سامحني انا قريت غلط كنت فاكر على القزاز
انما البودي نفسو معنديش خلفيه مجربتش قبل كده وان شاء الله الشباب هنا يفيدوك وتشيلها وترجع احسن من الاول
عرض للطباعة
جرب ميه سخنة الأول
جرب الجاز افتكر الجاز بيطلع اي حاجة يعني حطها علي ليفة و اعمل بيها و ربنا يصبرك
جرب ال wd40 دا بيطلع بلاوي
دورتلك على منتديات أجنبية كتييييير
الحل عشان تشيله من على بوية العربية حاجتين ....
أولا wd-40 المفروض انه يشيله بس مافيش تجارب شخصية برغم انه موصى بيه قوي
ثانيا ومجرب .... ميه بصابون بس على درجة الغليان بما تعنيه الكلمة مية بتغلي بصابون و بحرص هيتشال خـــالص يـــاريت تلبس جوانتي عشان ماتتلسعش بالمية
أنا لو منك أروح لصاحب الإعلان أهزأ أهلو
عن تجربة قبل كده ال WD40 فعلا حاجه لاتصدق بيشيل اقوى استكر ملزوق من غير دعك ولا غيره ولا بيسبب اى بهتان فى الون او الطبقة
الورنيش الخطوات الى جبرتها قبل كده:
كان فى استيكر ملزوق وتحس انه مش بأمير بس ده كأنه بقه حتى من السطح الى ملزوق عليه :oops1:
- صابون ارضيات وملمع قزاز مع اسفنجة غسيل جربت حتى الأريل بتاع غسيل الهدوم (فشلت كل المحاولات ) بس هنا حصل بعض التلافيات فوقفت علطول الموضوع ده.
- WD40 رش وأدهن المنطقة بتاعت الأستكير وسيبها خمس دقيق وبعد كده بفوطه نظيفة امسح مكان الإستكير براحة. فعلا مكنتش مصدق انه اتشال بالشكل ده ، وكنت ندمان انى معملتش كده من الأول بس الحمد لله كانت تجربة موفقة جدا جدا.
تحياتى لكل الأخوة الكرام.
.