http://img841.imageshack.us/i/270420111822.jpg/
عرض للطباعة
مشكوريين يا هونداويه على الروح الجميله دى
رحله اليوم الثالث
من الصبح ودينا العربيه عند حسنى الكهربائى ( ترشيح الحاج مجدى الدسوقى و عصام الميكانيكى ) علشان يغير الدفيره من يمين الى شمال ودا كان من الساعه 12 ظهرا تقريبا وكان بيفضل انى ابقى مش موجود لان القاعده مالهاش لازمه :_Alshmokh08[1]:
المهم سبته ورحلت كام مشوار لاقيت الحاج مجدى بيكلمنى ويقولى اتأخر شويه علشان ها نجيب كنترول تانى من بورسعيد علشان فيه مشكله بسيطه فى الكنترول وبالمناسبه رقم الكنترول p76
انا بصراحه قلبى بقى مش مطمن روحت واخد بعضى على الحاج مجدى علشان افهم منه ونروح ل حسنى الكهربائى ولما وصلت له قالى مافيش كنترول جديد ولا حاجه كل المشكله كانت فى حساس العمه وهوه غيره والعربيه الحمد لله دارت
المهم برضه رحت على حسنى لاقيته ودى العربيه دايره على عصام وهناك كانوا الاتنين شغالين فيها والظاهر كانوا قلقانين منى
المهم دورنا الموتور وكان ماشاء الله صوته كويس وطبعا حاطيت 6 كيلو زيت فيتيس ولما سألت عصام قال ان الفيتيس كان فاضى خالص
المهم خلصوا شغلهم الاتنين واخدت من حسنى الكنترول القديم واتكلت على الله واخدت العربيه فى طريقى للبيت ( من الحرفيين الى الهرم ):ilikeit:
وكانت الساعه حوالى 11 ليلا
بالمناسبه عصام اخد 350 جنيه مصنعيه وحسنى 600 حنيه :_Alshmokh08[1]::_Alshmokh08[1]:
ما رضيتش اخد الطريق الدائرى فضلت اخد طريق صلاح سالم خوفا من اى طوارئ
واللى حسبته لاقيته امام مجلس الدوله اللى فى الجيزه العربيه راحت مبطله وحلفت انها ما تدور طبعا كلمت اخونا عصام قالى طالما لمبه الزيت والبطاريه بتنور ولما تدور بتطفى يبقى دى حاجه فى الكهربا طبعا كلمت حسنى قالى افصل زرار الفصل علشان الظاهر انه بيعلق
طبعا فصلته وركبته تلات الابع مرات والعربيه مش عاوزه ( ما اخدوش يابابا يعنى ما اخدوش يابابا )
المهم قعدت ولعت سجاره وقلت ربنا ان شاء الله ها يحلها من عنده
والله من اول تكه راحت العربيه دايره ولغايه دلوقتى مش عارف اى اللى حصل
وروحت على الساعه 2 الصبح
تصبحوا على خير واشوفكم بكره ان شاء الله
حمدلله على السلامة ... معلش عمرى ما شفت حوار تسقيط او عمرة محصلشى فيه دقات نقص .
السلام عليكم
رحله اليوم الرابع
نسيت اقول ان عصام طلب منى اول حاجه اعملها الصبح انى اغير الزيت اللى لسه حاطينه امبارح وازود كمان كيلو زيت فيتيس
بالمناسبه انا لاقيت عدد 2 دائره على البلوكه الاولى فيها الرقمين دول 2 1 والتانيه فيها 0 9 وكان الحاج مجدى قايلى ان سنه الصنع على البلوكه طيب دا كده معناه ايه يعنى سنه الصنع كام لانه قايلى انه مو 2000
المهم نزلت الصبح علشان اغير الزيت وكمان اشوف كبس الموتور روحت على بنزينه شل قابلنى راجل كباره وزى العسل ولما عرف انى شار موتور استيراد قالى انت مشيت كام كيلو قلت حوالى 70 ك قالى يا عم اعمل الاول 400 او 500 كيلو وبعدين تغير الزيت وبعديت نشوف الكبس علشان يكون البساتم اشتغلت شويه وبصراحه اقنعنى الكلام ولو
انى مش عارف اذا كان صح ولا لأ
السلام عليكم
رحله اليوم الرابع
نسيت اقول ان عصام طلب منى اول حاجه اعملها الصبح انى اغير الزيت اللى لسه حاطينه امبارح وازود كمان كيلو زيت فيتيس
بالمناسبه انا لاقيت عدد 2 دائره على البلوكه الاولى فيها الرقمين دول 2 1 والتانيه فيها 0 9 وكان الحاج مجدى قايلى ان سنه الصنع على البلوكه طيب دا كده معناه ايه يعنى سنه الصنع كام لانه قايلى انه مو 2000
المهم نزلت الصبح علشان اقيس كبس الموتور واغسل الماكينه واغير الزيت زى ما عصام قال وروحت محطه شل قابلنى راجل كباره ومحترم لما عرف انى مركب موتور استيراد سألنى انته عملت كام كيلو رديت وقلت 100 ك وكان رده ياعم استنى لما تعملك 500 ك الاول علشان المواتير دى ما بيظهرش فيها الا لما تشتغل شويه وتسخن واليساتم تشتغل شويه وكده كده هوه مش خسران حاجه وهاياخد تمن الكشف بصراحه كلامه عجبنى ولو انى مش عارف اذا كان صح ولا لأ طيب يا عم غير الزيت بقى برضه كان رده اطلع طريق اسكندريه ودبلك 300 ك كده وتعالى وبعدين نبقى نغير الزيت ونعمل الكشف
المهم مشيت من عنده ونيتى اطلع على اسكندريه فعلا بس تجربه امبارح راحت فاطه فى دماغى قلت ياواد خليها جوه البلد احسن
وتعالى نغير جلب المقصات الاول عند العفشجى بتاعى اللى فى ميت عقبه واشتريت جلب مقصات تايوانى وجلب شدادات خلفيه ولما جينا نركب العفشجى قالى التايوانى دا مش ها يستحمل كتير الافضل نجيب بتاع الهونداى اكسنت وبرضه بيركب على مقصات هوندتى وفعلا جيبنا الجلب وركبناهم وخلص شغله ودورت العربيه وسخنتها علشان اطلع الدائرى امشى شويتين وكان العداد rpm 1.5 رحت دايس سنه بنزين علشان يرجع لطبيعته عند 1 راحت العربيه مبطله وطبعا حاولت ادورها ما نفعش وجبت كهربائى قالى ان طلمبه البنزين والرشاشات مش واصلهم كهرباء تانى؟؟:majd(4)::majd(4):
كلمت حسنى قالى ممكن الفيوزات او كتاوت طلمبه البنزين اللى تحت علبه الفيوزات اللى تحت الدركسيون وفعلا كان السلك مش مربوط عدل!!!!!!
هوه مش المفروض ان الكهربائى اللى بيغير الدفيره بيشيك على كل الحاجات دى ولا انا فاهم غلط
المهم دارت العربيه واخدتها ورحت على الهرم وفى نيتى ان ان شاء الله بكره اطب على حسنى فى الحرفيين واقعد قدامه وما اتحركش الا لما يشيك على كل السلوك تانى
الاسعار
موتور zc مو 2000 ( زى ما قالى الحاج مجدى والراجل دا تعب معايا بصراحه ) 4500 ج
قاعده موتور 150 ج
قربه باور جديده 185 ج
ريداتير المونيوم جديد 450 ج
غطاء ريداتير جديد 35 ج
باكتات طقم 135 ج
2 فانوس اشاره ابيض امامى 70 ج
2 جلبه مقص امامى 50 ج
4 جلب شدادات خلفى 160 ج
4 ك زيت موتور كالتكس 50 ج
6 ك زيت فيتيس اسو 156 ج
المصنعيات
عصام الميكانيكى للتسقيط 350 ج
حسنى الكهربائى للدفيره 600 ج
معلش رحلة شاقة شوية بس النتيجة تستاهل ان شاء الله. تقريبا كل حاجة اسعارها حلوة ما عدا مصنعية الكهربائي
دي الصورة الي انتا بتحطها ومش عاوزة تظهر طبعا بعد اذنك
http://up10.up-images.com/up//upload...19d995d2dd.jpg
مبروك عليك المكنة الجديدة بس ايه زجاجة الحاجة الساقعة الى انت حاطتاها دى
و عليكم السلام و رحمة الله
الله يباركلك علي المجهود الكبير ده و ربنا يحفظهالك
و تقريرك جميل
لكن أحنا طمعانين في فيديو للتسارع و صوت المكنه