افهم من كده ان حضرتك اللجنه دي كانت من غير لاسلكي
طبعا مستحيل نرجع ونقول معني انك ما شفتش مش معناه انه مش موجود
عرض للطباعة
ايه اللى يريحك طيب ؟
انى اقولك انى مكنتش مظلوم وكل الناس فوق العشر العربيات دول كلهم ولاد ستين وانا منهم والظابط ده الملاك اللى بيصرف على الشعب من التبرعات اللى بيجمعها وعمره ما اخطأ ولا هيخطىء علشان الثورة غيرته ؟
ياسيدى اعتبرنى مخطأ عن نقل التجربة ومخطىء ف انى مصعدتش الحوار لانه ف غالب الحال لما الناس تقعد تسخن فيك وتحب تثبتلهم كده وتروح تثبت حقك وتاخده من الظابط كل الرد اللى هيتردلك ان الله ينور عليك بس هوا ده طبيعة البنى ادم
لازم نوفر من اسبوعنا يومين على الاقل لو بتتعامل مع الشرطة والجهات الحكومية للشكاوى وتضيعه وانت هادى
وف الاخر انتا الوحيد اللى هيتحرق دمك
ف النهاية محبش تكون ادايقت من اسلوبى علشان انا متضايق شوية من اللى بيحصل كل يوم ف بلدنا ومحروق دمى
وتانى حاجةانا مش عيل صغير مش فاهم ايه اللى بيحصل حواليا وعارف امتا اكون غلطان وامتا اللى ادامى هوا اللى غلطان
وامتا فيه رادار وامتا لأ يعنى انتا ايه اللى عرفك ان فيه رادار وبتدافع عنه ؟
انا بقالى اكتر من اربع سنين بسافر على الخط ده بمعدل مرتين كل شهر او تلاتة وباخدها من اقصى الجنوب لاقصى شمالها يعنى اكيد مش اول ولا اخر مرة هعدى من الاتجاه ده
الاستاذ صاحب الموضوع
لو كنت مظلوم فعلا و كنت ماشي قانوني كانت كل الناس وقفت معاك
انا بالمناسبة بمشي قانوني برة مصر و جوة مصر .. طبع يعني
و سرعتي لم تزد عن 120 و في طريق سرعته القصوى 120
و لو كنت ماشي 100 و اخدني مخالفة زي ما اخدك
كنت ضيعت الربع ساعة اللي انت ضيعتها من عمرك في نرفزة و جدال
و كنت سبتله الرخص و رجعت للرادار و اتاكدت علشان انا مظلوم
انما انت معملتش كده علشان انت غلطان .. و مكلفتش نفسك تثبت لنفسك ان مفيش رادار
و غلطك بالقيادة بسرعة عالية
نفس الغلط بتاع ظابط الشرطة لو مكانش في رادار
ان محدش شايفه او محدش رقيب عليه فبيخالف القانون
ده بالضبط اللي انت عملته
و استمريت فيه بعد دفع المخالفة
ده اللي انت محتاج تفكر فيه
و على فكرة انا ماليش اي مصلحة اني اقولك الكلام ده الا النصيحة لوجه الله
فحاول تحط ده في اعتبارك و انت بترد
حضرتك راجل عاقل وبتتكلم صح جداا
بس انا موضوعى مكنش على اعتراضى على المخالفة اللى لسه هدفعها
اعتراضى ان هناك ظلم يعنى كان فيه ناس بتقسمله انها معدتش ال 100 كم -س
معنى الكلام يعنى انى لو كنت ماشى زيهم كان هيوقفنى بردو
وانا من وجودى ف الكمين الشوية دول ولا لقيته بيستقبل اى تردد على لاسلكى يتيحله انه يوقف الطابور ده كله
وبعدين حتا لو هوا عايز يعمل ناصح كان على الاقل وسط كام عربية هيمشى عربية بس الناس كلها وراها مصالح
وحتى منهم اللى نازل يتفسح مش هيضيع وقته ف الصح اللى المفروض يتعمل
ياباشا محدش عدى الا ماعمل معاه الفيلم ده فده دليل على ان فيه حاجة غلط مش معقول كل الناس غلط والظابط هوا اللى صح
بص يا ابو حميد
خلينا كده نبص من ناحيه تانيه خالص غير موقفك
انا النهارده نازل النفق بتاع شارع النيل السياحي عربيه نقل ورايا مصر يخش الشارع ده مع انه ممنوع ليه وخناقه اد كده مع امين الشرطه والظابط ويا كفاره انتم رجعتم زي الاول حسبي الله ونعم الوكيل وكل ما تتخيله من شتايم في الشرطه والظباط والداخليه مع انه هو اللي غلطان وعايز يخش شارع ممنوع مرور النقل او الميكروباصات منه
الموقف التاني واحده بتلف اليو ترن عاكسي قبل سجن طره علي الاتوستراد الظابط وقف قدمها بالنص كده(اتحرك يا حيوان احسن ما اشيلك بالعربيه هو انتم نسيتم نفسكم تاني ولا ايه) والله الراجل مسك اعصابه جدا وجيه رتبه تانيه اكبر منه وزقه من قدامه وهيه راحت فاركه وطالعه
الموقف الثالث قدام سيتي بنك مدخل مصدق من محي الدين واحد راكن صف تاني قدام البنك علي اللفه بالملي يعني العربيه اللي تلف استحاله تعرف تكمل اللف ولازم تقف وترجع بظهرك امين الشرطه يكلمه اتخانق معاه وكان هيضربوه لولا الناس هيه اللي اتلمت عليه واجبرته يحرك العربيه
الوقف الرابع الكلابش بيتحط علي عربيه راكنه هنا في مصدق السواق يرجع يلاقي الكلابش يطلع العصايه بتاعت الكوريك واديها تكسير في الكلابش لغايه ما كسره ورماه علي الرصيف
الموقف الخامس تاكسي ماشي عكس الاتجاه في شارع المصانع وانت رايح حلوان من الاتوستراد وماشي طلق وكان هيخرشم عربيه النترا صاحبها اتفاجيء بيه لا وايه نازل يتخانق كمان
عرفت بقي يا ابو حميد الناس محتقنه ليه
وكمان في مشاركات هنا ما خدمتش الموضوع خالص
يا عم سيبك من كل دا احنا اخوات واصحاب وهدفنا واحد وان اختلفت وجهات النظر والطرق
@tamer_a7
يابشمهندس انا بنيت رأيى على صدق رواية الراوى .... واللى فهمتة ان لا فى رادار يصور و ولا فية لاسلكى فى ايد الامين يستقبل بية ... يبقى علية مابنى على باطل فهو باطل ... منطق هو مخطىء ام لا فهو مخطئ واعترف انة ماشى بسرعة لكن اعتراضى كان ع اللجنة ذات نفسها و كلمة تخمين ماهو مفيش رادار يبقى ممكن يقول 115 لواحد ماشى 100 مثلا
بخصوص طلعت الساحل و الشد يااااريت الايام دى ترجع تانى ههههههههههه اصل انا اتجوزت وخلاص اللى حصل حصل هههههههه
لكن كل مرة شديت فيها طبعا عارف انى غلطان و لو خبط او عملت حادثة او اتمسكت ردار فطبعا يستاهل اللى يجرى ليا وعمرى ماحعترض !!! هههههههه بس الحمد لله ربنا بيستر وحتى الشد بيكون بالعقل بس هى اسلوب حياة و تعود انا احيانا اكون راجع من الشغل مخنوق اروح لوحدى اطلع ع الصحراوى اجرى اجرى بأقصى سرعة وبعدين ارجع تانى بحس براحة وانى فكيت وبقيت عادى سبحان الله
سواق تاكسى قاللى مرة انتم عملتم الثورة عشان تعيشوا مرتاحيين احنا بقى الثورة دى بالنسبة لينا امشى عكسى و أدى الضابط بالجذمة
طبعا كنت بتخانق معاة عشان داخل عكسى ومش عايز يرجع ... تقتكر انى وقفت اتناقش معاة ؟!! لأ طبعا مينفعش انزل و اتكلم بمستوى تفكيرى لانسان بالتفكير والعقلية دى ابدا
كان لى رأى وماذلت مصر علية .... ان اللى حيشوف نتايج الثورة دى و حيعيش ايام حلوة بسببها هم أولادنا لما يبقى عندهم 20 سنة مثلا
لكن جيلنا 25 سنة الى 40 والجيل اللى قبلينا اهالينا يعنى مش حيشوف منها حاجة
دى عقلية شعب يابشمهندس اتبنت فى 30سنة ع الفوضى والبلطجة و التطرف لازم الجيل الحالى يربى الجيل اللى جى ع النضيف عشان بشوفوا هم التغيير .....
'انا موافقك جدا ف اللى بتقوله وبشوف منه عينات كتير جدا يوميا وببقا مش طايق نفسي مع انى ممكن اتجاهل وابقا سلبي بس مبقدرش وغالبا بطلع غلطان والكل يدخل يقول وانتا مالك هوا عملك حاجة انتا :untitled 1:
المصيبة بقا ان الشرطة سايبا الناس دى كلها وبتخاف من اللى يزعقلهم وتيجى تطلعهم على الناس المحترمة اللى ماشين ف امان ربنا طبعا انا ف الموقف اللى انا حكيته ممكن تطلعونى من الناس اللى ماشين ف امان دول لانى كنت ماشى بسرعة
صدقنى ياما وقفت ونزلت ودفعت ومشيت ف الكماين مكنتش بتكلم لانى ببقا شايف بعينى مفيش غير مرة واحدة ف شهر نوفمبر اللى فات اللى عملت قرد لانى كنت متأكده انى صح ورحت قدمت شكوى ف ادارة التفتيش الداخلى وطبعا ولا اخت حق ولا باطل ولما جيت اجدد الرخص لقيت محضر معمولى على العربية بالتعدى على ظابط شرطة وهروب من كمين ومطلوب محضر صلح مع البيه ده اللى انا معرفوش بقا ودور ياريس وخد ترخيص مؤقت واحد ورا واحد لغايط مخلصتها كوسة تقدر تقولى ده تسميه ايه
ايدأ كلامى بدعاء اللهم لا شماتا
الظابط اللى عمل الموقف اللى فات فيا ده من ساعتها وكل يوم يقف نفس الوقفة ويقطع الطريق على كل الناس زى محصل معايا بالظبط بس فى ممواعيد مختلفة
وحصل كالاتى : السواقين اللى اتظلمو كام مرة وبقو يلاغو بعض بالتلفونات علشان يعرفو اللى جاى وراهم بمكانه علشان يعملو حسابهم بالسرعة القانونية
لقو ان الظابط بردو بيوفقهم ولا مجال للنقاش وعافيا
اتلمو عليه وضربوه لما بانله صحاب وادولو بالجزمة القديمة
وده كان يوم الاحد اللى فات يعنى يوم 8-5-2011
فده اكبر دليل للى كانو بيدافعو عنه ويقولو انه بيشوف شغله وكل الناس غلطانة
شوف مع انة غلطان بس تصرف السواقين دة غلط وقلة ادب و بلطجة...... أمتى نبقى بلد القانون