اقتباس:
في حاجه هنا مش واضحه او مش مفهومه بالنسبه لي
المفترض كان ان الحمام هيكون عالي علشان الصرف هيتعمل في الأرض
دلوقتي حضرتك بتنفي ده وبتقول في منور وانهم نسيوا يعملوا سقوط للحمام ..... يعني ايه
يعني بلاطة السقف في الحمام أعلى من باقي الشقه !!!!!
يعني الحمام بيتعملوا سقوط بمستوى الخرسانة بمقدار 10 سم دة معمول في الحمام الرئيسي مش معمول في الحمام بتاع الريسبشن ومعمول للحمام دة منور عادي زي أي حمام .
معنى كده انه عامل لحضرتك حلوق الأبواب ارتفاعها 2.32
بدلاً من 2.30 مش كده؟
لأن في جزء من الحلق بيتدفن في الأرضيه بعد التشطيب
مش عارف الأرتفاع كام .
انا مش مدني ومش هأقدر افيد حضرتك في موضوع التسليح
بس اعتقد السقف يستحمل مفيش مشكله بس هو المتعارف عليه
ان التشطيب 10 سم فقط مش 15
قصدك الأرتفاع بعد الخرسانة وتركيب السيراميك مفروض يبقى 10 صح ولا فهمت غلط عموماً لو صح فهمت كلامك أعتقد 2 سم مش هيفرقوا جامد ومش هيحملوا على السقف بشكل خطر .
اللي عمله النجار ده غلط :untitled 1:
المنسوب بيتاخد من بره عند السلم الخرسانه وبيزود عليه 10 سم قيمة تشطيب الأرضيه
وبيتعمل شيرب على اساسه لباقي الشقه
على فكره على وصف حضرتك كده هو عامل كل الحلوق بنفس مستوى باب حمام الضيوف
بمعنى ان الشقه كلها مستوى واحد وفي الغالب هتبقى عاليه عن الطرقه الخارجيه بدرجه واحده
واي تعديل في الحلوق دلوقتي معناه تكسير في المحاره
يبقى بلاش تعديل الحلوق وأمري لله طالما هيبقى الزيادة 2 سم أعتقد مش مشكلة .