

ممكن برضوا تتابع موقع ContactCars وتشوف العربيات المعروضة

**desiel** · 28-04-2011 07:56 PM

شكرا جزيلا على اهتمامك

**fouaa** · 28-04-2011 08:12 PM

متخليك فعربيه لانسر او تويوتا افضل عشان متجبش العربيه ويتكسرلك فانوس ولا ازاز فيها وتفضل تلف عليهم الكره الارضيه هتجبهم بس هيطلع عينك وده عيبها الوحيد فمصر وانت اكيد مش عاوز تجيب عربيه تخليك تلفلها علشان تجبلها حاجه المفروض تلاقيها عند اى محل قطع غيار فاى مكان حوليك .

**zegzaag** · 29-04-2011 07:43 PM

اتكل على الله
وهاتها اتوماتيك والتكييف شغال وكل الكماليات
بالنسبه لقطع الغيار انا فالهرم وبنزل ميدان الدقي في ناس بتبيع ليها قطع غيار ( الحاجات التقيله ) اما الحاجات الخفيفه ( فأي محل قطع غيار ياباني ) وفيها حاجات شركة تويوتا مغيرتهاش يعني لكل الموديلات من سنة 70 لحد دلوقتي ( متقلقش خالص ) حاجاتها متوفره وارخص من عربيات كتير دنا ساعات بعمل حاجات فيها ب 5 و 10 جنيه حاجه زي الفل والفوانيس ب 30 جنيه وكلام من ده

وهي عربيه بتستحمل الشغل ولما تركبها كتير هتحبها

ولو في اي سؤال حضرتك ممكن تسألني يمكن اقدر افيدك