قدرالله و ما شاء فعل
وحمد لله على سلامتك
عرض للطباعة
قدرالله و ما شاء فعل
وحمد لله على سلامتك
قدر الله وما شاء فعل...
ولا يهمك.....فداك يا باشا...
ان شاء الله ترجع زي الاول تاني...
غالبا التوكيل هايسمكر العتب وهايغير البابين...(يعني فلوس زيادة وخلاص)..
باقي المراكز هاتسمكر كلة....
ممكن تعمل زي ماالاخوة قالولك...بس الاول اعمل المحضر علشان لو اتطلب منك تبقي جاهز....
قدر الله وما شاء فعل
حاول تصلح فالتوكيل عشان حرام العربيه جديدهأنا عايش بره في قطر و عايز أحكيلكوا على نظام التعامل مع الحوادث ( لا قدر الله ) عشان تعرفوا الناس دي فرقت عننا أزاي
أولا عند حدوث تصادم لازم تتصل بالشرطه حتى لو كان مجرد خدش و ممنوع تحرك السيارتين من مكان التصادم حتى لو فوسط إشارة الا بعد وصول الشرطه للمعاينه وده بيكون في خلال عشر دقايق لا أكثر
ثانيا بتوصل الشرطه و تعاين و يكتبوا التقرير و يسجلوا البيانات و يدوا الاتنين وصل لمراجعة المرور
ثالثا الاتنين بيروحوا المرور و ياخدوا خطاب تصليح لأان القانون هنا بيمنع أي توكيل أو ورشه تصلح الهيكل الخارجي بدون خطاب من المرور و التصليح بيكون عالى تأمين المتسبب في الحادث حسب نوعه لأن في نوعين للتأمين:
1- شامل: بيصلح السيارتين
2-ضد الغير: بيصلح سيارة الطرف الاخر اذا كنت أنت المتسبب فالحادث و أنت تصلح سيارتك على حسابك
رابعا بتروح ركة تأمين الطرف الثاني (لو كان هو الغلطان) تديهم نسخه من خطاب المرور و بينزل مندوب من عندهم يصور التلفيات بكاميرا ديجيتال و يقولك روح التوكيل لو كانت السيارة موديل السنه أو السنه اللي فاتت و لو أقدم صلح في أي مركز تاني
خامسا روح التوكيل سلمهم ورقة التصليح من الشرطه اللي مكتوب فيها كل بيانات الأضرار و الحادث و شركة التأمين و سيب السياره و هما هيصلحوا و يحاسبوا التأمين
سادسا أستلم سيارتك و روح بيتك
أولا لصاحب الموضوع قدر الله وماشاء فعل
وربنا يجعله في ميزان حسناتك ان شاء الله
واصبر واحتسب تأجر ان شاء الله
أخي الفاضل عملا بكلامك انت ان احنا لسنا اهلا لذلك ولسنا مشايخ
فكذلك ارجو من حضرتك عدم الأفتاء ان كل واحد يستفتي قلبه
لأن التأمين مجمه عليه في حرمنيته
وانت حضرتك بكده بتعوم المسألة للناس
وصدقني انت لا تستطيع انتتحمل اوزار من سيعمل بكلامك
فأحنا ليست قلوبنا مثل ابو بكر او عمر بمعنى اصح قلوبنا مريضه فكيف استفتيها ووهيا مليئة بالهوى
الكلام ده يختلف من شخص لأخر
وكل واحد يعمل اللي هو عاوزه زي ما هو شايفه
ويبقى مفيش دين اصلا لما كل واحد في مسألة يشوف هواه ايه قصدي قلبه في ايه من ناحيتها يبقى كل واحد يعمل حرام والتاني يعمل الحلال
فبالله عليك اين وقتها الدين واين الحلا واين الحرام
ولا الأتنين هيبقوا حلال او الأتنين يبقواحرام
يا أخي الفاضل صراط ربي واحد ليس اثنين
وفي النهاية اقول ان التأمين مجمع عليه بحرمانيته وسبق واتينا فتاوي المراكز المعتمده والعلماء الكبار
ولا ننسى ان هناك من يفتي لأجل الحاكم وهذا معروف على مر السنين وليس بجديد في عهدنا فقط
فيجب علي كمسلم ان يتحرى الحرام ويبتعد عنه وان يسأل ويرى الأجماع اين
والتأمين لمن لا يعرف يدخل في القمار
فأنت تتراهن مع الشركه ان حدث شئ تدفع لك وبدون تحديد لما دفعته انت
والعكس لو لم يحدث فهم من حقهم الفلوس اللي على الترابيزه
ولو هذه هيا باب الشيطان فرامي الزهر ينتظر اي رقم يظهر له والشيطان يتلاعب بينهم
انا اكيد قلبى مع استاذ وائل و بتكلم من ناحية انى خايفة انه يقع فى حرمانية هو فى غني عنها
اللهم اجره فى مصيبته و اخلفه خيرا منها.
بس حضرتك ايه الفايدة انى اصلح حاجتى و لا اجيب حاجة بفلوس حرام
هل ربنا كدة هيباركلى فيها؟؟
هل لما التأمين يأمنلى على عربيتي كدة خلاص ضمنت كل حاجة ؟ ما كله بايد ربنا
انا خطيبي حضرتك دخل مع البنوك و القرف دة فى تقسيط عربيته و دلوقتى تعالى شوفها عاملة ازاى !! ولا باين عليها انها من سنتين
و بعدين موضوع حرمانية التأمين محدش اختلف فيه الا لو حضرتك بتحسب علينا فتوات الاخوة الافاضل اللى بيحلو فوائد البنوك !
و فى الاول والاخر كل واحد حر فى تصرفه و انا عليه النصح لو شفت حجة غلط و اتمنى ان برضه حد ينصحنى لو قلت او عملت حاجة غلط
________
حمد لله على سلامتك يا أستاذ وائل و ربنا يعوضك خير ان شاء الله و معلش لو ضايقتك بس كلامى دة عن تجربة من اللى بشوفه و محبش ان اخ ليه يضر من حاجة حرام
________
بالنسبة لتأمين كونتاكت الاجبارى انا برضه كنت فكرت فى كونتاكت بس لما عرفت انه لو عندي وديعة بالمبلغ الباقى ممكن احط وديعة بيه و اقسط الباقى بدون حاجة لتأمين و اللى يقدر يفيد اكتر فى النقطة دى cryptonx عشان هو اشترى عربيته بالطريقة دى
السلام عليكم ...
شكرا للجميع على الأهتمام ... قدر الله و ما شاء فعل
أنا كنت فاتح الموضوع علشان لو حد مر بالخبرة ديه ينصحنى أعمل أيه و أتجنب أيه... شكرا لكل اللى جابوا...
الاخ أبو عبد الله
والله لا أري إني كنت بفتي ولكني قلت الراجل إللي بيسأل إنه عندة المراجع كثييرة و ممكن يسأل ويتحرى وبعدين يقرر حيعمل إية ..... أظن إني لم أنصحة بعمل شئ معين وبذلك لم أفتي ولا أتحمل وزرة إذا كان فية حرمانية ..... انا قلتلة تحرى وإسأل وبعدين قرر.
ليك وجهة نظر إنت حر فيها ولي وجهة نظر أخرى وأنا حر فيها ..... إنت ممكن تكون فاكر إن من يفتي بيخدم الحاكم ويمشي على هواه.... الله أعلم بذلك وهو يحاسبة .... مش إنت ولا أنا إلي بنحاسب الناس ولا نحن أعلم بضمائرهم.
ألاخت Onna
لم يكن قصدي مطلقا إنك او أي أحد منا بيشمت او يكرة الخير لأحد .... حاشى لله ...... القصد كان التهوين على صاحب المصيبة.... وجزاك الله خير على النصيحة.
أما شراء التقسيط وغيرة .... يا أختى في ناس كتيييير إشترت بالتقسيط ولسة بتشتري و قد إختلف العلماء في ذلك ولا أريد الخوض في تفاصيل لأنها كثيرة ومن يريد أن يعلم شئ عندة المراجع ودار اللإفتاء وفي النهاية لا يكلف كل واحد منا غير نفسة..... بس أحب أسألك حضرتك سؤال؟ وصدقيني مش عاوز إجابة.... هو لية بنحرم التقسيط علشان كذا وكذا وفي نفس الوقت بنحط ودائع في البنوك وبنتعامل مع البنوك .... مش الودائع بردة عليها فوائد؟ ومش القرض ب "ضمان الوديعة" ومن الضامن؟ مش ربنا؟ ....... موضوووووع معقد ومتشعب!
سبحانك اللهم وبحمدك .... لا إله إلا أنت .... أستغفرك وأتوب إليك.
انا فعلا مقدرش افتى ايه اللى حلال و ايه اللى حرام و ايه اللى ممكن يحتمل اختلاف الفتاوى
بس الواحد يا جودويف بيحاول على قد ما يقدر يتحرى الحلال و يسال اهل العلم و فى الاخر
بالنسبة لتقسيط العربيات و الكلام دة مش كله حرام انا سمعت انه فى انواع و ان بيبقي حرام انواع معينة من التقسيط.
الموضوع أه متشعب بس مش غامض يعني الحرام بين و الحلال بين و احنا علينا نسال و نتحري
الصواب
الاخت Onna
لا يسعني إلا أن أتفق معكي في السطر الأخير .... وعلى رأي ألمثل .... إنتي كدة جبتي من الأخر.
وفقنا الله وإياكي إلى ما يحب ويرضى.
وشكرا لحسن وأدب الحوار
ألف سلامه على حضرتك والحمد لله إن مفيش حد أصيب من الحادث
وده أهم شىء
الباقى سهل وبيعدى
الحمد لله والشكر لله على كل شىء