اول مشاركة ليا

**ahmedg0g0** · 28-04-2011 08:00 PM

بجد المنتدى ده رائع لأ اكتر من رااااائع استفدت منه كتيــر مع انى لسه جديد
انا معاية 2105 مو95 و بصراحة انا مكنتش متخيل ان فى عربيات بتستحمل اللى هي بتستحمله حمالة اسية فعلاَ بس انا عندى مشكلة مجننانى العربية مش بتعدى ال100 ده لو جابتها اصلا حاسس انها ضعيفة مع ان ساعات لما بظبط الكهربة بحس انها عايزة تاكل الاسفلت و سعات بتشد مع ماركات محترمة كل مرة واحد يظبطلى الكهربة بشكل مرة حد يقولى انا قدمت و مرة انا اخرت و ده بسب انى بحط 80 انا عارف ان لازم الكهربة تبقى مظبوطة ولا مقدمة و لا مأخرة و بعدين فى حاجة فى سنة كدة فى دواست البنزين لما بوصلها صوت العربية بيتخن و مش بتسحب بالعكس دى بتبطئ روحت للميكانيكي قالى ( يا باشا ده الباب التانى بتاع الكربرتير لازم تروح لحد بتاع كربيراتير) شوية و لقيت مافيش سحب نهائى و اتضح انا الطرومبة بتاعت البنزين غيرتها و انا عند الميكانيكى بتاعى قالى على السنة بتاعت البنزين دى حاجة انا مش فاهمها قاللى ( انا مديقهالك عشان ماتكولش بنزين ) انا حاسس انى بيضحك عليا و انا هتجنن بس اعمل ايه بحب اللادا
معلش طولت عليكم بس ياريــــت يا وحوش الادا تنصحونى اعمل ايه و اروح فين

**fouaa** · 28-04-2011 08:09 PM

منور المنتدى يا كبير

**fouaa** · 28-04-2011 08:10 PM

يا باشا عاوز اقولك ان العربيه دى كويسه جدا ومعرف انها جرايه على فكره انت بس روح لحد وقولو يظبتهالك زى الفبريكه لايديق ولا ييوسع وساعتها هتلاقى فرق كبير .

**a7madramadan** · 28-04-2011 08:41 PM

نورت المنتدى ويسعدنا جميعا وجودك ..... و ان شاء الله تلاقيلها حل ... انا لو فاهم المشكلة كنت حاولت أساعدك .... بس أعتقد الموضوع تظبيط حاجات بسيطة والله أعلم :) ... وأهلا بيك كمان مرة فالمنتدى

**ahmedg0g0** · 28-04-2011 09:50 PM

ربنا يخليكوا المنتدى منور ب اصحابو الجامديـــــن

فعلا المنتدى رائع
يا fouaa انا عارف ان العربية دى ممتازة بس طلعت عينى مش عارف اعملها ايه
يعنى ياريت لو تفيدنى بمكان اروحه حد تعرفه لأ انا خلاص مش عاوز حد يلعب فيها مابقتش اثق ف اى ميكانيكى خلاص
و هل فعلاً ال80 هو اللى مخليها متكتفة كدة << مع انى مبحطش غيره كانت ساعات والله بحس انها عاوزة تاكل الطريق

**ahmedg0g0** · 28-04-2011 09:53 PM

متشكر جداَ لاهتمامكم

**keko** · 29-04-2011 07:27 AM

اسال اصحابك وشوف واحد متخصص كاربراتير بس وتابع معاه كل شهر ولا اتنين يظبط الكاربراتير ويغير اى بيكات وحشة ويظبط الكهرباء و الهواء والبنزين ويبص على البوجيهات والبوابات والفلتر لو واحد متخصص مش بتاخد معاه نص ساعة بس هاتحس ان كنت راكب كنبة وبقيت راكب عربية بتفرق جداااااااااا

**Karim_Mohy** · 29-04-2011 08:30 AM

نورت المنتدي

**ahmedg0g0** · 29-04-2011 10:47 PM

متشكر جدا يا جماعة
انا فعلا روحت لواحد فى الوراق و ظبطلى العربية 100 الحمد لله فعلا انا كنت راكب كنبة و هاتابع معاه على طووووووول
متشكر جدا لاهتمامكم

**engaass** · 29-04-2011 11:15 PM

اهلا بيك
الموضوع غالبا ان الكربراتير عايز يتظبط وفى ناس فى شبرا بتعمله
وطقم الكهربا برضه عايز يتبص عليه وفى اسبراتير الكترونى بيتكلف حوالى 400 جنية ممكن يظبط القصة دى لانه بيلغى الابلاتين والكوندنسر

الموضوع: اول مشاركة ليا

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة