والله يارجالة مش عارف اقول ايه وابدأ الزاى ومش عارف الحل ايه مع الناس ولاد الحلال دول (الشرطة )


بس اللى كلنا عارفينه انهم بيهاتو بقالهم فترة ان المخالفات الفورية اتلغت

والواحد معدش عارف يصدق اللى بيتقال ف التليفزيون ولا البيانات بتاعة الجيش اللى بتطلع كل شوية ولا كلام شرف ولا ايه

اللى حصل كالاتى :

من كام يوم كنت راجع من القاهرة فى طريقى للغردقة

اللى رجع على الطريق اليومين دول كان شاف المهزلة اللى ف طريق القطامية السخنة وملفات السخنة من حوادث بالزوفة بمعدل كل 10 كيلو حادث متفهمش ايه اللى كان بيحصل ده

متفهمش بقا سرعة زائدة ولا ايه

المهم انتقلت بالسلامة لوصلة الزعفرانة راس غارب

السرعة المقررة 110 كم

وانا منكرش ان سرعتى مقلتش عن 160 كم

لقيت ف كمين غارب لجنة وكمين

قلت حمد لله على السلامة والله بشوقه بعد تلت شهور ونص لا حس ولاخبر ( فى سرى طبعا )

لقيت مثلا بتاع سبع عربيات ملاكى واتنين ميكروباص واتوبيس راكنين على جنب وزخمة تقريبا محدش بيعدى من الكمين على خير

قلت ف سرى استعنا على الشقا

لقيت الظريف ابو شرايط بتاع زمان بيقولى رخصك

رديت قلت خيير

قالى رادار 115 كم-س

قلتله ياسلام وبعدين ؟

قالى الرخص

قلتله وبعد ماديك الرخص قالى هتدفع الغرامة

قلت انا بحلم ولا ايه ياجدعان قلتله ياسيدى الفاضل مش هيا اتلغت

لقيته ف لحظة نادى للظابط وبيقولو ف واحد ممتنع ان يدينى الرخص

قلت ياواد اهدى لسه مفيش حاجة تستاهل

جه النقيب المحترم بيقولى انتا مش عايز تديلو الرخص ليه

قلتله لانه بيقولى رخصك علشان انا ماشى 115 وتعالى ادفع الغرامة

قالى وايه المشكلة ف ده كله

رديت وقلت هما مش لغوها

رد : مين دول اللى لغوها مفيش حاجة اتلغت ولا حاجة هتتلغى وراح قالى بعد ازنك الرخص واركن على جنب

قلتله اتفضل وركنت ورجعتله

قالى هتدفع ولا ايه

قلتله لا مش دافع ولو سمحت هات الرخص علشان انا مكنتش ماشى 115 وبعدين انا مش شايف حد بيبلغ ف الاسلكى على تعديات بالسرعة ف العربيات اللى جايا ورايا دى كلها وانتو بتوقفوها

قالى يعنى عايز ايه قلتله الرخص قالى مفيش مشاكل خدها
وانا هسجلها على العربية مخالفة (هتتسجل بضعف القيمة )

طبعا دمى اتحرق وقلتله طب متظبط ام الطريق بدل مانتو بتسرقو ف الناس كده وبعدين انا كنت ماشى 160 مش 115 زى مبتقولو بطلو بقا النصب ده
قالى ولا تزعل كتبلى ف المخالفة 160

مردش عليا وقعد يكتب ف ايصال كده وادانى الرخص وبيقولى انتا فاكر يعنى ان احنا هننام ف بيوتنا ونسيبكو هايصين مش انتا بردو من شباب التحرير

حسيت كده بغل ورديت وقلتله وانت بقا بتعلن ان الشرطة عادت لتنتقم عمتن ده مقامكو وكلنا عارفينه

راح مدينى الرخص وقالى اتفضل امشى من هنا بدل ماعملك جواب اعتقال (طبعا عنده حق لان الجيش جايلهم تعليمات بكده دلوقتى علشان ترجع هيبة الشرطة تانى قصددى علشان يرجعو يبقوا بلطحية تانى


طبعا ياجماعا الهدق من موضوعى ده اولا محاولة الالتزام بالسرعات المقررة علشان انا بردو غلطان ف الموقف ده لانه اديته سبب يعمل كل ده وانا لو ماشى صح والله مكنت عديتها

تانى حاجة بلاش تخلوهم يستفزوكو لانها مقصودة علشان عارفين رد الفعل وسعتها هتلاقى الشرطة العسكرية بتقوم بالواجب








لقد قمتم باستخدام عنوان (غير مناسب ولا يدل على محتوى الموضوع) وذلك يعتبر مخالفة للقاعدة رقم (16) من قواعد المنتدى لذا سيتم تغيير عنوان الموضوع إلى
(واجهتني مشكلة بسبب السرعة الزائدة)

مع حصولك على انذار

برجاء مراجعة قواعد المنتدى
مشرف ب2