الموضوع: دخل أبوتريكة 15 مليون جنيه سنويًا

المشاركة الأصلية كتبت بواسطة otefa

الغرب أهتمو بالعلم أولا لما نعمل زيهم في الأولويات ويبقى الناس بلا أستثناء عايشة حياة كريمة في البلد يبقى يعملو السفه ألي بيعملوه ده.......هي البلد خربت من شوية
لينا نتدخل فيها طبعا بالمطالبة بفرض ضرائب تتناسب مع مردود العمل والموازنة بين العائد المتوقع ومدى عمق تأثيره على الدولة وبالتالي الفرد كوحدة أساسية بالمجتمع
بمعنى بدلا من تقديم حوافز تساهم في أنشاء ملاعب وأندية 5 ستارز ووسائل أعلام وفضائيات نضع قيود مادية(نزيد الضرائب) ونقلل الضرائب على المشلريع الأنتاجية (صناعية -زراعية- ووووو) مشاريع تعود بالخير على جموع المواطنين(هي دي التنمية المؤدية للعدالة الأجتماعية) وليس فئة قليلة تستحوذ على نصيب الأسد وياريت بنشاط بناء للمجتمع
أيه الأفيد للفرد يتفرج على ماتش كورة ولا أوفرله أندية بأسعار رمزية في كل تجمع سكني يمارس فيه الرياضة بنفسه
بالنسبة للهدف أنا معاك أنه من المرجح أنه يقصد فرقعة والسلام
بس أحنا أخدنا الموضوع في سكة أيجابية في نقاشنا بالتحليل وأقتراح حلول

وعلى فكرة في علم في الدين أسمه فقه الأولويات يعني ممكن نطبقه على الأولويات الملحة لتطوير أقتصاد بلدنا ولا محتاجين نقلد الغرب بالعكس هما ألي هايقلدونا
مشكلتنا في مصر تخطيطية رقابية بالأساس
http://www.nilemotors.net/Nile/216053-a.html

حضرتك من حيث المبدا مش مختلف معاك
بس الموضوع مش بالبساطه ده
مهو في الغرب برضه راتب العالم و الدكتور مش زي راتب لعيب الكوره هو هو نفس الفرق االي عندنا
بس الفكره في الاقتناع اولا و الحياه الاحسن و البرستيج ان صح اللفظ اللي العالم و الدكتور بيتمتع بيه
و معرفتهم ان مهنه زي زي مهنه لعيب الكوره مهنه قصيره الاجل و ممكن مستبقلك فيها يضيع باتفه الاسباب

اما موضوع الضرايب فبرضه مش من العدل تفرض عليا ضريبه زياده لمجرد انك شايف ان شغلتي مش مهمه او مش عجباك. الصح هو ما يسمي ال tax braket يعني كل ما دخلك يبقي ضمن حد معين ينطبق عليه ضريبه معينه بحيث يبقي الاساس دخلك مش شغلك و ان كان ده برضه بيواجه بعض المعارضه بحكم يعني انا لما اشتغل و اتعب و اكسب فلوس تاخدوا مني اكتر من التمبل اللي قاعد مبيعملش حاجة و راضي باللي بياخدوا و السلام

الفكره ان مهما عملت طول ما الطمع موجود في النفس البشريه هيطلع واحد يقولك مش عارف ايه

فبدل ما نعض نبص لبعض في ارزاقنا انا شايف ان كل واحد يعمل اللي عليه و يحب شغله و يحاول يتقنه و يرضي باللي انكتب له و يحمد ربه و يسيب الخلق للخالق