حاجة حرقت دمي اوي النهاردة

**abo_lamar** · 29-04-2011 12:10 AM

السلام عليكم و رحمه الله

النهاردة حصلت لي حاجة حرقت دمي اوي وخلتني احس ان مفيش فرق بين مصر قبل الثورة وبعدها .. والكوسة موجودة برضه مش حتختفي .....

انا من سكان ميدان حلمية الزيتون , هناك في صينية في ميدان ابن الحكم ( اللي من سكان الحي زيي حيعرف انا بتكلم عن ايه ) موجود يافطة بجانب الرصيف المقابل للصينية ممنوع الانتظار , بس الحلاوة ان في عربيتين راكنين جنب اليافطة على طول , انا لسه جاي اركن وراء عربية منهم عشان حشتري حاجة من محلات قطع الغيار اللي في الرصيف المقابل يعني حسبه 5 دقائق , لقيت واحد عسكري بتاع شرطة عسكرية جاي بيقولي بمنتهى العنجهية .. ممنوع الركن هنا .... قولتله اومال العربيتين دول بيعملوا ايه هنا بيتشمسوا ؟ قالي العربية دي بتاعة الست صاحبه المحل ( اكسسوارات عربيات ) والعربية التانية بتاعةالمحل بتاع البويات اللي جنبيها , طب والنبي لو انتوا مكاني تردوا عليه ازاي ؟ طبعا اتخانقت معاها وقولتله هما ماشتروش الشارع يا بيه عشان يركنوا مطرح مايحبوا وبعدين ياما الناس كلها تركن يااما محدش يركن خالص جنب اليافطة لان المساواة في الظلم عدل ولا هما مظبطينك بقرشين عشان تسكت عنهم وجاي تعمل عليا راجل .... بصراحة انا كنت متنرفظ اوي من الكوسة اللي في عز الضهر دي بالذات لما قالي لو ركنت حجيب الونش يرفعلك عربيتك , المهم الناس اتدخلت اللي في الشارع ولقيت الافندي بيكتب رقم عربيتي في ورقة بصراحة رديت عليه بكلمة سوقية شوية من نرفزتي .
ادي ياخوانا حال البلد لسه زي ماهو ماتصلحش ومش حيتصلح طول ما في نوعيات فاكرة نفسها فوق القانون كده ... خلصنا من عنجهية الشرطة طلعلنا في البخت بتوع الشرطة العسكرية .

**abdalah_hashem** · 29-04-2011 12:15 AM

يبقى مفيش الا ان كل واحد يلتزم بنفسة وان لقى غلط يتكلم ويدينة ويحاول يغيرة

**AHMED1718** · 29-04-2011 12:19 AM

اللى انتا عملته انا كان ممكن اعمل اكتر منه بس للاسف الشديد بيتعمل قضية بالتعدى

حصلتلى قبل كده وبتلاقى حجات لوز كده وانتا بتجدد

مش عارف الصح انك تعمل محضر اثبات حالة باللى حصل علشان تحفظ حقك ف حين حدوث اى شيء فيما بعد

**heshamzaky** · 29-04-2011 12:23 AM

مش حا يحصل حاجة عسكرى الشرطة العسكرية مش حا يعملك حاجة بالنمرة الى أخدها ما تقلقش

**ziours** · 01-05-2011 12:42 AM

والله الشعب المصري ده طيب فاكر ان البلد هتتغير الى الاحسن صدقوني مفيش فايده من اسوء الى اكثر سوءا
ومحدش يقول انت من يتوع الثوره المضاده وبتنجان انا بقول اللي بشوفه وبسمعه كل يوم عن حال البلد المتدهور

**medokemo75** · 01-05-2011 02:09 AM

المشاركة الأصلية كتبت بواسطة ziours

والله الشعب المصري ده طيب فاكر ان البلد هتتغير الى الاحسن صدقوني مفيش فايده من اسوء الى اكثر سوءا
ومحدش يقول انت من يتوع الثوره المضاده وبتنجان انا بقول اللي بشوفه وبسمعه كل يوم عن حال البلد المتدهور

للأسف معاك حق
من أسؤ إلى أسؤ

**ramses2** · 01-05-2011 02:31 AM

معااااااااااااااااااااااك اسواااااااااااااااااااااا اااااااااااااااااء

**ahmed1981** · 01-05-2011 02:47 AM

ملقيتش غير عسكري الشرطة الغلبان اللي بينفذ أوامر تزعله
المكان اللي إنت قلت عليه في قريب منه ونش شرطة عسكرية جاهز 24 ساعة
لو مر تفتيش وهو مش مبلغ إن عربيتك واقفه ممكن يتسجن فيها

العسكري ممكن ميكلمكش خالص وترجع متلقيش العربية أساساً
كتر خيره إنه حذرك

**a_hmed** · 01-05-2011 04:59 AM

ابدأ بنفسك المفروض متقفش اساسا فى الممنوع سواء ناس واقفة او لأ

-

الموضوع: حاجة حرقت دمي اوي النهاردة

LinkBack

أدوات الموضوع

عرض

-

-

-

-

-

المواضيع المتشابهه

حصلت حاجة عجيبة اوى النهاردة

شوفت حاجة غريبة النهاردة

حاجة حصلت النهاردة فى عداد rpm

في حاجة غريبة اوي حصلت في التكييف النهاردة

الكلمات الدلالية لهذا الموضوع

المفضلات

المفضلات

ضوابط المشاركة