اهداء الى هذا القسم الجميل قسم البايك

**johnghaly** · 28-04-2011 11:35 AM

مساء الفل على كل اللى فى المنتدى مش عارف ليه طلبت معايا اكتب موضوع كده انا مش عايز اسئل على حاجه ولا استفسار مفيش فى دماغى حاجه بس حابب بس اشكر نايل موتورز (قسم البايك ) الجميل ده ممكن ناس تقول ده اه الموضوع اللى ملوش لازمه ده بس بجد انا عايز كده طلبه وانا متعود لما تطلب معايا بى حاجه محرمش نفسى منه وبالنسبه لقسم البايك بصو انا اشتركت فى منتديات كتير بس بصراحه التفوق اللى القسم ده عاجبنى اوى عشان كذا سبب

اولا:سرعة الرد على الاستفسارات ووضوحها
ثانيا:نشاط الاعضاء البرونزين والفضين وباقى الاعضاء
ثالثا:خبرة القائمين فى مجال البايك بخبرات جامده بجد ومفيده
رابعا: عدم بخل الاعضاء والقائمين بى هذا القسم عن اى استفسااار انا حاسس يا جدعان الخبره ده ناس بتديه بفلوس يا اما بفلوس انك تشترى مكنه وتجرب او تروح لميكانيكى وبردو هتدفع ويا صابيت يا خابت
خامسا:خفت دم جميع الاعضاء واحترامهم لبعض وكمان احترامهم لقواعد المنتده

انا كده خلصت بس حابب اشكر كام اسم كده بالذات بس دول مش كل الاسامى اللى فادتنى ومحدش يزعل منى لو نسيت حد بجد بجد
1-دياب
2-دوكاتى
3-خالد 2010
4- تامر تامر
5- ابراهيم سعيد (nour_safwan)
6-mp dolfen
7-otefa
8_mahgary
وبجد متزعلوش منى لو نسيت اسم بجد

انا بجد بشكر المنتده ده من قلبى بجد مش تمثيل يعنى انا كنت حابب اشترى موتوسيكل وبس كنت شايل هم كبير اوى انى مش بفهم فيهم ولا اعرف عنهم حاجه بس بعد ما اشتركت معاكم مش شايل هم حاجه
وشكرااااااا بجد

**Melego323** · 28-04-2011 01:32 PM

طب يله إشترى بأه الموتوسيكل

**yascro** · 28-04-2011 02:05 PM

باشا نايل موتورز دا بيتنا
واحنا كلنا اسره واحده
والف شكر ليك ولذوقك

**mtgalx** · 28-04-2011 08:50 PM

أحلي حاجة انك مش بتخلي حاجة في نفسك , موضوع فكرته حلوة قوي
و فعلاً ذي ما قال ديبو ان احنا هنا عيلة واحدة و بنفيد بعض و بنحترم بعض
الف شكر ليك و لكل عضو عمل حاجة كويسة في نايل موتورز