سمعت مؤخرآ أن اللوجان فيها abs ..... ياترى الكلام دة مظبوط ؟ :rfds:
عرض للطباعة
سمعت مؤخرآ أن اللوجان فيها abs ..... ياترى الكلام دة مظبوط ؟ :rfds:
لألألألألألألألألألألألأل ألأ
بره مصر اه . انما في المحروسه . لأ .
لا طبعا
لاااااااااااااااااا
وهل يمكن تركيب abs داخل التوكيل ام لا ؟؟؟؟؟
مع احترامى لوحوش اللوجان
ايون اللوجان اكيد فيها abs وانا اتكلمت فى الموضوع ده وناس كتير قالت الفرامل جامده وكده وانا بقول بقى لا اكيد فيها abs
ده نظام مش معجزه يا جدعان وممكن واكيد موجود فى اللوجان وعن قريب هجيب الدليل
موجودة فى الرومانى فقط.
مفهاش abs الدليل انه لمبة ال abs مش بتنور فى العدادات لكن فرامل اللوجان ممتازة
فراملها حلوه آه .... لكن إللي أكيد إنها مافيهاش abs.
فيها نظام فرامل abs مانع للأنزلاق و انا سألت المهندس اللى فى التوكيل قالى ان فيها abs و الكلام دة ذكر فى جريدة الأخبار ان العربية فيها abs و فى لمبة فى الكمبيوتر مكتوب عليها abs ...
المهم سألت اللمبة دى مش بتنور ليه !!!!؟
قالوا انها بتنور لما يكون ال abs فى مشاكل لقدر الله ....
يا جماعة عاوزين نصلح المعلومة دى ....
اللوجاااااااااااااان فيها abs
سيبك من مهندس التوكيل و القصص دى... انا سوقت العربية بنفسى... يعنى مسكت دركسيونها و فتيسها بايدى و دوست على دواساتها برجليا و مشيت بيها على الطريق و جربتها.... و العربية مفيهاش ABS
و عشان تعرف ان المهندس اللى سالتة بطيخة... لمبة الABS لازم تنور فى بداية التشغيل و تطفى بعد ثانيتين تلاتة... اسال اى حد عربيتة فيها ABS بجد
MMamdouh
يا جدعان فرامل اللوجان فيها abs لان الفرامل مانعه الانزلاق وظيفتها انك تتفادى اى حاجه وانت دايس فرامل بدون ما تتزحلق العربيه والله العظيم انا حصل معايا موقف اكدلى ان العربيه فيها abs انا كنت ماشى على 120 وفجأه خرج راجل من الحاره بتاعته ودخل قدامى قمت كابس فرامل جامد وجيبت الريكسيون شمال وبعد كده يمين وكانت على سرعه لاتقل عن 95 وعديته بنجاح بدون انزلاق او اى قلق
ومن الاخر العربيه فيها abs عافيه هههههههههههههه بهزر بس هى فيها
وكمان الالنترا الجديده لمبه ال abs مش بتنور غير لما يكون فيها مشاكل وده عن تجربه مع واحد صحبى وراح صلح النظام فى التوكيل ولمبه
abs مش بتنور لما بيدور العربيه
كده جه اليقين والحمد لله على اللوجان العظيمه ( العظمه لله )
ربنا يباركلنا فى اللوجان ويديمها نعمه علينا ( قولو امين )
قلهم يا باشا انا عمال اقول الكلام دة من الصبح
انا كنت فى شارع داخلى و الشارع دة متسفلت و حلو المهم
انا ماشى و بجرى على 80 كيلو متر فجأة لقيت مطب مكنتش عامل حسابه فدوست فرامل جامد و هزيت الدريكسيون شمال و يمين و العربية متزحلقتش ولا زحفت ولا اى حاجة من دى
معنى كدة ان فيها abs و ال abs بتاعها محترم كمان
الي بيقول فيها abs يصورلنا حوض موتور عربيته وهيا فيها وحده الabs غير كده معرفش
دة برضة مش دليل على اى حاجة... طالما الطريق متسفلت و نضيف حيبقى احتمال ان العجل يعمل lock ضعيف جدا
اللى عايز يتاكد العربية فيها ABS ولا لا يروح شارع فيه طبقة رمل او تراب و من سرعة 60 يرزع رجله على الفرملة... لو لقى الفرامل بتقفش و تسيب و دواسة الفرامل فيها رعشة يبقى العربية فيها ABS و انا مبفهمش حاجة...
MMamdouh
طب و الوكيل هيخبي عليكو ليه ؟؟؟
ادى التجهيزات اللى فى الفئتين بتوع اللوجان... مفيش ABS
http://www.nilemotors.net/Nile/25685-a.html#post236305
MMamdouh
تجهيزات اللوجان من كونتاكت كارز... مفيش ABS
ContactCars | Renault رينو - Logan لوجان - 1.6 M/T - 66,000 - 2011
ContactCars | Renault رينو - Logan لوجان - 1.6 F/O M/T - 70,000 - 2011
ContactCars | Renault رينو - Logan لوجان - 1.6 Basic - 60,000 - 2011
MMamdouh
مفيهاش ... مفيهااااااااش
وياريت نقرأ مواصفات العربية كويس والإعلانات بتاعتها
وأنا مستغرب من الناس اللى بتقول فيها من غير ما تكلف نفسها وتقرأ مواصفات العربية
الموضوع مش بالفكاكة أو الشبه ... الموضوع كتالوج ومواصفات بتقول إن العربية مفيهاش abs
ومش معقول العربية هايكون فيها والمصنع أو الوكيل هايخبى المعلومة دى عن العملاء
بجد حاجة غريبة
والله يا شباب زي ما بقولكم كده لما بدور بتنور و تطفي بعد 3 ثواني زي كل لمبات ال check في العربية و انا عربيتي لوجان 2010 استلام 2009 مغربي و هحاول اصورها و ارفع الصور
waiting for the pics.....
MMamdouh
مش معقوله الكلام ده يا رجاله الناس بتضحك علينا فى من الأقسام التانيه فى المنتدى
يا جماعه اللوجان مفهاش abs نهائى لا رومانى ولا مغربى و الكلام الى بقوله بعد سنتين من استخدام اللوجان + تجربه اكتر من 10 عربيات لوجان + انى الحمد لله فاهم فى العربيات كويس اوى واكيد حعرف ان العربيه فيها abs ولا لأ
اللمبه الى بتطفى بعد 3 ثوانى من التشغيل هى لمبه واحده فقط و هى لمبه الأيرباج فقط
مهى المشكلة فى المقاوحة و تنشيف الدماغ...
لما واحد تقولة "انا سوقت الربية و مفيهاش ABS" ...
و يقولك لا اصل انا فرملت عشان افادى مش عارف ايه و العربية كانت تمام يبقى كدة فيها ABS
يبقى مفيش حل غير انك تسيبة مقتنع بفكرتة لحد ما يتصدم لما يفتح كابوت عربيتة و ميلاقيش اى حاجة ليها علاقة بالABS لا من قريب ولا من بعيد
انا مش حتفرق معايا حاجة اذا كان فيها ولا مفيهاش... انا بس مش عايز حد يبقى فاهم غلط او حد قاله معلومة غلط و يبقى مقتنع بيها كدة و خلاص و يبقى شكلة وحش قدام حد بيفهم فى العربيات او حتى و هو بيدى نصيحة لحد
انا سمعت كلام فاضى كتير و قليل فى الحاجات دى و الناس اللى بتقول اى هبل كتير جدا... اخرها واحد فى معرض قال لزبون ان "الABS فى الكروز احسن من الكرولا عشان بتاع الكروز اكبر"... بالله عليكم حد يفهمنى يعنى ايه ABS اكبر من ABS تانى؟؟؟
معلش يا رجالة... اللى عايز يعرف معلومة يسال حد فاهم و حد ثقة... و مش بقصد نفسى خالص على فكرة.. انا كل خبرتى مع العربية دى تست درايف على السريع... اللى عايز معلومة يسال حد معاه العربية و يكون "بيفهم فى العربيات" و "عارف هو راكب ايه" او راجل متطلع على موديلات العربيات المختلفة و عندة المعلومة
المشكلة فى شعب مصر انهم بيحبوا الفتى و محدش بيحب يقول معرفش... بالتالى لازم كل مصرى تلاقى عندة اجابة اى سؤال فى الدنيا... و لو طولت فى الاسئلة حتلاقى الاجابات بتنهمر كالسيل لكن حتلاقى لا فيها منطق ولا عقل
و فى النهاية ارجوكم يا جماعة... محدش يقول معلومة هو مش عارف اذا كانت صح ولا غلط... مش عيب خالص اقول معرفش... العيب انى اكون معرفش و افتى و اقول اى كلام
MMamdouh
بعد المداولات قررنا ان الحمد لله اللوجان مفيهاش abs والموقف اللى حصل معايا ده بسبب قوه الفرامل الرهيبه وانا من نظرى تعادل ال abs
وفرامل اللوجان ممتازه ولو فى كلمه فوق الممتازه كنت قولتها
والحمد لله وربنا يخليلنا لوجان الكريمه والموحبوبه
الكلام انتهى لحد هنا
شكرا
يا شباب كل اللي قولته ان لمبة ال abs بتنور و تطفي لما بدور العربية مقولتش حاجة يعني يعاقب عليها القانون و بأسلوبكم بقى هقولكم حاجة اللي مقتنع يقتنع واللي مش عاجبه ميركبهاش :) وفر نصيحتك لحد بيفهم غيرنا :)