العفو يا باشا
العفو يا باشا
السلام عليكم
حد يعرف مكان كويس بيشتغلوا فيه في باور الدركسيون
وجزاكم الله خيراً
العربية 1200 cc ولقيت البوبينة بتاعتها ( أو طقم الكويلات ) نوعين :
....نوع إسمه MITCO ومفروض إنه فرنساوي وسعرها 300 جنيه ( العلبة بيضاء وشكل المكعب ) وبعد ماجبتها مادورتش العربية خالص بعكس القديمة إللي كانت بتدور العربية بس بتكون متلتة ( شغالة ثلاث بساتم فقط )
.... نوع ممتاز إسمه Bougicord فرنساوي ودي سعرها 500 جنيه ( العلبة مستطيلة ولونها أصفر X أزرق )
وعلى فكرة المحل في حرفيين حلوان وبتعامل معاه من شهرين وإشتريت منه حاجات كتير لأنه أمين وأسعاره أرخص أسعار شفتها من وقت ما إقتنيت هذه السيارة الشقية
وهذا للعلم
السلام عليكم
كل عام وأنتم بخير
أحتاج مساعدتكم ....
محتاج زجاج أمامي ( بربريز أمامي ) للكليو وهل موجود الأصلي وسعره كام
هناك من أخبرني بوجود نوع تركي ب 400 جنيه وصنايعي آخر قال مافيش في مصر غير المصري
كنت ركبت النوع بتاع د. جريش من 15يوم ب 350 ويوم الوقفة حدث به شرخين من أعلى الزاوية اليمين ( عيب صناعة أو عيب تركيب ) ونظراً لأن بتاع الزجاج بيؤكد أنه نظف جيداً قبل التركيب يعني موش عيب تركيب
لو حضرتك متاكد ان مفيش اى حاجه وقعت على الازاز متسبش حقك روح ل بتاع الازاز وكمان روح ل مصنع جريش ويفضل انك تكون واخد فاتورة من المحل عشان تثبت تاريخ الشراء وحقك ميروحش
جزاك الله خيراً
سحب الميه اكيد فيه تسريب .... اما المروحه مش بتشتغل دايما او بتشتغل علي سرعه لا تتناسب مع الحرارة دي مقاومه (Resistance) دي جنب المروحه تلاقيه مكعب صاج مخرم جواه سلك ملفوف سوسته كدا هتلاقيه سايح او مقطوع زي الفيوز كدا
اعزائي اعضاء ومالكين الرينو
قدامي رينو كليو 2004 شركه بره وجوه وعامله في العداد 70000 كم وصاحبها طالب فيها 44000 يا تري مناسبه ولا ايه
ارجو الرد لان صاحبها هيبيع عشان حاجزعربيه زيرو فمستعجل عالبيع واكشف علي ايه في العربيه عشان الصراحه معنديش استعداد اصرف اي مبالغ حاليا عالسياره
احبائى خبراء الرينو وخاصة المحترم عمرو عمارة والعزيز r-gamal مشكلة عويصة حصلت معايا امبارح وانا باقفل الشنطة كانت ترتد باستمرار وترفض الاقفال وعندما حاولت الف المفتاح لف على الفاضى يمين وشمال وعند سحب المفتاح خرج معاه قلب القفل ويتهايئلى انه مقطوم واتصلت بالتوكيل قالى انه لازم اخد رقم الشاسية والموتور، مش دى المشكلة لكن المشكلة انه قالى ان ثمنه حوالى 600 جنيه وده طبعا مش معقول دلوقتى فضيت الشنطة حتى الاستبن حطيته بين الكراسى ارجو الرد العاجل العاجل وشكرا
احبائى خبراء الرينو وخاصة المحترم عمرو عمارة والعزيز r-gamal مشكلة عويصة حصلت معايا امبارح وانا باقفل الشنطة كانت ترتد باستمرار وترفض الاقفال وعندما حاولت الف المفتاح لف على الفاضى يمين وشمال وعند سحب المفتاح خرج معاه قلب القفل ويتهايئلى انه مقطوم واتصلت بالتوكيل قالى انه لازم اخد رقم الشاسية والموتور، مش دى المشكلة لكن المشكلة انه قالى ان ثمنه حوالى 600 جنيه وده طبعا مش معقول دلوقتى فضيت الشنطة حتى الاستبن حطيته بين الكراسى ارجو الرد العاجل العاجل وشكرا مع العلم بان العربية رينو كليو 2004 1200 cc
لو فى حد عندك بتاع ابواب بس يكون شغله محترم وكويس ممكن يحاول يصلحها انا كان حصل معايا موقف زى كدة من سنتين بس عكس حضرتك جيت افنح الشنطه مش عايزة تفتح والمفتاح يلف على الفاضى روحت ل واحد كويس هنا اوى ومشهور ( اسكندريه ) شال الكنبه والولد دخل فتح الشنطه وحل الطبله كلها وصلحها والحمد لله شغاله كويس وتقريبا كان فى حاجه مقطومه
شكرا العزيز r_gamal انا نازل دلوقتى رايح اشوف واحد بتاع ابواب يمكن يقدر يصلحها وربنا موجود
ياريت تطمنى لما ترجع حصل ايه ربنا معاك
شكرا لهذا المجهود الرائع للأعضاء والقائمين علي المنتدي
معايا رينو كليو 2002 1200
العربية بتطلع عادم أسود بنسبة زيادة ، وبتحرق بنزين كتير ، بالأضافة للتقطيع عند الغيارات ، وبتبطل أحيانا وتدور بعد فترة .
تم تغيير البوابة والبوجيهات وفلتر الهوا
أختفي التقطيع ولكن مازال الدخان السود من الشكمان ، ومعدل أستهلاك بنزين عالي ومازال التبطيل مستمر .
الميكانيكي بيقؤلي صبابات أو تغير الموتور، وهتدخل في حوال 5 الاف جنيه .
بصراحة أنا هطق ومش عارف أيه الحل ، ولا في أيه في العربية بالظبط
العربية لاتزيد سرعتها عن 110 كيلو .
نرجو الأفادة حول هذه المشاكل ، وحد يكون محل ثقة أتعامل معاه
طيب حضرتك حننها على كمبيوتر عشان تتاكد من الحساسات؟
انا شاكيك فى حساس الشكمان هو بيعلى استهلاك البنزين وهو المسئول عن نسبه الهواء مع البنزين
لو حضرتك ممكن تيجى اسكندريه انا بتعامل مع واحد امين جدا
شكرا ياجميل علي ردك ومتابعاتك ، بالنسبة لحساس الشكمان كنت أشتريت واحد أستيراد ، وركبته ، ولما فضلت المشكلة كما هي رجعته تاني ، وركبت بتاعي .
النهاردة بالصدفة البحتة قابلت مهندس سيارات ، وحكيلته ، قالي رشاش البنزين أو حساس البوابة .
موضوع رشاش البنزين ، علق معايا فعلا ، لأن مرة أتفك الرشاش أمامي، وكان في واحد من الأربع عيون ، متركبله عين ميجان (أنا سيارتي كليو ) ، أحتمال كبير تكون بترمي بنزين بنسبة أكبر .
أنا بحب أسكندرية جدا ، لكن مشوارها صعب عليا جدا ، تحياتي
ممكن رقم الميكانيكي ايمن اسعد لو سمحت
السلام عليكم و رحمة الله و بركاته
أنا معايا رينو كليو 2005 - 1400 سى سى أوتوماتيك كاملة و حالتها فوق الممتازة لكن عندى مشكلة فى إستهلاك البنزين ، أنا بحطلها بنزين 92 و كل شوية مؤشر البنزين ينزل و يطلع كل شوية و من غير سبب و بحط صفيحة كل أربع أيام و بمشى بالصفيحة دى حوالى 100 كيلو بس و خايف أروح التوكيل فى الوقت الحالى يخلينى أدفع مبلغ و قدره و أنا مش جاهز ماديا ، يا ريت لو حد كان جرب المشكلة دى قبل كدة يرد عليا .
شكرا
طيب ممكن يكون العيب فى العوامه بس العربيه فيها بنزين اصل غريبه ان المؤشر يطلع وينزل من غير سبب
اخى العزيز r-gamal دورت على بتاع ابواب ولا مفاتيح مفيش حد عرف وفى الآخر واحد كهربائى شاطر اشترى سنتلوك ب 25 جنيه تايوانى وركبه على القفل وخد له وصلة كهربا من الباب الخلفى وبقت تفتح وتقفل على سنتر العربية وخد 60 جنيه مصنعية واتحلت المشكلة ارخص من الاصلى ب 600 جنيه وسألت على الاستيراد لقيته ب 300 جنيه وشكرا لاهتمامك وربنا موجود
السلام عليكم انا معايا رينو كليو هاتش باك 1.2 مو 2003....عندي مشكلة و ارجو الافادة العربية مكتومة قوي و بتسقف علي كل الغيارات و مبرجلة في السلانسيه و كمان لما بدوس بنزين للاخر في السلانسيه ال ار بي ام مش بيعدي ال 5000 حتي بيقف عند 4000 و يرجع تاني و للعلم انا رحت التوكيل معرفوش العيب و عامل صيانة كاملة للعربية بوجيهات و. سيور و فلاتر...ارجو الافادة و شكرا
السلام عليكم
لاحظت اليوم أن لمبة ال check تتوهج بإستمرار ( تضئ وتطفي ) عند السرعات العالية ولا تنطفي إلا إذا بطلت السيارة ودورتها من جديد ....!
هل دة بسبب فلتر البنزين ولا إيه .........؟
نفس الإستفسار لو ممكن لأن عندي مشكلة في الباور والميكانيكي جرب طلمبة إستعمال مكان اللي راكبة وبرضه المشكلة موجودة، بعد كده قال لي يبقى أكيد الإسكاترة بس الوقت إتأخر وقالي أجي يوم تاني..
بس أنا حاسس إن المشكلة مش كدة خالص لأن الباور ساعات بيشتغل
لو حد عدت عليه المشكلة دي قبل كدة يبقى يفيدنا وله الثواب عند الله
إلى جميع رابطة الكليو ....
المشكلة طلعت شائعة وهى إتساخ بوابة الإنجكشن وأعتقد كمان إنها ممكن تحدث في كل السيارات الإنجكشن
المهم قمنا بفك المانافو حتى وصلنا للبوابة ونظفناها بإسبراي dw-40 والحمد لله الأمور ظبطت
:satelite:
وجدت عندنا في حرفيين حلوان صنايعي باور قام بفك خرطوم الزيت بتاع الباور ( لإختبار كبس الطلمبة ) وقال لي دور العربية فوجدنا كبس الطلمبة رائع لدرجة إنه لم يستطيع إنه يكتمه وطبعاً نزل على الأرض حوالي واحد كيلو زيت ( بس موش مهم ) وبكدة الطلمبة تمام وقال لي العيب في علبة الدركسيون ( الإسكاترا ) وسلمني لعفشجي بيشتغل في عفشة الباور والأخير قال ممكن تكون علبة الدركسيون عاوزة طقم إصلاح ولأن الكلام دة كان آخر نهار يوم الوقفة فقال لي تعالى بعد العيد
ملحوظة
تاجر قطع الغيار إللي بأتعامل معاه في حرفيين حلوان كان راكب توأم عربيتي ( كليو 2002) وقال لي إن طقم إصلاح علبة الدركسيون الخاص بالفيات التمبرا بتركب في عربيتي وهو كان ركبها قبل كدة ...
:satelite:
طبعاً ماكدبتش خبر وسألت عليها ...
:_Alshmokh22[1]:
لقيتها عند واحد ب 50 جنيه وعند واحد تاني ب 45
عموماً فاصل ونواصل بعد العيد إن شاء الله ...
:coming-soon[1]:
دلوقتى يا جماعة حصلت مشكلة جديدة ، الدريكسيون تقل مرة واحدة كأن مفيش باور خالص ، شوفت زيت الباور و طلع تمام و عديت على الميكانيكى قاللى دا حاجة إسمها خلاط الدريكسيون عاوز يتغير فا لو حد عارف الخلاط ده بكام او مين احسن واحد يقدر يعمله يقوللى بعد إذنكوا ، و كمان فى عندى مشكلة فى الفتيس إن السحب ضعيف جدا و لما وصلتها بالكمبيوتر طلع حوالى 12 مشكلة فى الفتيس من أهمها إن الكهربا إللى واصلة بالفتيس فيها مشكلة فا عاوز حد يقولى على واحد كويس يشوفلى المشاكل دى لأنى عديت على واحد قاللى إنت حاطط بطارية هانكوك و العربيات دى مبينفعش معاها غير فارتا بس
العربيى رينو كليو 1400 موديل 2005 اوتوماتيك
موش هقدر أفيدك غير في موضوع البطارية ... الكلام إللي إتقال لك على البطارية ليس له أساس من الصحة غير إنه بيعمل دعاية للفارتا ...
أي عربية ينفع لها أي بطارية المهم الأمبير كام
أما كون البطارية سائلة أو جافة ( وعلى فكرة مافيش بطارة جافة تماماً في مصر .. الموجود سواء فارتا أو أي نوع آخر هو نصف جاف لأنها بتحتوي على جزء سائل ) فدة بيرجع لك إنت حيث الجافة ( أو شبه الجافة إن جاز التعبير )لا تحتاج إلى صيانة ( غسيل وتزويد ماء مقطر كل فترة )
رجاء سيادتك بقى تقول لنا وضعت العربية على الكومبيوتر فين ؟
وياريت تقول لنا عملت إيه للإفادة !!
وربنا معاك
:praying:
ما هوأستهلاك البنزين في الرينو كليو 2003
لان عربيتي بتعمل 150 كيلو في 20 لتر !!!!!!!
سواقتي كلها جوة البلد و السرعة لا تزيد عن 80
مع إنها 1200 سي سي و العربية لسة شاريها و كان عددها عامل 60000 ألف كيلو
يا تري أية العيب ألي يكون فيها مع العلم إني لسة عامل ليها سرفيس كامل و مغير فلتر هواء و بنزين و زيت و مغير زيت الموتور و مغير تيل و جوان تكيهات و حساس بور
السلام عليكم عندى مشكله فى الكارته (كمبيوتر الموتور ) العربيه رينو كليو 2003 عامله 142 الف كيلو منين احصل على كارته استيراد ومين يكودها على متاح الدواره كذالك عندى رشاش قاطع هل اجيب طقم الرشاش بالمسطره كامل ولا اغير الرشاش ده فقط ولكم جزيل الشكر للتواصل ايضا على الايميل
maibraheem2001@yahoo.com