يا جماعة واحد ربنا يسامحه لزق اعلان على الكبوت و شكلة كان لزقة بامير
دلوقتي شكلة غبي و مبيتشلش و لا ببنزين و لا تنر اعمل فية اية
عرض للطباعة
يا جماعة واحد ربنا يسامحه لزق اعلان على الكبوت و شكلة كان لزقة بامير
دلوقتي شكلة غبي و مبيتشلش و لا ببنزين و لا تنر اعمل فية اية
بص هو فيه كذا طريقه
لما يكون فيه ستكير لازق على القزاز او ورقه
بتجيب ملمع القزاز الي لونو ازرق وترش كويس على الحته الي عليها الورقه بحيث ان الملمع يعدي على الورقه وتجيب موس صغير وتبتدي بشويش كده تعدي ( على الورقه مش القزاز يعني الحته الي بينهم ) بحيث تفصلها عن القزاز بس تاخد بالك انك متجرحش الازاز ولو فضلت الورقه لازقه رش تاني وتبتدي تشيل طرف الورقه بالموس وتتملك منها بحيث تمسك الطرف بأيدك وتشد وتكمل بالموس ( الطريقه دي انا اتعلمتها وجربتها وجابت نتيجه معايه )
لكن الطريقه التانيه انا شفتلها فيديو بس ( انك بتجيب سشوار او حاجه بتطلع هوى سخن بحيث ان الحرارة العاليه توصل للورقه وتخلي الامير يبقى لين وطري بحيث يكون سهل انك تشيلو قبل ما يرجع لحرارتو الطبيعيه )
وان شاء الله اكون قدرت افيدك
لا حول ولا قوة إلا بالله ..
الأمير بيعمل طبقة بلاستيكية قوية على الدهان وصعب تتشال بدون تجريح
أمير لا يزول الا بالصنفره
و اكيد ممكن تؤذى الدهان
الحمد لله على كل حال
بقولك اية ياباشا اللى هاقولك علية دة هيشيلك الامير بدون ادنى تأثير على البوية حتى لو كانت السيارة رشة
دلوقتى انت هتجيب الليفة الخاصة بغسيل الاكواب عشان يكون سطحها مش خشن ولا ناعم , وهتشترى (منظف كربراتير او انجيكشن ) ورشة على الاماكن اللى فيها امير ومشية علية بايدك وسيبة دقيقتين كدة وبعد كدة رش تانى , وهات الليفة وبهدوء كدة على الاماكن اللى عليها امير وان شاء الله هتطلع على فكرة الطريقة متجربة كان عندى امير بقى وقع بحالة كدة على باب العربية فضل كتير مش عايز يطلع اوديها لبوهيجى يقولى لازم تترش لحد ماربنا الهمنى بالطريقة دية
ان شاء الله يطلع معاك على طول
وبعد مايطلع ان شاء الله هات علبة ملمع ( بوليش ) ب5 جنية عشان لون العربية هيبقى مطفى من المنظف
متشكر يا جماعة على الردود هو بس المشكلة ان العربية لسة فابريقة برة و جوة و رحت للبوهيجي قاللي لازم تترش
ان شاء الله هجرب طريقتك يا استاذsemsem kane
و ربنا يسهل
بس هو قصد حضرتك على المنظف اللي بيتحط على التنك و لا اللي بيترش على بيكات الكاربراتير
مياه سخنة على الزق
احسن حاجة تجيب سبراي بتاع الناموس و الدباب فليت يعني رش شوية و استني و رش تاني و ابدأ بليفة فعلا
و قبل ده كلة اتصل علي التليفون اللي مكتوب علي الاعلان ملزوق علي الكبوت و هزأ و اشتم شوية و قول ليهم يتقوا ربهم في شغلهم و الناس اللي بتوزع اعلاناتهم