حصرى لصقور نيسان تركيب gps لنيسان صنى بإمكانيات خرافية

**K_Morsy** · 02-05-2011 03:10 AM

مبرووووك يا استاذ بيشوي ...
بس لي سؤال .. هل الاستخدام بتاعه بيكون باشتراك سنوي مثلا او شهري او بدون اشتراك على الاطلاق ؟؟ .......... في انتظار ردك يا باشا
انا الحقيقة جبت موبايل سامسونج من 3 اسابيع وشغلت ال gps للتجربة فاكتشفت ان الرصيد بينتهي بسرعة وكنت اعتقد ان الخدمة دي مجانا .. لكن اكتشفت ان الخدمة مكلفة بسبب التعامل مع شبكة Vodafone 3G

**tamatemo** · 02-05-2011 06:59 AM

الف مبروك ياباشا علي ال gps

**spiderroma2010** · 02-05-2011 02:10 PM

انا شوفت بردة الجهاز دة قبل كدة و مكنتش اعرف ان امكانياتة كتير اوى كدة نا كنت فاكرة جى بى اس بس , لا بس جامدة جدا

**Mohamed_Hosny** · 02-05-2011 10:33 PM

بسم الله ما شاء الله ... ربنا يبارك ليك في الجهاز والعربية ويديك خيرهم ويقيك شرهم

بس الاهم من ده كلو أوعى تخلي الجهاز يشغلك عن الطريق الله يكرمك ..

ربنا يحفظك ويبارك فيك

**Bishoy.Girgis** · 03-05-2011 02:40 AM

المشاركة الأصلية كتبت بواسطة K_Morsy

مبرووووك يا استاذ بيشوي ...
بس لي سؤال .. هل الاستخدام بتاعه بيكون باشتراك سنوي مثلا او شهري او بدون اشتراك على الاطلاق ؟؟ .......... في انتظار ردك يا باشا
انا الحقيقة جبت موبايل سامسونج من 3 اسابيع وشغلت ال gps للتجربة فاكتشفت ان الرصيد بينتهي بسرعة وكنت اعتقد ان الخدمة دي مجانا .. لكن اكتشفت ان الخدمة مكلفة بسبب التعامل مع شبكة Vodafone 3G

الله يبارك فيك يا باشا متشكر خالص لمرورك الكريم

اولا حضرتك الجهاز مالوش اي اشتراكات خالص خالص كله مجانا مجانا . انت بتدفع ثمن الجهاز فقط لا غير

ثانيا الجهاز غير الموبايل خالص ..
يعني الجهاز بيوصل بالاقمار الصناعية علي طول اول ما بتشغل البرنامج بتاع الملاحة طبعا ده اعجاز رائع في عالم التكنولوجيا انك تتصل بالاقمار الصناعية بحتة شاشة 5 بوصة و الجهاز مالوش دعوة خالص بالموبايل او خطوط الموبايل او شبكة فودافون او موبينيل او اتصالات.
انما الموبايل عشان الملاحة تشتغل فيه فطبعا لازم يتصل بالاقمار الصناعية و كمان مزود الخدمة فودافون عشان يعمل تحديث للخرائط بالجهاز و ايضا حركة المرور

انما بالشاشة Altina اللي معايا الخرائط محدثة و حركة المرور محدثة فأنت مش محتاج اي حاجه غير اتصالك بالاقمار الصناعية و هي ديه شغلة الجهاز

و اي خدمة

**Bishoy.Girgis** · 04-05-2011 03:36 AM

المشاركة الأصلية كتبت بواسطة tamatemo

الف مبروك ياباشا علي ال gps

الله يبارك فيك يا باشا

المشاركة الأصلية كتبت بواسطة spiderroma2010

انا شوفت بردة الجهاز دة قبل كدة و مكنتش اعرف ان امكانياتة كتير اوى كدة نا كنت فاكرة جى بى اس بس , لا بس جامدة جدا

اي خدمة يا باشا و اتمني يكون الجهاز عجبك

المشاركة الأصلية كتبت بواسطة mohamed_hosny

بسم الله ما شاء الله ... ربنا يبارك ليك في الجهاز والعربية ويديك خيرهم ويقيك شرهم

بس الاهم من ده كلو أوعى تخلي الجهاز يشغلك عن الطريق الله يكرمك ..

ربنا يحفظك ويبارك فيك

الله يبارك فيك يا باشا و شاكر جدا مرورك الكريم و متقلقش ان شاء الله اخد بالي و شاكر اهتمامك

**sedyrohy** · 04-05-2011 12:10 PM

شئ رائع يا بيشوي مجهود كريم تشكر عليه

مبروك الجهاز وسؤال مهم هل وضعيه الشاشه الي على اليمين ممكن تشتتك و انت سايق ولا انت بترمي عينيك عليها و خلاص

انا شايف ان المكان بعيد و انت ممكن تكون تحطه على اديك الشمال اعلى الطابلوه

مبروووووووووووووووووووووو وووووووووك يا غااااااااااالي

**Bishoy.Girgis** · 04-05-2011 04:16 PM

المشاركة الأصلية كتبت بواسطة sedyrohy

شئ رائع يا بيشوي مجهود كريم تشكر عليه

مبروك الجهاز وسؤال مهم هل وضعيه الشاشه الي على اليمين ممكن تشتتك و انت سايق ولا انت بترمي عينيك عليها و خلاص

انا شايف ان المكان بعيد و انت ممكن تكون تحطه على اديك الشمال اعلى الطابلوه

مبروووووووووووووووووووووو وووووووووك يا غااااااااااالي

الله يبارك فيك يا محمد يا واحشنا بقينا بنشوفك بالقطارة يا عم .. فينك بقالك فترة كبيرة مدخلتش القسم ليه .. يارب يكون خير
بالنسبة لوضعية الشاشة ملائمة جدا جدا و مفيش اي تشتيت لسبب كمان انك بتسمع صوت التوجيه بتاع الملاحة علي سماعات العربية فأنت ممكن متبصش علي الشاشة خالص .. بس الحاجه اللي بجد عجبني في الملاحة انه دقيق جدا جدا
لو انت حابب تحط الشاشة في اي مكان ده حسب راحتك انت و انا برده ركبتها فوق و ركبت تحتيها ستارة فامية عشان الشاشة متكونش مطمع لحد يعدي من جنب العربية.
و اي خدمة يا جميل

**sedyrohy** · 04-05-2011 09:30 PM

المشاركة الأصلية كتبت بواسطة peaceman

الله يبارك فيك يا محمد يا واحشنا بقينا بنشوفك بالقطارة يا عم .. فينك بقالك فترة كبيرة مدخلتش القسم ليه .. يارب يكون خير
بالنسبة لوضعية الشاشة ملائمة جدا جدا و مفيش اي تشتيت لسبب كمان انك بتسمع صوت التوجيه بتاع الملاحة علي سماعات العربية فأنت ممكن متبصش علي الشاشة خالص .. بس الحاجه اللي بجد عجبني في الملاحة انه دقيق جدا جدا
لو انت حابب تحط الشاشة في اي مكان ده حسب راحتك انت و انا برده ركبتها فوق و ركبت تحتيها ستارة فامية عشان الشاشة متكونش مطمع لحد يعدي من جنب العربية.
و اي خدمة يا جميل

خير باذن الله قادم اليكم و بسرعه و بقوه

للاسف مشاركاتي قليله نسبه الي العمل لدي

**SonaSteel** · 05-05-2011 01:57 AM

هو بالنسبة لل جي بي اس في الموبايلات بيسحب فلوس بس علشان تشبكه بس بالنت (جنيه لل5ميجا في اليوم) لاي شبكة
انا معايا سامسونج وقابليها نوكيا ... وكنت مقضي اليوم كله شات وتصفح وجي بي اس ... كله بجنيه في اليوم
والخرايط بينزلها تحديث من الovi لو نوكيا
او الماركت للاندرويد

الموضوع: حصرى لصقور نيسان تركيب gps لنيسان صنى بإمكانيات خرافية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حصرى ومتجدد : جميع اسـعار قـطع غيـار ( نيسان صنـى + نيسان تيـــدا ) خـــارج التوكـيل

سؤال لصقور نيسان

سؤال لصقور نيسان

لصقور نيسان :جميــع أكود ألوان سيارات نيسان .... لعام 2011 !!!

الكلمات الدلالية لهذا الموضوع

المفضلات

المفضلات

ضوابط المشاركة