سؤال للوحوش

**helmy1** · 29-04-2011 03:54 PM

عندى ميجان 2005 ..لسه جايبها من فتره قريبة..عايز بس اعرف اماكن المياه ..مياه التبريد ..ومياه المساحات ..وهل الميه بتتغير كل قد ايه ..انا رحت التوكيل عشان صيانة ال 70 بس ما اعرفش غير الميه او لا او حتى كشفوا عليها او لا ..والموضوع ده قالقنى انا فتحت الكبوت لقيت اتنين اماكن للميه ..والاتنين فاضيين

**zagi** · 29-04-2011 07:34 PM

لما تبقي واقف قدام العربية...القربة اللي على شمالك تحت دي قربة المساحات...وغالبا هتشوفها فاضية عشان ده مجرد وصله للقربة...القربة نفسها موجودة ورا الاكصدام على الشمال...تحت الفانوس الشمال بالظبط...

الفتحة التانية دي فتحة قربة مياه التبريد العادية...ودي ليها max مينفعش تعديه...المهم المياه تكون عند الـ max مش اعلي من كده...حتي لو حاسس انها فاضية...

**daaark** · 01-05-2011 11:37 AM

هي العربيه الميجان عامله معاك ايه و هل فيها مشاكل كتير زي ما بيقولوا ولا لا لاني بافكر اجيب واحده تنصحني بيها ولا لا

**helmy1** · 08-05-2011 04:57 AM

اشكرك zagi على المعلومات جزاك الله كل خير ..بجد كنت محتاج المعلومات دى جدا

**helmy1** · 08-05-2011 05:04 AM

استاذ daaark الميجان الحمد لله معايا تمام جدا ومريحانى وهى عربيه ممتازة فى ركوبتها ..ومشاكلها قليله اعتقد المشكله اللى قابلتنى كانت فى سعر قطع الغيار فى التوكيل بس هى برضه مش غاليه للدرجه مقارنه بباقى التوكيلات ..ومتوفر دلوقتى كل حاجة ليها فى الحرفيين وفى اى مكان ..وممكن فى مشكله تانية بحس بيها ان تكييفها مش بقوه اليابانى مثلا بس شغال تمام ..عربيه حلوة وبتستحمل انا كنت جايبها موديل 2005 ب 60 الف ..اعتقد مافيش عربيه بالامكانيات دى والاوبشنز دى واوروبى بالسعر ده ..ده رايى اتمنى انى اكون افدتك ..