ايه اخر الاخبار التعديل فرق ولا هيه هيه متابع معاك
عرض للطباعة
ايه اخر الاخبار التعديل فرق ولا هيه هيه متابع معاك
التعديل زي الفل وفي فرق طبعا .. سرعه استجابة الدواسة .. واما بتدوس رامل بتلاقي استجابة وتدوس اكتر تلاقي استجابة اكتر .. بس في حاجه .. اما بدوس فرامل جامد مره واحده حاسس ان العربية بتعوم مش ثابته .. مش عارف ده عيب ايه .. وللعلم انا اشتريت طنابير جديده ماركة فيبي الماني مع تيل جولد كوري ولسه هركبهم بكره ان شاء الله
لان لغايه دلوقتي انا ماشي علي الطنابير القديمة .. بكره هصورهم وارفع الصور .. وربنا يتمها علي خير
لما تاخد هوا تانى و تركب الحاجة الجديدة ان شاء الله تضبط
MMamdouh
ربك يسهل يا محمد .. وطول منا ف الطريق من دمياط للقاهره امبارح كنت بدعي لك .. ان ربنا يكرمك ويوفقك للخير ديما .. لان الفرامل فرقت فعلا وعلي فكره رحت التوفيقية ولفيت كتير علي البريمبو واللمفورد ملقتش عند حد خالص .,. لقيت الفيبي بس وجبتها وبكرا هوريك صورها وصور التيل قبل ما اركب ,.. وتسلم علي طوله بالك معاايا
دي صوره طنابير ماركة فيبي الماني وتمنهم 225 جنيه من سوق التوفيقية
http://www3.0zz0.com/2011/05/14/16/981970607.jpg
ودي صورة تيل ماركة جولد كوري وتمنهم 78 جنيه من سوق التوفيقية
http://www3.0zz0.com/2011/05/14/16/958932803.jpg
وان شاء الله كمان يومين هركبهم واشوف ايه اللي هيحصل وابلغكم
ايه اخبار التعديل
حضرتك ركبت الطنابير والتيل الجديد ولا لسه
وحضرتك لما نزلت تجيب الطنابير قولتله عاوز طنابير بتاعت ايه او مقاس ايه
شكرا على رد حضرتك
ان شاء الله تركب الحاجه الجديدة على خير والفرامل تتظبط
وربنا يبارك لك فيها
السلام عليكم ...
الحمد لله ركبت امبارح الطنابير الجديده والتيل .. وطلعت جربت العربيه لقيتها احسن الحمد للله .. وعلي فكره ركبت الحاجات بنفسي وفعلا شعور جميل انك تعمل حاجتك بنفسك .. تحس انك بتنفع نفسك بنفسك ( بعيد عن العفشجيه وأرفهم ).. واشكر كل اللي ساعدني هنا .. وربنا يسترها معانا جميعا
مبروك على التعديل وربنا يكفيك شرها
مبروك علي التعديل
وياريت تقولنا الفرق بالظبط بعد الانتهاء من التعديل
ما شاء الله ولا قوه الا بالله ... الفرامل فرقت جدا جدا جدا
بعد تركيب الطنابير الفيبي والتيل الجولد واخدت الهوا بنفسي .. رحت بها مشوار من دمياط للقاهره يعني 200 كيلو رايح و200 كليو جاي ... وطبعا طول الطريق بجرب الفرامل .. حاسس بفرق فعلا .. بتدوس العربيه بتقف .. مجرد اني احط رجلي علي الدواسه وادو س دوسه خفيفه بلاقي العربيه بتهدي وكأني راكب الافيو اللي كانت عندي .. يعني خلاص فراملها ظبطت علي الشعره
جربتها كتيررر طول الطريق والحمد لله زي الفل .. انا بس ليا تعليق واحد .. اما بكون علي سرعه 120 وادوس فرامل مره واحده بلاقي العربيه زي متكون بتعوووم شويه بس الحمد لله بتقف بس تحس انها مش تحت السيطره بنسبه 100 في الميه .. مش عارف بئا ده عيب ترصيص ولا عشان ركبت صدادات خلفيه ولا ايه بالظبط .. بس بصراحه محمد ممدوح الله يبارك له مع التعديل اللي قالنا عليه .. خلاني اركب العربيه ونا مطمن .. ربنا يبارك له في صحته وفي اولاده يارب وانصح الكل بالتعديل طبعا مهما كان مكلف .. والامامي فقط بلاش الخلفي وهتحس بفرق رهييييب في العربيه .. ولعلمك انا ركبت بنفسي واللهي وكانت متعه ولذه انك بتعمل شئ لنفسك وبتتعلم فيه
انا من مؤيدي التركيب بالنفس لان الصنايعي لا يفرق عني الا الخبرة ونحن لدينا العلم والعدة ممكن شرائها بثمن المصنعية التي ستدفع للصنايعي مع الفارق في العناية بالفك والتركيب وعدم ترك السيارة لجاهل يفك ويركب فيها بجهل
وثانياً الف مبروك
العومة دي ممكن من الاطارات ( الكاوتش )
الحقنا يا زعييم الغلابه .. جيت اخد هوا تاني وانا بربط مسمارا لهوا .. ربطت جامد اوي ف المسمار حلق يعني المكان اللي علي شكل صاموله لف وبئا مدور والمفتاح مش بيعشق فيه .. بس المهم اني ربطت علي الاخر وخلصت .. علاجه ايه؟؟ اجيب مسمار غيره ولا استنا وقت اما اجي اخد هوا تاني .. امسكه بالقفاشه واخلعه؟؟ هل في خطوره .. طمنا يا ريس .. وكمان مقلتش ايه رايك في موضوع العومه دي ؟؟ هل العربيه محتاجه تظبيط زوايا او ترصيص ..؟؟ لان مكنش راكب جوانات بين الجنط والصره ودلوقتي مركب جوانات بلاستيك عشان تمسك الجنط كويس .. فهل الترصيص هيفيد ؟؟ ولا زي عدمه
بالنسبة للاكور الهوا فا دة مش قضية طالنا ربطة كويس... المرة الجاية تفكة ببنسة كلابة و تركب واحد سليم و شكرا...
و تقرصش علية تانى لان دة خفيف اوى و بيتكسر بسهولة و احمد ربنا انها جت على قد كدة... انا حصل عندى اسواء من كدة و اللاكور اتقطم نصين و الحتة القلاووز فضلت فى الكالبر و الراس اللى برة طلعت فى ايدى و اضطريت افك الكالبر و اودية لخراط عشان يطلع الحتة اللى فضلت
بالنسبة للحدفة فا طالما هى مع الفرامل فقط تبقى حاجة فى الفرامل... اما فيه كالبر فيه هوا او محشور سنة (حيبقى الكالبر اللى عكس اتجاه الكالبر)... خد هوا تانى و جرب.. و لو محصلش تحسن يبقى الكالبر عايز يتفك و يتنضف (الصوابع و البستم نفسة)
MMamdouh
انا قصدى الكالبر اللى عكس الحدفة...
الكالبر حتفكة من العربية و تطلع البستم من جسم الكالبر و تنضف كل حاجة بماء فقط و تنشفة كويس جدا و تقفلة تمام (يفضل تحط لحسة زيت باكم على اويل سيل الماستر عشان يبقى سهل تركبة) و تقفل كل حاجة تانى زى ما كانت
MMamdouh
السلام عليكم اعضاء المنتدي الكرام
بعد مرور عام تقريبا علي تعديل الفرامل .. احب اقول ان كل شئ تمام التمام .. وياريت اللي الفرامل عنده تعبانه في اللانوس يعدلها دون تردد او خوف من اي شئ
الفرامل ما شاء الله زي الفل اوي .. وما زال نفس التيل الجولد راكب عليها
وشكر خاص للاستاذ محمد ممدوح
ونشوفكم علي خير جميعا