الموضوع: خواطر..فى الاختيار بين الزيرو والمستعمل

خواطر..فى الاختيار بين الزيرو والمستعمل

بسم الله الرحمن الرحيم
السلام عليكم ورحمة الله و بركاتة

سؤال بيطرح نفسة عند التفكير او فى اول مرحلة من دراسة شراء عربية

انا معايا كذا ...اجيب زيرو ولا اشوف فى المستعمل ؟
كلنا لفت نظرنا السؤال دة وأد اية بيبقى سؤال محير فى كتير من الاحيان ..
وبيبتدى بمعاك كام ..احتياجاتك اية .. وطلباتك اية فى العربية ..بتفكر فى اية ..واية رايك فى كذا ...

وفى اغلب الاحيان بينتهى بترشيح عربية معينة سواء كانت زيرو او مستعملة .
لكن هانحاول مع بعض ازاى ممكن نرتقى بالسؤال دة و نطور منة عشان نقدر ناخد اكبر استفادة ممكنة من طرح السؤال و الوصول الى افضل نتيجة منة عن طريق اننا ندى لصاحب السؤال خلفية واضحة و اساس قوى من عناصر التفكير .
خاص بنايل موتورز فقط
عشان يطرح السؤال و هو عندة خلفية قوية عن كل من ايجابيات و سلبيات كل اتجاة و بالتالى يكون الاختيار اقرب ما يكون للصواب و اكثر ما يمكن بلوغة من استفادة .
الاختيار بين الزيرو و المستعمل هى عبارة عن معادلة مرنة فيها اكثر من عنصر بيتحكم فيها ..وعشان نخلى المعادلة دى مرتكزة على ثوابت و ضوابط و عناصر واضحة هانعتبر ان اهم
خاص بنايل موتورز فقط
عنصرين بيتحكموا فى المعادلة كلها و هدف حلها بيدور بين عنصرين فقط
1- العنصر الاقتصادى من مكسب و خسارة مادية
2- عنصر تحقيق اكبر قدر من الاحتياجات الفعلية لصاحب السيارة
خاص بنايل موتورز فقط

الحقيقة موضوع الزيرو ولا المستعمل موضوع يرتبط با الاف الجنيهات وبأيام وساعات ومجهود ووقت فى اعمال صيانة و متابعة .. يعنى ترشيح عربية معينة بيعنى فى الاخر مكسب ولا خسارة وهل ستحقق احتياجات صاحبها ام لا .
خاص بنايل موتورز فقط
عشان نناقش تحديد الاختيار بين زيرو و مستعمل لازم نفهم اكتر يعنى اية كل واحد فيهم .
خاص بنايل موتورز فقط
العربية الزيرو مش عربية حلوة و بتلمع ....وخلاص ..و العربية المستعملة مش عربية مبهدلة ومشاكلها كتير ..وخلاص
عشان كدة دة بيخلينا نعرف اكتر بعمق مفهوم كل اتجاة و ما يحتوية من عوامل متعددة
خاص بنايل موتورز فقط
مفهوم الزيرو المتعارف علية و المنتشر
عربية حلوة و جميلة مفيهاش خدش واحد هاتدينى اعلى كفاءة وصيانتها فى الضمان واريح دماغى ... قصاد كل اللى حطيتة فيها .
مفهوم المستعمل المتعارف علية و المنتشر
عربية مبهدلة ..متوقع كل شوية مشكلة فيها ..هاروح كل شوية اصلحها ..مضطر استحملها ..اهى على اد فلوسى ..وامتى بقى اخلص منها و اجيب الزيرو
خاص بنايل موتورز فقط
الحقيقة ان المفاهيم دى فى حاجة كبيرة الى إعادة النظر و التفكير مرة اخرى و خصوصاً مع بعض التغيرات الحالية عن الماضى وعناصر كتير تانية بقت متواجدة فى هذا الموضوع ...ولم يعد الامر بهذة السهولة و هذا الوضوح
خاص بنايل موتورز فقط
عشان نحدد اتجاة تفكيرنا نحو اتجاة معين زيرو ولا مستعمل لازم يكون تحديدنا للآتجاة مبنى على اسس و قواعد و حقائق و معرفة كل التفاصيل الخاصة بكل اتجاة و ما يحتوية من ايجابيات و سلبيات وخبايا ..اللى هنحاول فى السطور اللى جاية نتكلم فيها و نوضحها
خاص بنايل موتورز فقط

الزيـــــــــــــــــــرو :
ايجابيات
1- معرفة تاريخ السيارة بالكامل منذ اول يوم
ودى نقطة مهمة جدا لآنك هاتبقى اول مالك للعربية و هاتبقى عارف كل شىء عنها و اية اللى اتعمل فيها و كان امتى و ممكن يستمر اد اية
2- انتظام مواعيد الصيانة
عارف امتى تروح الصيانة و مرتب نفسك لكدة و عارف تقريباً التكاليف اد اية و عارف مين اللى هايعملها
خاص بنايل موتورز فقط
3-آخذ اعلى كفاءة من العربية من اول يوم
بعد الالف الاولى بيبقى معاك اكبرة قدرة و كفاءة ممكن العربية تديها خلال عمرها كلة وذلك من حيث ( الموتور –العفشة –المكونات و الاجزاء- الكماليات كلها -....)
4-امتلاك اكبر قدر من التكنولوجى فى الوقت الحاضر وما يعنية من رفاهية و متعة للسائق و الركاب ايضاً
خاص بنايل موتورز فقط
5- شعور ان السيارة دائماً على استعداد لتلبية احتياجاتك فى اى وقت

بالاضافة الى الكثير جداً من الايجابيات المعروفة و الملموسة جداً من
(جودة –نضافة – قوة تحمل – اعلى كفاءة فى الاداء –قلة اعطال- مصاريف قليلة –راحة نفسية -......)
خاص بنايل موتورز فقط

سلبيات
1- كل خدش او احتكاك يفقدك الكثير من القيمة المالية التى اودعتها فى ثمن السيارة
2- كل يوم و كل كيلو متر مقطوع بالعربية يعنى سعر اقل فى البيع
3- وجود شريك معك لم يكن على بالك انة بهذة الاهمية الا و هو (التوكيل )
4- كون العربية زيرو لا يعنى ابداً عدم المفاجاءة بأحد العيوب المستمرة التى لم تكن تعرفها ..وعليك الان التغلب عليها او التعايش معها على الاقل
خاص بنايل موتورز فقط
5- كون العربية زيرو لا يعنى ابداً بالضرورة ظهور احد المشاكل او الاعطال الطارئة التى لم تكن تخطرلك على بال ...صحيح هاتعملها فى التوكيل مع الضمان ...ولكن لا تنسى العامل النفسى وفقدانك لزهو السيارة و ثقتك فى عربيتك الجديدة .
6- عنصر اعادة التدوير و مدى فاعلية العمر الافتراضى للقطع الجديدة فى معظم السيارات الحديثة خاص بنايل موتورز فقط
7- احساس بسيطرة العربية عليك ...يعنى العربية (مكتفاك )
نوع خاص من العناية –الخوف من حدوث اى شىء يؤثر على العربية –ارتباط الصيانة بطرف و بطريقة واحدة –مدى توافر قطع الغيار على حسب اشتراكك فى الطلب مع بقية مستخدمى هذا الموديل على قطعة معينة
8- تعرضك لخطورة المغامرة بمفردك فى حالة ان الموديل جديد او عربية حديثة العهد
خاص بنايل موتورز فقط
9- نمط استخدامك غير مناسب لعربية زيرو
على حسب الاحتياجات و الاستعمال ستكون حالة العربية بعد فترة قصيرة من الاستخدام يعنى الزيرو مبقاش زيرو فى فترة قصيرة جداً ..مما يعنى ضياع فلوس و مجهود ووقت
10-سعر اعادة البيع المقلق
من خلال متابعتك لسعر العربية فى السوق و مدى هبوط سعرها فترة بعد فترة ومدى تخوفك من سعر اعادة البيع لو احتجت فلوس العربية دى تانى
خاص بنايل موتورز فقط
طبعاً السلبيات كانت اكتر ... لآن الزيرو ملىء بالمميزات المعروفة و اللى بتجذبنا بشدة نحوة ...وبننسى ما قد يحتوية من سلبيات موجعة احياناً . والتى كان من الممكن ان تكون مؤثرة بشدة فى قرارنا للمضى فى هذا الاتجاة .
خاص بنايل موتورز فقط

المســــــــــــــــــــت عمل
ايجابيات
1- فئة اعلى ...... بسعر قليل بكتير عن سعرة الاصلى
بتاخد عربية (ماركة –موديل –موتور-وسع داخلى -....) بسعر كويس جداً بالمقارنة بسعرها الاصلى او ما يمكن اخذة بهذا المبلغ المتاح من ميزانيتك
خاص بنايل موتورز فقط
2- معرفة تاريخ هذا الموديل و عامل اية مع الناس
بتبقى عارف اية اكتر مشاكل العربية وعيوبها قبل ما تجيبها –اماكن الصيانة –قطع الغيار تلاقيها فين –و بيكون عندك تقريباً معلومات كاملة عن الموديل اللى هاتجيبة ودة هايريحك كتير بالتأكيد .
3- إذا كنت من هواة التعديلات فالطريق امامك مفتوح لعمل كل التعديلات اللى عايزها من (موتور –عفشة –جنوط –كماليات –اضافات -...)
خاص بنايل موتورز فقط
4- ثبات القيمة المالية المدفوعة فى العربية لفترة طويلة من الوقت
يعنى اللى هاتدفعة فيها هو اللى ممكن تجيبة تانى فى حالة بيعها ...بما يحتمل الزيادة او النقصان ولكن فى حدود ضيقة على حسب استخدامك و على حسب متغيرات السوق .
5- تنوع اماكن الصيانة و قطع الغيار على حسب ما تراة من اقتصادية سعر و كفاءة خدمة
6- التصرف بحرية فى العربية ..فى نمط الاستخدام و الصيانة و التنقل و المتغيرات التى ممكن ان تحدث
خاص بنايل موتورز فقط
يعنى العربية مش (مكتفاك )
سلبيات
1- التعرض للمخاطر اثناء الشراء وقد يكون ما تدفعة هو اكثر بكثير مما تأخذة
2- توقع الظهور لأحد العيوب و المشاكل القاتلة فى السعر او التنقل فى اى وقت وبأى قدر من المال
خاص بنايل موتورز فقط
3- عدم توافر او انتشار مراكز الصيانة و قطع الغيار على حسب العربية و الموديل
4- قد تكون اقتصاديات و تكاليف التشغيل اكثر من حالة الزيرو ..وبذلك تصبح صفقة المستعمل صفقة خاسرة
5- قد يواجهك مشاكل و صعوبات و بطىء اثناء اعادة البيع على حسب العربية و الموديل المختار .
خاص بنايل موتورز فقط

بالاضافة الى الكثير من السلبيات المعروفة والملموسة جداً من
(حدوث مشاكل –تكاليف صيانة –قلق من الاعطال –عدم الراحة النفسية -........)
خاص بنايل موتورز فقط

طبعاً الايجابيات كانت اكتر ... لآن المستعمل ملىء بالسلبيات المعروفة و اللى بتبعدنا بشدة نحوة ...وبننسى ما قد يحتوية من ايجابيات ممتازة احياناً . والتى كان من الممكن ان تكون مؤثرة بشدة فى قرارنا للمضى فى هذا الاتجاة .
خاص بنايل موتورز فقط

خلاصة الايجابيات و السلبيات لكل من الزيرو و المستعمل
كل من الايجابيات و السلبيات السابقة لا يهم عددها فى كل طرف ...ولكن الاهم هو ما يمثلة كل عامل و كل عنصر على احتياجاتك و اولوياتك فى التفكير ومدى اهميتة بالنسبة لك .
وبالتالى عندما تعيد ترتيب هذة العناصر فى كل طرف على حسب اولوياتك ....ستعرف الاتجاة الافضل بالنسبة لك
خاص بنايل موتورز فقط

مدى تأثير ميزانيتك على تحديد الاتجاة بين الزيرو و المستعمل
يعنى معاك كام .......من الاخر ؟
السؤال دة بعد الترتيب اللى انت عملتة للعناصر اللى فاتت فى كل اتجاة على حسب اولوياتك و
خاص بنايل موتورز فقط
احتياجاتك الرئيسية من العربية ....... هو اللى هيساهم فى تحديد اتجاهك لطرف على حساب الاخر
خاص بنايل موتورز فقط
يعنى
1- رتب العناصر الاول حسب احتياجاتك و اولوياتك
2- شوف معاك كام
وليس العكس ......(ارجوك)
خاص بنايل موتورز فقط
ولمساعدة اكتر
ممكن نقسم فئات السيارات على حسب ميزانيتك و نشوف الافضلية بتبقى لآى اتجاة
وبيكون افضل اتجاة بين الزيرو و المستعمل مبنى على هذة المقومات فى كل فئة
-عدد الموجود من الاختيارات الجيدة
-مناسبتها لجميع احتياجاتك المتوقعة
-اقل نسبة اعطال و مشاكل
-كمية الكماليات المتاحة
خاص بنايل موتورز فقط
-تكاليف التشغيل و اقتصاديات الصيانة
-وضع الاولوية للتفكير باقتصادية على حساب الراحة النفسية
-سعر اعادة البيع
خاص بنايل موتورز فقط
لو كان معاك اقل من 50 الف ج اية افضل اتجاة فى هذة الفئة ؟
-إذا كانت احتياجاتك متعددة من (وسع داخلى –عدد ركاب دائم –كماليات-قوة تحمل -.....)
وتوافرت لديك معرفة بشؤن العربيات و سككها ....... يبقى المستعمل
خاص بنايل موتورز فقط
عكس ذلك ........ يبقى الزيرو افضل
افضل الترشحيات و الاختيارات فى هذة الفئة موجودة فى ( المستعمل ) اكثر

لو كان معاك من 50 إلى 70 الف ج اية افضل اتجاة فى هذة الفئة ؟
إذا كانت اولوياتك تتلخص فى سيارة جيدة بها كماليات فقط ......... فيبقى الزيرو
اكثر من ذلك يعنى عربية جيدة و بها كماليات و ايضاً ممتعة ... يبقى المستعمل افضل
خاص بنايل موتورز فقط
افضل الترشحيات و الاختيارات فى هذة الفئة موجودة فى ( الزيرو ) اكثر

لو كان معاك من 70 إلى 100 الف ج اية افضل اتجاة فى هذة الفئة ؟
اذا كانت اولوياتك اكثر من سيارة جيدة اى و ممتعة ايضا و بها قدر عالى من الرفاهية فى الكماليات ...يبقى الزيرو
إذا كنت ترغب قدر اعلى من الفخامة او الاتقال لفئة اعلى تماماً ..... يبقى المستعمل افضل
افضل الترشحيات و الاختيارات فى هذة الفئة موجودة فى ( الزيرو ) اكثر
خاص بنايل موتورز فقط

لو كان معاك من 100 الى 150 الف ج اية افضل اتجاة فى هذة الفئة ؟
اهم عنصر بيتحكم فى هذة الفئة هو سعر اعادة البيع
يعنى لو هاتستمر بالعربية اكتر من 5 سنوات على الاقل ....يبقى زيرو
غير كدة و هاتغير خلال فترة قصيرة او بتفكر فى نوع و فئة مختلفة تماما ......يبقى المستعمل افضل
افضل الترشحيات و الاختيارات فى هذة الفئة موجودة فى ( المستعمل ) اكثر
خاص بنايل موتورز فقط

لو كان معاك اكثر من 150 الف ج اية افضل اتجاة فى هذة الفئة ؟
بالطبع زيرو بكل المقاييس
و افضل الترشحيات و الاختيارات فى هذة الفئة موجودة فى ( الزيرو ) اكثر (حالياً)
خاص بنايل موتورز فقط
عنصر آخر هام فى تحديد الاتجاة نحو الزيرو او المستعمل الا و هو عمر السيارة المستعملة
تمر السيارة بفترات من العمر كأى شىء اخر فى الحياة احياناً يتسم بالقوة آخر يتسم بالضعف و على اساس عمر السيارة يكون مدى احتياجها لآعمال تجديد و احلال لمختلف العناصر

1- من 0 الى 5 سنين الاولى فى عمر السيارة ....... افضل توقيت لشراء المستعمل .. للاحتفاظ بمعظم طاقة السيارة
خاص بنايل موتورز فقط
2- من 5 الى 7 سنين ........ توقيت غير جيد فى شراء المستعمل بصفة عامة .. لآحتياج السيارة لعمليات احلال و تجديد لعناصر مختلفة فيها
3- من 7 الى 11 سنة ....... توقيت جيد فى شراء المستعمل ... لتخطى السيارة فترة الاحلال و التغيير لمكوناتها الاساسية فى اغلب الاحيان
4- من 11 الى 13 سنة .... توقيت سىء فى شراء المستعمل ...وصول السيارة لحالة احلال و تجديد لعناصر هامة و مكلفة جداً فيها
خاص بنايل موتورز فقط
5- من 13 الى 17 سنة ... توقيت متوسط فى شراء المستعمل ... بالرغم من الحالة العامة التى وصلت لها السيارة و لكن سعرها مقابل خدماتها الى حد كبير بيكون متوازن
6- اكثر من 17 سنة توقيت سىء جداً فى شراء المستعمل ...لآن الحالة العامة للسيارة مهما كان ثمنها الاجمالى يقابلة العديد من عمليات الاحلال و التجديد و خصوصاً الغير متوقعة لبعد معرفة
خاص بنايل موتورز فقط
تاريخ السيارة و ما تم فيها .

فى النهاية ليست كل سيارة زيرو هى افضل الاختيارت ..وليس كل سيارة مستعملة هى اضعف الاختيارات و الترشيحات المتاحة و العكس صحيح , ولكن على اساس احتياجاتك و دراستك لعوامل كل اتجاة و معرفة العناصر المتحكمة فى كل طرف بيكون اختيارك السليم إن شاء الله .
خاص بنايل موتورز فقط



سعدت بكم و ارجو ان اكون قد افدتكم .
والسلام عليكم ورحمة الله و بركاتة .


هذا الموضوع لا يحتوى على قواعد ثابتة إنما هو عن تجارب شخصية او شواهد على احداث تمت او متابعة اوضاع متجددة اثبتت صحتها فى اغلب الاحوال بمرور الوقت .
خاص بنايل موتورز فقط