مين الافضل فودافون ولا اتصالات على المدي القصير و البعيد ؟ و ليه ؟ و هل يستحق الفرق التحويل من شركة للتانية ؟
عرض للطباعة
مين الافضل فودافون ولا اتصالات على المدي القصير و البعيد ؟ و ليه ؟ و هل يستحق الفرق التحويل من شركة للتانية ؟
فودافون اكثر شبكات مصر قوه و تغطيه
و اقلها في العروض و اغلاهم
اتصالات عروض كتير بس كفائه وحشه
عن تجربة :-
1- موبينيل أسوأ شركة خدمية
2- فودافون أحسن وأقوى تغطية
3- اتصالات أكثر وأقوى العروض الموفرة لكن تغطيتها سيئة جدااااااااااااااااااااا
النهارده في الأهرام اتصالات عاملة عرض جاااااااااااااااااامد جدااااااااااااا أول مكالمة لاتصالات ب 20 قرش وبقيت اليوم كله ببلالالالالالالالالالالال الالالالالالالالالالالالا لالالالالالالالالالالالال الالالاش بس اتصالات لاتصالات فقط !!!!!!!!!!!!!!!!!
فودافون ثم اتصالات وبلاش موبينيل
اتصالات الافضل على الاطلاق
انا معايا التلاته
موبينيل اكبر تغطيه واسوء خدمه
فودافون جيده وبدون عرووض (همهم الاول والاخير عدم التنازل عن تعريفه فى اى عرض)
اتصالات معايا من 5 2007
ممتازه جدا وانا باسافر كتيير ومافيش فرق فى التغطيه مع الوضع فى الاعتبار
انها بدات من سنه واحده فقط
انا كان فودافون معايا من 8 1998
وقعد 6 شهور مغطى القاهره واسكندريه و6 اكتوبر فقط
وبعد سنه كمان غطى الباقى
اتصالات فيها حاجات كتيير مجانا
استعلام الرصيد
معرفه كل رقم اتصل اثناء غلق الهاتف مجانا
ودى خدمه رائعه
مع عدم وجود احتمال تبخر دقايق زى موبينيل لان الرصيد بيوصللك
مكالمه مكالمه
اى استفسار انا فى الخدمه
فودافون .... أفضل شركة من ناحية الخدمات و التغطية
....................... و أغلى شركة أيضا و أكثرهم بُخلا من ناحية العروض
اتصالات ...... تغطية مميزة جدا ....... و عندهم ميزة ....... استخدام شبكتي موبينيل و فودافون حتى عام تقريبا
و هي أفضل و أكرم شبكة من ناحية العروض ......... عروضهم لا تُقاوم
موبينيل
أرمي في الزبالة ( مفيش كلام تاني يتقال عليها )
--------------------------------------------------
و أنا لم أصوت لأني أعتقد أن الأثنين ممتازين
فودافون بالمناسبه مش افضل واقوى شبكه ولا حاجه ده
كلام اعلانات هى برضه سيئه جدا احيانا
وعاديه احيان اخرى
افضل حاجه عندهم خدمه العملاء فقط لاغير
انا معايا موبينيل من سنه 1997 الاوسع تغطيه لكن فى السنتين الاخيره بقت خدمتها ملهاش لزمه غير حركات غريبه بتحصل فى اختفاء الرصيد معرفش ازاى كمان بدات تتكرر حركه قطع الاتصال ميه مره كل ما تعمل مكالمه بعد كم دقيقه الاتصال يتقطع وترجع تتصل تانى وهما مستفدين من اول المكالمه لانه اغلى
فودافون الاجود فى الخدمه
اتصالات الاسواء فى التغطيه لانها لم تحقق الانتشار لسا جديده لكن عروضها افضل من موبينيل وفودافون
يا جماعه احنا مش واخدين في الاعتبار اماكن التغطية..
في اماكن في مصر فيها التغطية لموبينيل افضل من فودا..
والعكس برضه..
اتصالات بصراحة انا ماعرفش عشان لما كان معايا خط اتصالات كنت بيه ف القاهرة بس..
كان معذبني.. واستغنيت عنه.. بس بصراحة برضه الشركة كانت لسة في ال6 شهور الاولي ليها.. وده مش مقياس.. ومفيش تجربة بعد دي معاهم..
المهم هو اصلا في بروتكولات بين الشركات دي..
يعني فودافون و موبينيل سابوا اتصالات تنزل بموضوع الجيل التالت عادي بس معتمدين انها قايمة علي الشبكات بتاعتهم.. هيعوضوا نسبة نزولهم السوق بمقابل عائد استخدام شبكاتهم..
فودافون شغالة علي خدمات الجيل التالت افضل من اتصالات.. انا مش باتكلم عن العروض..
وسايبين موبينيل تلعب مع المكالمات و العروض بس..
يعني الخلاصة كلهم مقسمين الكحكة بينهم..
اتصالات عروض جبارة.. والجيل التالت.. بس مفيش خدمات الجيل التالت كتير..
فودافون.. مفيش علاوض و الدعاية بتاعتهم ضعيفة جدا بالمقارنة بموبينيل و اتصالات..
بس بيعتمدوا علي ان الخدمة بتروج نفسها..وده اللي بيحصل.. ولو ان ده في شيء من الغلط.. بس بيحصل..
موبينيل بيلعبوا علي النسبة العالية جدا من الشعب المصري.. اللي هي موبايل من غير كاميرا ولا اي حاجة.. و اتصل و استقبل وبس..ولا جيل تالت ولا رابع.. و شوية عروض بسيطة و تغطية كويسة جدا في بعض الاماكن و خلاص..
و احنا الفريسة.. بيتصارع عليها 3 اسود.. :)
المفروض بقي الفريسة دي تكون ذكية شويتين.. و توقع الاسود دول في بعض..و تستفيد اكبر استفادة..
يعني اللي يقارن سوق الاتصالات هنا في مصر ببرة مصر.. هيشوف كلام كبير قوي.
مش شرط اوروبا يعني.. الخليج قدامنا كفاية.. و منهم اتصالات.. بس لسة ممشيتش في مصر بنفس السياسة..
عموما نحن في الانتظار..
الخلاصة و الكلام دا عن تجربة
موبينيلا : مش شبكة موبايل , شبكة حاجة تانية.
بس للعلم موبينيلا احسن تغطية فعلا و كمان احسن من فودافون
من الاخر شبكة التوفير (الشبكة الشعبية) و تلاقى معظم مشتركى موبينيلا كارت مش خط
فودافون : أغلى شبكة , اقل عروض , متميزة نسبيا فى الخدمات و جودة الشبكة عن بقية الشبكات يعنى من الاخر احسن الوحشين و أسعار خطوط فودافون دايما اغلى من اتصالات و موبينيل , حتى ارقامهم المميزة العادى ب 650 جنيه من فودافون نفسهم و المميز قوى لما تتكلم ب 40000 جنيه فى سنتين منغير ضريبة يعنى فاتورة ثابتة على 2000+ جنيه فى الشهر.
خدمة عملاء ممتازة
كتير من عملائهم فاتورة (تقريبا كل اللى عنده خط فاتورة فى مصر عنده خط فودافون)
بس برده عيوبها الخط بيقطع (بمعدل اقل بكتير من موبينيلا و اتصالات) , network busy او الموبايل يعد 5 دقايق حطك فى queue يكتبلك dailing او connecting لحد ما يفضى مكان فى الشبكة .
الارسال كتير يقع لحظة و يطلع تانى , كتير حد يطلبك يقولو الرقم ربما يكون مغلقا و ربما نكون احنا اغبية مش عارفين نوصل المكالمة و الموبايل يكون مفتوح بس برده كل دا بمعدلات اقل من موبينيلا و اتصالات.
أتصالات: بنوا شبكة ممتازة فى اقل من سنة مع ان موبينيلا و فودافون خدوا اكتر من سنة سنتين علشان يغطوا القاهرة تغطية وحشة اوووى (زمان مش دلوقتى) , الشبكة دلوقتى ممتازة لاستخدامهم احدث تكنولوجيا و لقلة بل لندرة عدد المشتركين.
رايى على المدى البعيد (فودافون احسنهم بعديها اتصالات و فى الاخر طبعا موبينيلا)
اتصالات عيبهم انهم عايزين اى مشترك و خلاص زى موبينيلا كده يعنى عايزين المشتركين اللى عايزين يوفروا مش اللى عايزين احسن خدمة و علشان كده انا رايى بعد سنتين تلاتة ممكن يبقوا زى موبينيلا و الله اعلم بس اتصالات ارخص شبكة فى مصر و احسن عروض للتوفير (فى احسن من ساعتين فى اليوم من اتصالات لاتصالات ببلاش؟؟؟) طبعا دا عرض علشان كل الشعب يشترى خط اتصالات بس هباثر بشكل جامد اوى فى كفالءة الشبكة
كلامك مظبوط انا معايا موبينيل اكتر من 5 سنين فعلا اخر سنتين بقت وحشه بجداقتباس:
انا معايا موبينيل من سنه 1997 الاوسع تغطيه لكن فى السنتين الاخيره بقت خدمتها ملهاش لزمه غير حركات غريبه بتحصل فى اختفاء الرصيد معرفش ازاى كمان بدات تتكرر حركه قطع الاتصال ميه مره كل ما تعمل مكالمه بعد كم دقيقه الاتصال يتقطع وترجع تتصل تانى وهما مستفدين من اول المكالمه لانه اغلى
قودافون التغطيه بتاعتها حلوه جدا بس عروض انسي :(
اتصالات اعتقد كل العروض والدعايه دي في الاول بس بعد كدا هتتحكم في الناس زي فودافون دلوقتي لما بقت الشبكه الاولي في العالم
هو عرض لإتصالات بتاع أول مكالمة ب 20 قرش و بقية اليوم ببلاش ده لفترة محدودة العرض نفسه و للا فترة محدودة الإشتراك فيه ( علشان الناس تشتري خطوط كتير منهم ) ؟
من الأخر فودافون الأفضل فى كل شئ
هوا دة رأي ان كثرة العروض تؤدي الى كثرة المستخدمين (مش المشتركين بس) فبالتالي تؤدي الى ضعف الشبكه
يعني انا فودافون معنديش عروض كويسه اوي بس وقت ما بتزنق في مكالمه مهمه من النادر لما الشبكه تخذلني
في فترة باين موبينيل كانت عامله المكالمات بعد الساعه 1 بالليل مجانا لرقم باين او حاجة زي كدة
العجيب ان اي حد كان يجي يتكلم في الفترة دي يلاقي الشبكه شغوله و ميعرفش يتكلم
يبقا انت استفدت ايه كدة
اكيد لو كان في مكالمه مصيريه عايز تجريها ساعتها كنت هتقول يا ريت المكالمه بأغلى تمن بس اقدر اجري المكالمه دي دلوقتي
بصوا يا جماعة
اتصالات عمرها ما قصرت معايا
انا جبتها اول ما نزلت
اتصالات بتعمل عروض جامدة علشان عايزة تجذب ناس ليها
عاوزة مشتركين كتير و عملاء علشان تشتغل
متنسوش انهم دفعوا قد كده علشان الرخصة
المهم
فودافون معلهاش كلمة بسم الله ما شاءالله عليها
بس اعتقد في المستقبل اتصالات هي حتبقى رقم واحد
هيه دي الشريحه اللى كانت بتستغل العرض دة فعلا
لكن هما بالنسبالهم في الغالب يعني اي شركه بتعمل عروض على اسعار المكالمات بتكون في اوقات خنيقه جدا بالنسبه للمشتركين و البشر العاديين لأنها طبعا بتكون في الغالب في اوقات الناس نايمه فيها او الصبح بدري اوي يعني لو انت صاحي هتلاقي اللى عايز تكلمه نايم
على اساس ان دي اقل فترة فيها مكالمات يعني فيشغلوا الخطوط في الفترة دي و لو هتجيب ليهم اقل مكسب هما اللى كسبانين كدة بردو لأنه كدة كدة مفيش مكسب في الفترة دي
و كله على حساب المشتركين الغلابه اللى عايزين يجروا مكالمات مهمه
فودافون حلوة و عروضها احلى
ياجماعه انا من راى اتصالات رقم واحد فى مصر وخصوصا فى خدمه التجوال وعن تجربه فودافون فى التجول = صفر
و ياجماعه فاكرين اول ما نزلت الشركتين كانت الدقيقه بكام ب1.75 والخط كان بكام شوفوا هما كسبوا اد ايه فاكرين لما كانوا بيعبوا الكارت ال100 ب 110 وزاد وبقى 115 ولما اتصالات نزلت وقفتهم عند حدهم الصراحه كنا فى اسواء استغلال لكن لما اتصالات نزلت اتفك عننا الاحتكار ده علشان كده انا افضل اتصالات وهتبقى ليها مستقبل احسن فى مصر
اتصالات اول ما نزلت انا اشتريت خط كان الصراحه خدمه سئيه جدا لكن دلوقتى الصراحه اشهدلها بالكفاءه على الاقل فى القاهره علشان الصراحه معرفش فى الباقى ايه النظام
+10000000000000000000000000000000000
انا اسف لغيت موضوع ان فودافون مافيهاش مشاكل
لان بصراحه فيها مشاكل معايا كتيييييييير
انا باروح من المعادى للعاشر من رمضان كل يوم
فى العاشر فودافون سيئه وكذللك فى طريق مصر السويس
وفى اماكن تانيه كتير
وكمان خذلتنى كتيييير انا معايا شريحم مصر فون من 1998
وعارف فودافون كويس جدا
1- Vodafone
2- Vodafone
3- Vodafone
There are 250 million people around the world are trusting Vodafone.
Vodafone has 250 million customers.... 250,000,000 Customer is being perfectly served by Vodafone.
By being Vodafone, be sure you will receive a world class service.
Vodafone Egypt, Vodafone Global.
Vodafone is simply... Better Voice.. Better Quality.. Better Services.. Better All-thing
Vodafone is simply... V o d a f o n e
Be the customer number 250,000,0001 ... You're A Valued Customer.
Sometimes a mobile call may be extremely critical.... and may save a life... join the trusted...
----
Vodafone.... Do NOT miss a moment.
Vodafone.... Live it.... Feel it...
A N A V O D A F O N E.
Dr 7oka,
let's talk facts....
Ana Vodafone because I need to be able to make a phone call both Whenever and Wherever I need to make a call.
If you accept waiting a few minutes searching for a coverage or trying more than two times to make a phone call ... so you do not need Vodafone...
Keep searching for the coverage :D... Keep trying to dial. :D
ANA ... V O D A F O N E
اتصالات طبعا
الله عليك يابو وائل يا جاااامد..
تعالي تعالي اعمل اعلانات يا سيدي..
ايه نظام سلفني تلاتة جنيه صحيح..؟؟
انا سمعت اعلان ليها ف الراديو قريب..
طيب بذمتكم في شبكة عاملة سلفة للرصيد..؟؟
في شبكة عاملة اهم خمسة.. اي نعم هي هتتلغي و هينزل مكانها حاجة اشد و احسن. بس موجودة..
في شبكة عاملة ايه دي اس ال...؟؟؟!!!!!!!!!!!!!!(لسة تجريبي..)
انا فودافون
من هذا لذاك يا قلبى لا تحزن 000000 طالما ان جهاز الحماية بالاتصالات غير فعال وسايب الثلاثة شركات يتفقوا على الناس واسعارهم نار سوف ستمر سوء الخدمة والاسعار الغالية ومش هتجد حد تشتكى له والكل بيخدم الكل !!!!!!!
شوفوا اللينك ده
http://www.nilemotors.net/Nile/showt...d=1#post232920
توت عنخ آمون
انا مش فاهم يا توت تقصد ايه بميزة استخدام موبينيل وفودافون. ممكن توضيح أكتر؟اقتباس:
اتصالات ...... تغطية مميزة جدا ....... و عندهم ميزة ....... استخدام شبكتي موبينيل و فودافون حتى عام تقريبا
أحمد علاوي
يا أحمد موبينيل وفودافون لا يملكوا ولا السماح ولا منع أحداقتباس:
يعني فودافون و موبينيل سابوا اتصالات تنزل بموضوع الجيل التالت عادي بس معتمدين انها قايمة علي الشبكات بتاعتهم.. هيعوضوا نسبة نزولهم السوق بمقابل عائد استخدام شبكاتهم..
كل شركات المحمول بالاضافة للمصرية للاتصالات تعتبر مقدم لخدمة بينظم العلاقة فيما بينها الجهاز القومي لتنظيم الاتصالات
وشروط الرخصة اللي دفعت فيها اتصالات ما يقارب الـ 17 مليار جنيه بتديها مقابل المبلغ الباهظ ده تقديم خدمات الجيل الثالث
وعلى فكرة اتصالات غير قائمة على شبكتي موبينيل وفودافون
اتصالات قامت بتغطية حوالي 90% من مصر وقامت بتغطية الـ 10% الباقية والتي تنحصر في بعض الأماكن في محافظات الدلتا وفي سيناء من خلال اتفاقية تجوال محلي مع موبينيل وفودافون
وتوقعي الشخصي إن قريباً جداً ستستغنى اتصالات عن هذه الاتفاقية بعد قيامها بتغطية المناطق البسيطة دي بنفسها
الواقع يقول إن اتصالات هي التي تقدم أكثر خدمات للجيل الثالث مقارنة بمنافستها فودافوناقتباس:
اتصالات عروض جبارة.. والجيل التالت.. بس مفيش خدمات الجيل التالت كتير..
كازانوفا 555
يعني لما موبينيل تقول إنها شبكة المحمول الأولى في مصر فهي معذورة لأنها فعلاً أول شبكة أنشئتاقتباس:
اتصالات اعتقد كل العروض والدعايه دي في الاول بس بعد كدا هتتحكم في الناس زي فودافون دلوقتي لما بقت الشبكه الاولي في العالم
إنما فودافون شبكة المحمول الأقوى في العالم ده لقب شايفه مثير للجدل ورأيي ان المنافستين موبينيل واتصالات لازم يبقى لها تحفظ عليه
لأن مش معروف فودافون بتقول على نفسها كدة قياساً على إيه؟
وعلى أساس دراسات أو احصائيات مثلاً ولا ايه بالظبط؟
ولا العملية ان اللي عاوز يسمي نفسه يسمي على غرار نجمة مصر الأولى ونجمة الجماهير وأمير الغناء العربي
تصحيح بسيط لمعلومات سعاتك..
اتصالات كانت لما حان وقت التشغيل بتاعها
مكانتش عملت محطات ارسال خاصة بيها هي..
اما عن كلامك عن ال90 % و ال10 % فده يمكن دلوقتي..
مش ساعة ما اشتغلت.. لو اخدت بالك حضرتك.. انا كنت باقول انهم اشتغلوا في الاول علي شبكتي موبينيل و فودافون..
ممكن افهم من سعاتك ايه اللي بيقوله الواقع عن ان اتصالات بتقدم خدمات الجيل التالت اكتر من فودافون..؟؟
جايز حضرتك تقصد موضوع الموبايل تي في ولا الفيديو كول.. الكلام ده كله خدمات عادية.. وموبينيل نفسها اول ما تنزل هتنزل بيه.. دي خدمات اساسية للشبكة..
لكن في خدمات تانية فودافون عملتها.. زي خدمة الوايرلس اوفيس.. (المكتب اللاسلكي) ودي علي سبيل المثال لا الحصر..انا بصراحة مش فاكر حاجات كتير عشان انا لسة شغال في الموضوع ده جديد.. وفي حاجات تانية جديدة كتير.. مش خدمات بتقدمها شبكة الجيل التالت.. لأ خدمات الشركة نفسها هي اللي بتطور افكارها و تعملها.. مش مجرد شوية عروض.
اما فيما يخص موضوع انها علي اي اساس افضل شبكة محمول في العالم.. عندك حق الواحد محتاج يعرف المقاييس اللي خلتهم يقولوا كده بقلب جامد.. علي اي اساس..
أيوة كده يا علا..
الظاهر كده ان كل واحد فينا بيدافع عن الوان الفريق اللي بيلعب ليه.. :)
اقصد الشركة اللي بيشتغل فيها..
وبرضه علي فكرة.. اللي شغال في شركة اكيد بيبقي عارف حاجات اكترمن الناس اللي برة..
بيبقي عارف بيقدموا خدمات ايه و عروض ايه..
وشبكاتهم بتغطي قد ايه و الكلام ده كله..
انا عن نفسي هاقول رأي شخصي.
هو لحد دلوقتي الانتقال بين الشبكات بين مين و مين..؟؟
من موبينيل و فودا و العكس بس..؟؟ ولا اتضالات دخلت ف اللعبة كمان..؟؟
بيتهيألي اتصالات لسة عشان لسة مكملتش سنة.. واللي سمعته انها هتبدأ لسة شهر 6 اللي جاي..
الواقع ان نسبة الناس اللي مشيت من فودافون راحوا موبينيل حوالي 6 اضعاف اللي راحوا فودافون من موبينيل..و كل دول من اصحاب الكارت المفوع مقدما..
يعني مش الخطوط و الشركات.. وهما دول النوع المفضل لشركات الاتصالات من الزباين..
ودول اللي بيدخلوا نسبة 70 الي 80% من دخل الشركات..
يعني لو نسبة كبيرة من عملاء الكارت مشيوا من فودافون مش مشكلة..
وده الي خلا اتصالات تعمل العروض الهلامية دي عشان تعوض ان لسة معندهاش القدرة
ان حد يحول ليها لسة..بعد عيد الملاد الاول ممكن تبقي كبرت و تعمل كده ان شاء الله.
و كله هيبان.. و هنعرف نسبة الناس اللي بتمشي من فودا تروح اتصالات قد ايه و العكس..
مرة تانية بأكد ان معلومات حضرتك مش مظبوطة
اتصالات من قبل ما تبتدي بـ 6 شهور وهي شغالة في محطاتها وعملت اطلاق لخدماتها بارتكاز كامل على محطاتها
اما بالنسبة لخدمة الويارليس أوفيس كمثال أظن (وقد أكون مخطئ ) إنها ليست خدمة جيل ثالث
بخصوص باقي الخدمات ربنا ييسر وافتكر بكرة أحط قائمة بخدمات الجيل الثالث في كل من اتصالات وفودافون بعد ما اسأل عليه أحد الزملاء ولعلني مخطئ وساعتها أدين لك باعتذار
والله يا علا عشان كدة انا مقمتش بالتصويت لغاية دلوقتي ومش ناوي كمان :)اقتباس:
شششششششش بس يا بني انت.. الناس اللي بيشتغلوا في اتصالات شهادتهم مجروحة و لا يؤخذ بها
والله لو حضرتك رجعت لكل ردودي في الموضوع هاتلاقي إني لم آخذ جانب أي فريق من الثلاثة ولا موبينيل ولا فودافون ولا اتصالات انا كل اللي عملته اني حبيت أصحح معلومات غلط ناس ومن ضمنهم حضرتك حطيتها عن اتصالات بدون إبداء أي رأي شخصي في أي منهماقتباس:
أيوة كده يا علا..
الظاهر كده ان كل واحد فينا بيدافع عن الوان الفريق اللي بيلعب ليه.. :)
اقصد الشركة اللي بيشتغل فيها..
يا باشا ولا يهمك.. انا كنت باهرج بس طالما علا فتحت سكة تهريج شوية ..
بس عموما ارحب بحيادك و موضوعيتك.. و اهم حاجة اننا نصحح معلومات بعض..
و هدفنا النهائي اننا نوصل لخدمة احسن و منافسة تيحي في الاخر لمصلحتنا احنا العملا..
من الشركتين.. (مع الاعتذار لموبينيل.. عفوا.. الشبكة التي ذكرتها غير موجودة في اختياراتي.. :))
أتصلات كل ما تنزل عرض ... الشبكة تقع :d:d:d:d:d::d:d
ده كفاية إن موظفين إتصلات بيتكلموا من خطوط فودافون لان الشبكة بتاعتهم واقعة