يابشمهندس التكييف زى اللانوس او الفيرنا فى قوته؟ واللى قاعد ورا بيوصله التكييف؟
يابشمهندس التكييف زى اللانوس او الفيرنا فى قوته؟ واللى قاعد ورا بيوصله التكييف؟
انا خايف اركبوا في العربية يبرجلها (لادا سمارة 2004 1500 سي سي انجيكشن) ياريت تطمنوني لأن لو كدة ان شاء الله اركبوا
تمام يا بشمهندس سؤال تانى بعد اذنك هو فى التوكيل الصاج اللى كان هيقطعه كان ينفع تشترى الجزء اللى اتقطع كامل؟؟ ولو كانوا قطعوا فى الصاج كان الاداء هيفضل هو هو
الاجابات بالترتيب هى: الجزء المقطوع ملحوم فى بدن العربية، وبالتالى حتى لو هتشتريه لو هتعمل حته زيه هتبقى لعبت فى لحامات الحوض ودى مسألة بتعيب العربية فى بلدنا
الأداء: لا علاقة للجزء المقطوع بالأداء، اللهم إلا لو كان هيركب مروحة سربنتينة اكبر من اللى متركبة حاليا، احنا بدلا من الجزء المقطوع رجعنا الردياتير لورا حوالى 15-20 مم
شكرا يا بشمهندس لاهتمام حضرتك
الف مبروك يا بشمهندس سبعاوى
الف مبروك يا دكتور حازم
خطوة جريئة تحسب ليكم بصراحة :)
الف مبروك على التكيف
الواحد بيلف كتير بالعربية في الجو الحر حكم الشغل التكيف يستحق التركيب من غير ما ضرر بالعربية ولا بالسحب ولا السخونة
الف مبروك على التكييف و عقبالى انشاء الله
انا فى واحد قالى اجبلك واحد بتاعها مفكوك من عربيه زيها ب 800 ايه رأيكو
طب وايه رايكم يا جماعه لو ماروتى زيرو يركب تكييف ولا بلاش يفك فى العربيه ويهينها ؟؟؟؟؟
لو سليم وشغال طبعا توكل على الله لان السعر ده خرافي بجد
انا من سنه كنت سألت في الحرفيين وكانو قالولي نجيبلك الاستيراد بتاعها وتستلمه راكب ب 1500 جنيه فممكن ده يكون كده فتوكل على الله
وايه الاهانه في الموضوع؟؟
انت هتركب فيها اوبشن تمنه مبلغ وقدره في العربيات التانيه
وبعدين لو نيتك ان العربية هتخليها عندك اكتر من سنه يبقى تمنه فيه ومتقلقش من حاجه
وبدل متهين نفسك في الحر حتهين قرشك مش اكتر....
تحياتي
انا مش قصدى خالص الاهانه الماديه انا بقصد انا العربيه هتتفك والطابلوه هيتفك واكيد هبقى خايف العربيه مترجعش زى الاول غير انى قريت وسمعت كتير ان موضوع التكييف بيبهدل الموتور وبينقص من عمره
وموضوع ان العربيه تقعد اكتر من سنه ان شاء الله انا جايبها زيرو للمدام ومش ناويين نبيعها خالص دلوقتى يا ري تفدنى
وخصوصا فى موضوع بهدله الموتور؟
انا فاهمك ياعزيزي
التابلوه هيتفك وزي مشفت في الصور رجع عندي وعند سبعاوي زي مهوا
اما عن بهدلة الماتور فده كلام مش دقيق اطلاقا
بدليل انها اساسا بتنزل في الهند في منها مكيف وفي عادي والاتنين 800 سي سي يبقى الفرق ايه؟؟؟
والهند بلدهم احر من عندنا كمان...
وطالما لا نيه للبيع يبقى لا تقلق فانت كسبان كسبان ان شاء الله
اهم حاجه عدي اول ألف كيلو واعمل صيانتهم وبعدها ممكن تتوكل على الله وتركبه
وبجد هتنتفع بيه جدا بالذات لو اغلب الطرق اللي المدام هتمشي فيها طوالي ومش زحمه....
تحياتي
معدل تدفق الهواء من فتحات التكييف وسرعته معقولة
ولا أقل من اللازم ؟
هو عنده الخامه الاصليه خرطوم نوع امريكي
هوا بيقص منه وبيحشر في اخره الماسوره المعدنية وبركب حواليها حلقه معدنيه وبيكبسها بمكبس فبتبقى ماسكه ومحكمه ومبيبقاش في تسريب...
معدل تدفق الهوا بالنسبه للتلاجه الاصليه مش فارق كتير
يعني السرعه الاولى زي الاولى ف الاصليه
التانيه والتالته بقت اعلى والمعدل انا شايفه ممتاز للراكبين الاماميين وصعب شويه للراكبين الخلفيين ومنساش ان في حملحراري على التكييف غير عادي لان المساحه الزجاجيه من العربية عاليه جدا وعن نفسي نفسي افيمها عشان استفيد بأكبر قدر ..
تحياتي
تمام يعني عنده المكبس في الورشة
الحقيقة انا بسأل لأن هناك في السوق أنواع مختلفة من الثلاجات
بعضها الهوا بتاعه قوي زي العربيات المحترمة وبيجيب في الكرسي الخلفي مرتاح
وبعضها الهوا بتاعه تعبان لأن مروحته ضعيفة
وهو ما يسبب عدم وصول التكييف للجزء الخلفي
أشكرك على سرعة ردك يا باشا
-
الحق يقال ان الكنبه الخلفيه بالليل بيوصلها التكييف
لكن الليل مش مقياس
المشكله بالنهار
والنهار مع الحمل الحراري ف الماروتي وصغر حجم الهوايات وصعوبة توجيهها (لصغرها) بيخلي الموضوع صعب عاللي ورا شويه
لكن عموما
انا كده كده معنديش حد بيركب ورا الا نادرا فمش فارقه قوي يعني
واهلا بيك ومرورك عالموضوع غالي علينا
تحياتي
معلش يا دكتور ليا عندك طلب
انا حابب اني اشوف التكييف عندك على الطبيعة
اذا كان ممكن
السلام عليكم
ألف شكر على الموضوع الرائع ومشاركتك لكل التفاصيل :)
مجهود رائع .. مجرد سؤال هوا ليه مفكرناش نركب كباس بتاع الدايو ماتيز sp10 شغال عليها حلاوة ولا كأنو شغال
هل هيا مشكلة فى الحجم ولا ايه بالظبط
http://img.alibaba.com/img/pb/390/69...691390_043.JPG
تم بحمد الله تركيب التكيف عند شريف
اللي مضايقني الحرارة بتعلى وبتكون على النصف او بعدة بحوالي 4 ميلي كدة لو مش مشغل التكيف اما لو مشغل التكيف بتكون قريبة من اول شرطة للاتش وبالتالي بيخليني اقفلة مش عارف السبب اية رجاء الافادة
شكرا لردك هروحلة بعد بكرة لاني بسافرلة من بني سويف والله المستعان وكمان قولتلة على الحاجة اللي بتعلي سحب البنزين لما بشغل التكيف تصور الحرارة بتعلى خالص وبتوصل لحد اول شرطة بعد النصف المهم اتفقت مع شريع على الاثنين
دلوقتي في حاجة الحرارة عندك بتوصل لفيت بتكيف ومن غير تكيف وكمان انت غيرت الراديتير ولا اية
انا عن نفسي هروحله بكره لان عندي مشكله النهارده حصلت ان الفريون مش بيوصل للتلاجه جوه
تقريبا الاكسبانشن فالف معلق او حاجه
عموما لو بكره مقدرتش يبقى نتقابل عنده بعد بكره الساعه 10 الصبح باذن الله
المكنه اللي بتعلي التكييف انا مركبتهاش ومش حاسس اني محتاجها
الحراره مبتعلاش لا عندي ولا عند سبعاوي ومغيرتش الريداتير ولا غيرت اي حاجه
بالعكس لما بشغل التكييف الحراره بتنزل لان المروحتين بيبقو شغالين مع بعض وعلطول
عموما شريف هيبصلك عليه ومتقلقش هيعمله ان شاء الله
انما انا اللي حاسس ان مشكلتي عويصه
النهارده الصبح كان شغال عادي لكن جيت خارج من شويه وللاسف الكباس بيشتغل بس جوه مفيش اي بروده مع انه الصبح كان شغال عادي
المشكله اني بكره مش هخلص شغل غير 8 بالليل وشكلي هنزله فعلا يوم الاتنين
لو هتقدر تيجي 10 الصبح يبقى انا وانت نتقابل سوا باذن الله
تحياتي
اوك باذن الله اقابلك عندة بس مش 10 ممكن على 12 كدة علشان الطريق لو امكن
ماتركس مستنيين رأيك في التعديل الجديد
:-)
مبروك مقدما ان شاء الله
سلامي
الف مبروك يا ريس ع التكييف شكلها هتزقزق في عقلي بس قدام شوية
الف مبروك
تقرير جميل ربنا يباركلك في السيارة والتكييف
الله ينور..مبروك عليكم..وبعدين دا حضرتك معاك الخبير سبعاوي ودا لوحده كفاية
سلام عليكم،الى كل الماروتيه
شهادة ان شركة التكييف (ساندن) اللى فى المعادى محترمة جدا وانا ركبت عندهم والشغل ماشاء الله
والتكييف الحمد لله زى الفل.
نصيحة توكلوا على الله.
معش ممكن اضيف حاجه جده المروتى الى بتنزل بتكيب اصلى مش بتكون 800 سي سي بتكون 1000 سي سي (999) دى من رخسه العربيه الى كنت بخلص فيه بس محصلش نصيب وكانت اليابانى الى هى الشكل القديم يعنى مو 94 مكيبف اصلى وانا ركبت فيه والله كان اقوى من الانسر ال 1300 تخيلو والراجل قلى ان الاصلى بيكون كده وبيكون موتورها 1000 ومصدقتش الى لمى شفت الرخسه بعينى وبازن الله انا ناوى اركب فى ال 128 الغلبانه (1300 ابارث مو 88) الى كل الناس معترضه على تركيبه بس هركبه مهمى حصل وعارف ان الاهم اهزل العربيه صح
انا اول مره اعرف انه فى ماروتى الف سى سى ....!! دا حتى تجار المواتير مش عندهم غير مواتيرها ال 800 سى سى
يا جماعة انا ركبت التكييف في الماروتي ونصيحة مني بلاش فهي فكره فاشلة لانة بيسخن العربية جاامد جوه البلد وفي الاشارات حتي لو ركبتلة مروحه تريلا هاتسخن برده , هو جميل جدا علي الطرق السريعة بس جوه البلد والاشارات مش قد كده وهاتضر تطفية وبالنسبة لفك الطابلوه عمره ما بيرجع زي ماكان حتي لو المصنع هو اللي فكة وركبة تاني , مع الوقت هاتلاقي الطابلوة بيزيق في المطبات وهاتحس انة مش زي الاول اطلاقا , من الاخر مافيش زي الحاجة اللي بتنزل فابريكة وده رأي شخصي بعد تجربة عملية في 3 عربيات ماروتي عند 3 صنايعية مختلفين.
حاليا وبعد أكثر من شهر من تركيب التكييف
الحمد لله أنا مبسطووووووووووووووووووووو ووووط
العربية ده تالت صيف ليها معايا، فى الصيفين اللى فاتوا كنت بروح البيت متكدر ومبلول وحالتى زبالة خالص
الحمد لله ديلوقتى بروح البيت بنى آدم
مع الوقت لاحظت الآتى:
1- حمل التكييف على الموتور قل جدا، مش بحس خالص بالفرق بين تشغيل التكيف وعدم تشيل التكييف غير لو كبست على الموتور حرق علشان اعدى من حد، لكن السحب العالدى ولا كأن التكييف شغال اصلا
2 تبريد الصالون تحسن عن الآول ولا ادرى لهذا سبب بس ممكن يكون السبب فى الظاهرتين 1و 2 هو ان الكباس لين
3- التأثير على سخونة العربية تحسن جدا بعد ما عملت دورة غسيل للردياتير
حاليا انا فى اكثر الأيام حرارة بشغل التكييف طول مدة الرحلة من العمل للبيت(30 الى 50 كم حسب اختيار الطريق) وسخونة السيارة فى الحدود الآمنة وانا بوصل البيت مبسوط ومش عرقان