السلام عليكم

اولا يا جماعة كل الناس غللي بتقول التأمين حرام مش إيديهم في النار هما إيديهم في المية.... معلش إني بقول كدة ..... وربنا يكفينا ويكفيكم شر الحوادث وشر الحرام.

ثانيا.... مع إحترامي للجميع فلا إنتم ولا أنا مشايخ علشان نقدر نحرم شئ او نحلله فيا ريت نبعد عن نفسنا ذنب التحريم والتحليل بغير علم.... المواضيع والإفتاءات كتييييييييييير على النت وممكن الواحد يقرى ويستفتي قلبة..... وكمان أعتقد إن الموضوع قتل بحثا في المنتدى والنقاش فية كتييير وفية إختلاف كبيير!

نرجع لصاحب الحادثة.... اولا قدر الله وما شاء فعل ..... وربنا يخلف عليك خير وفداك والحمد لله.

1- حضرتك تروح تعمل إخطار حادث في الجمعية وتكتب إللي حصل بالظبط.
2- تخلى مهندس من عندهم يعاين الحاثة ويصور وياخد صورة من الإخطار.
3- لو حتوديها توكيل تويوتا يبقى حتتدفع إنت وبعدين تحاسبهم ولو وديت مركز تابع لهم هما بيدفعوا وإنت مش بتتحمل ولا مليم.
4- لو إنت دفعت بيردولك الفلوس بس بيتأخروا شوية يعني ممكن من 4 غلى 6 أسابيع.
5- أوعى تصلح اي حاجة إلا لما المهندس يعاين لأن التصليح لازم يتوافق علية من المهندس المختص بالتأمين.
6-لو إنت أخدت رقم السيارة بتاعت الشباب دول ... إعمل محضر للحفظ على حقك وشركة التأمين هيا إللي بتتابع المحضر مش إنت لأن قيمة الإصلا بتبقى من جيبهم.
7- لو حضرتك تقدر تصلح في التوكيل على حسابك (متوفر معاك المبلغ) يبقى إتكل على الله ولو مش متوفر معاك المبلغ يبقى إختار مركز ذو سمعة كويسة وحرفية وخلى بالك إنت ممكن ترفض تستلم العربية لو ما طلعوهاش كويس.
8- بالنسبة لخبطتك أعتقد كلها إصلاح ومفيش تغيير لان مش معقول حيغيروا البابين والعتب! بس مش متأكد.

إنت تروح تعمل الإخطاتر الأول وبعدها تروح التوكيل وتعمل معاينة وتشوف حيقولولك إية .... وسيبهم وروح على المركز غللي تبع الجمعية وشوف مستوى الخدمة إية وحيقولو لك إية.

لا تغتر بالتوكيل لأنهم بردة صنايعية زي أي صنايعي برة مش يعني دارسين في اليابان ولا بيشتغلوا بالكتالوج.... الفرق الوحيد في التوكيل إن هما غالييييين جدااااا بس لو في مشكلة ظهرت بعد الإصلاح ممكن ترجع عليهم تاني.

مرة تانية.... قدر الله ما شاء فعل وربنا يأجرك في مصيبتك.