اعرفكم بنفسي .. انا عطاء عزت من دمياط .. سيارتي لانوس كاملة اوتوماتيك موديل 99 .. وطبعا شفت العذاب مع الفرامل
غيرت لها طنابير امامي وخلفي وغيرت لها تيل امامي وخلفي وغيرت لها ماستر بالخزنه وركبت ماستر مقاس 22
كل ده طبعا خلا الفرامل احسن من الاول ولكن السياره بتزحف شويه ساعه الفرملة القوية ..
انا كنت عايش بالكويت لفتره واخر سياره ركبتها كانت افيو موديل 2008 وكنت شاريها زيرو وكانت فراملها تمام اوي
المهم انا رجعت مصر من سنه واستقريت هنا خلاص .. وناوي اعمل تعديل الفرامل الامامية مبدئيا .. وشفت سياره عصام غنايم لانه جاري هنا في دمياط ..وسالته عن تكاليف تعديل الفرامل لقيته قالي سعر خيالي .. قالي ان شغل ايده في تعديل الامامي 300 جنيه
وفي الخلفي 500 جنيه
وانه يلزمه طنابير وكاليبرات لانوس 1600 وتيل اوبترا ده للامامي
بتكاليف حوالي 500 جنيه
بالنسبه للخلفي طلب مني جنبين كاملين اوبل استرا ماكينه 2000 موديل 2003
بتكاليف حوالي 1000 جنيه
يعني كده مصنعيته 800 ومكونات امامي 500 ومكونات خلفي 1000
يبقا المجموع 2300
مع العلم انا عندي جنوط اسبور 15 وعندي ماستر 22
..............
كده السعر غالي
-----------
اللي فهمته من كل الحوار سواء في موضوع محمد ممدوح او موضوع عصام غنايم انه يلزمني حاليا .. طنابير فكترا او اوبترا وكاليبرات اسبيرو او كاليبرات افيو او اوبترا وتيل جديد وبس

بس انا متلخبط في حاجه .. هل مقاس الاوبل والفكترا نفس الشئ بالنسبه للطنابير والكاليبرات ؟؟

اولا اخويا لسه في الكويت واقدر اجيب حاجات من هناك سواء جديده او استعمال

الكويت فيها مكان للمستعمل قد الحرفيين مرتين تلاته وهناك الخيارات اوسع بكتير
بس في نقطه مهمه .. ان الكويت مفيهاش دايو الا فيما ندر لانها مش مرغوبه هناك .. الكوري بشكل عام مش مرغوب
لكن الافيو والاوبترا اهناك بالهبل .. سواء جديد او مستعمل

انصحوني بمكونات كويسه وهل مكونات الافيو افضل من الاوبترا .. ده بالنسبه للامامي

طيب والخلفي .. اجيب ايه من الكويت هل ينفع اجيب طنابير وكالبيرات خلفي للاوبترا او الافيو ؟ ولا مش هينفع

في انتظار ردكم ..وياريت تقولولي علي افضل مكونات اجيبها وخصوصا بالنسبه للكاليبرات لاني شايف انها مش متوفره هنا في مصر واللي متوفر بتوع دايو اسبيرو هيكون قديم ..وتيل ايه اللي يركب علي الكاليبر الجديد ( هل تيل الاوبترا ينفع او تيل الافيو؟ )
وفي الاخر دي صوره عربيتي .. عشان ننضم لشله اللانسسسسسوية :)