لو كل واحد بدأ بنفسه هتتغير للاحسن ان شاء الله
و حال البلد من سئ الي احسن بالتأكيد بس المهم كل واحد مننا يعمل اللي عليه
عرض للطباعة
لو كل واحد بدأ بنفسه هتتغير للاحسن ان شاء الله
و حال البلد من سئ الي احسن بالتأكيد بس المهم كل واحد مننا يعمل اللي عليه
انا بامانة مندهشة جدا من معظم الردود اللى بتنادى ان كل واحد يبدا بنفسه
هى مش المفروض انها دولة لها قانون وسيادة وثبت بالدليل القاطع ان عدم تطبيق القانون هوما أدى لاعلان ثورة 25 يناير ام ان المطلوب بعد الثورة ان نقول ان يبدا كل واحد بنفسه
طالما الموضوع هايمشى ذوق وبس يبقى ما اهمية القوانين
فلنرى الموقف بشكل اخر لو ان صاحب الموضوع حدث معه الحوار السابق كله مع تعديل بسيط وهو عدم وجود سيارات اخرى .هنا سنرحب جميعا بتطبيق القانون ولكن ان ننتظر من المواطن ان يرى عدم تطبيق القانون امام عينه والمطلوب منه ان يحترم القانون مع نفسه كدة
اتمنى من حضراتكم ان تذكرو لى دولة واحدة فقط يحترم فيها المواطن القانون من نفسه كدة بدون تطبيق عقوبات لا وايه يكون شايف ناس تانية لا يطبق عليها القانون ؟؟؟؟؟؟
تقبل مرورى
هوا سعد زغلول قالها من زمان ....... ما فيش فايدة
في دبي...السرعة القصوي لبعض الطرق 120 ومسموحلك انك تمشي لحد 139 (المفروض للتخطي)..والرادار كل 2 كم تقريبا
الناس بقي بتعمل ايه...بتمشي139 قدام الرادار وبعدين تعدي السرعة دي بين الرادارين وتنزل تاني ل 139 قدام الرادار اللي بعده............ههههههههههههههه ه
فتخيلوا بقي فيه قانون ويطبق وبرده بيحاولوا يلتفوا عليه
بس برده لازم كل واحد يبدا بنفسه...مش معقول همشي ارمي زبالة في الشارع واقول ما كل الناس بترمي...
من ناحية تانية عشان أقدر أطبق القانون لازم يكون فيه مقومات تخليني أقدر احترمه...يعني مينفعش تركن هنا ...طب أركن فين..أعمل مكان اركن فيه وانا اركن...مش مفيش خرم ابرة في الشارع وعايزني احترم القانون........هعمل ايه يعني هشيل العربية علي كتفي !!
فعلا كلكو غلطانيناقتباس:
معلش مع احترامي لحضرتك و لنرفزتك
و مع كامل عدم احترامي لعسكري الشرطة العسكرية اللي مطبقش القانون علي العربيتين و اصحاب العربيتين
و لكن بردو حضرتك غلطت لما جيت تركن في الممنوع زيهم
تعالي نتخيل اني انا و انت و خمسة ستة تانيين نازلين بعربياتنا و عاوزين نركن في نفس المكان و نجيب حاجة لمده خمس دقايق ... بقينا 8 عربيات راكنين في الممنوع . ذنب الناس الملتزمين ايه ؟؟
معلش مع كامل احترامي لحضرتك بس الموقف ده العسكري و اصحاب العربيات و حضرتك غلطانين
حضرتك حطيت نفسك في وضع انتقاد لما قبلت انك تركن زيهم
تقبل مروري و احترامي لحضرتك
انا مش من ساكني المنطقة
لكن عارف المكان اللي حضرتك ركنت فيه اللي عند البنك و جنبه بتاع 2 و نص و واقف عنده عسكري شرطة عسكرية
بس مع احترامي لكلامك هو بيكلم صح في موضوع الوقفة غلط و مش حضرتك بس لأ و معايا انا كمان و ناس كتيير لكن انا و لا قولتله اشمعني دول و لا دول
رديت قولتله حاضر دقيقة بس هسال ع قطعة الغيار اللي في ايدي ديه و جي عشان ده الوحيد اللي بيبعها و مفيش مكان اركن
قالي طب بسرعة لو سمحت
و العسكري بتاع الشرطة العسكرية اللي دايما واقف هناك انا بحترمه جداا بسبب موقف عمله
ان في ست عجوزة و راجل عجوز عايزين يعدوا و محدش اداهم فرصة هو شافهم ساب مكانه و طلع يجري وقف الشارع كله مفيش عربية تتحرك لحد ما يعيدهم و كان هيضرب واحد مكنش عايز يقف
ع الرغم ان كان في عسكري شرطة معرفش ده واقف تبع ايه ولا فكر يعمل حاجة
اما بالنسبة لاصحاب العربيتين بالرغم انهم خطأ بس ليهم عذر يعني حضرتك حط نفسك مكانهم حضرتك محلك هنا و طبعا في الظروف الحالية و سرقة العربيات اكيد هتركن قدام محلك صح ولا ايه ؟ :)
اكيد برده حضرتك ساعات بتضطر تقف غلط عشان سبب زي ما حصل عشان قطع الغيار
مش عايزين كل حاجة ناخدها قفش و نزعل كبر يا ريس
ع رأي احمد مكي
كبر الجي و روق الدي مش كده و لا ايه هههه :)
يجماعة خلص الكلام من زماااااااااااااان ...
اللي عايز يعمل حاجة يعملها ....
يجماعة أحنا 80 مليووووووووووووون ...
يعني مافيش فايدة من الكلام علي الصح والغلط لو واحد سمع في مليون غيره مش هيسمعو...
والله يجماعة انا يئست من البلد دي ومن الناس اللي كل لما نحاول نطلع خطوة لقدام يرجعونا الف لورا ...
للأسف يجماعة الناس المحترمة ف البلد دي وهم قلائل هيفضلو يعانو وسط الغوغاء ...
الحل الوحيد ان الناس المحترمة دي تسافر بلد تانية متحضرة عشان مايتحرقش دمها ..
علي فكرة الكلام ده أكيد أجدادنا قالوه قبل كده وده معناه ان البلد دي مابتتحركش خطوة .
سؤال :
كام واحد نفسه يسيب مصر ويروح أي مكان تاني ؟؟؟
لو كنا صادقين مع نفسنا ف الأجابة هنلاقي نفسنا كتييييييييير أوي ..