سؤالين هامين في تشطيب الشقة بخصوص العزل الحراري والباركيه

**AshTurbo** · 29-04-2011 04:04 PM

سلام عليكم ... أخوكم بيشطب شقة المستقبل وعاوز أقولكم أن كلمة لايص دي شوية على اللي أنا فيه طبعاً أبتداءاً من المحارة والنجارة والسباكة والنقاشة مرورا بالسيراميك والباركيه والشبابيك الألوميتال فحالتي تصعب على القذافي شخصياُ ..... المهم ركزوا معايا

السؤال الرئيسي دلوقتي عن عزل الحوائط عشان درجة الحرارة المرتفعة طبعاً كنت حابب أعرف أقدر أشتري المواد العازلة منين ولو في شركات بتركبها ممكن تقولولي عليها وخاصة في أسكندرية أكون ممتن للغاية .

السؤال الثاني بالنسبة للباركيه أيه أفضل الأنواع ولو حد يعرف الأسعار يبقى جزاه الله خيراً .

السؤال الثالث أيه أفضل شركات متخصصة في شبابيك الألوميتال وأيه هي أفضل الأنواع وخاصة اللي بتمنع الحرارة والصوت وهل الأفضل أركب الشبابيك الجرار ولا المفصلات .

خلوكم معايا يا أخواننا واللي عنده معلومة مايبخلش عليا بيها أحسن أنا العائلة كلها مسافرة وأنا بطولي هنا وكل أعتمادي على الله وعلى الحاج جوجل ربنا يباركلنا فيه وأعتمادي وعليكم .

**sayed911** · 29-04-2011 06:15 PM

انتا ناوي تعزل الحوائظ اللي على واجهات الشمس فقط ؟ ولا انتا ساكن في الأفق فها تعزل السقف كمان ضد الحرارة ؟

**maged** · 29-04-2011 06:23 PM

متابع

**magid1010** · 29-04-2011 06:35 PM

بص يا سيدى خد اللينك ده و ادعيلى و ممكن كمان تتصل بصاحب الوضوع ربنا يبارك ليه

http://www.nilemotors.net/Nile/162728-a.html

**Xander2010_Evo** · 29-04-2011 07:02 PM

متابع
بس سؤال العازل ده بيتحط ع الحيطة مثلآ قبل المحارة ولا بعدها؟؟

**midoabdeen** · 29-04-2011 07:21 PM

المشاركة الأصلية كتبت بواسطة ashturbo

سلام عليكم ... أخوكم بيشطب شقة المستقبل وعاوز أقولكم أن كلمة لايص دي شوية على اللي أنا فيه :_alshmokh08[1]: طبعاً أبتداءاً من المحارة والنجارة والسباكة والنقاشة مرورا بالسيراميك والباركيه والشبابيك الألوميتال فحالتي تصعب على القذافي شخصياُ

..... المهم ركزوا معايا

السؤال الرئيسي دلوقتي عن عزل الحوائط عشان درجة الحرارة المرتفعة طبعاً كنت حابب أعرف أقدر أشتري المواد العازلة منين ولو في شركات بتركبها ممكن تقولولي عليها وخاصة في أسكندرية أكون ممتن للغاية .
اللى شفتة معمول بالفعل قبل كدة فى ناس بتجيب الواح فل وتلصقها على الحوائط الخارجية ولو هاتغطيها بدهان يحبز يكون الدهان لونة فاتح علشان اميصاص الحرارة يكون اقل
اما بالنسبة للسقف فى ناس وهى بتبنى السقف بعولوا فية زى شريحة خرسانة وشريحة فل وماسئلنيش ازاى لانى لغاية دلوقتى مش قادر افهم ازاى بس دى انا شوفتها بالفعل قدام عينى وبعد كدة بيشد تحتيها حديد مسلح ويترتش وبعدين يعمل طبقة محارة ويكمل يغل عادى خالص
بس على فكرة الكلام دا انت هاتحسة لو الشقة فى اخر دور او الحوائط من جميع الاتجاهات معرضة للشمس انما غير كدة حرام تدخل نفسك فى دوامة هاتصرف فيها كتيررر جدا

السؤال الثاني بالنسبة للباركيه أيه أفضل الأنواع ولو حد يعرف الأسعار يبقى جزاه الله خيراً :b4_388: .
والله انا من راى مش برشح الباركية لان عيوبة كتير ومش هاتعرف تحت علية مية لو اتوسخ
ممكن لو عايز تصرف تعمل الارضية برسلين غامق (اسود مثلا) والنجارة تعملها استور دى انا شوفتها فى شقة تحفة
السؤال الثالث أيه أفضل شركات متخصصة في شبابيك الألوميتال وأيه هي أفضل الأنواع وخاصة اللي بتمنع الحرارة والصوت وهل الأفضل أركب الشبابيك الجرار ولا المفصلات .
انا بصراحة ماعرفش شركات بس موضوع جرار او مفصلات الكلام دا المكان هو اللى بيحددة ياعنى لو الشباك كبير طبعا هايتعمل جرار لو صغير يبقى مفصلات

خلوكم معايا يا أخواننا واللي عنده معلومة مايبخلش عليا بيها أحسن أنا العائلة كلها مسافرة وأنا بطولي هنا وكل أعتمادي على الله وعلى الحاج جوجل ربنا يباركلنا فيه وأعتمادي وعليكم .

ولو احتجت اى حاجة انا تحت امرك

**sara2001** · 29-04-2011 08:31 PM

المشاركة الأصلية كتبت بواسطة ashturbo

سلام عليكم ... أخوكم بيشطب شقة المستقبل وعاوز أقولكم أن كلمة لايص دي شوية على اللي أنا فيه :_alshmokh08[1]: طبعاً أبتداءاً من المحارة والنجارة والسباكة والنقاشة مرورا بالسيراميك والباركيه والشبابيك الألوميتال فحالتي تصعب على القذافي شخصياُ

..... المهم ركزوا معايا

السؤال الرئيسي دلوقتي عن عزل الحوائط عشان درجة الحرارة المرتفعة طبعاً كنت حابب أعرف أقدر أشتري المواد العازلة منين ولو في شركات بتركبها ممكن تقولولي عليها وخاصة في أسكندرية أكون ممتن للغاية .

السؤال الثاني بالنسبة للباركيه أيه أفضل الأنواع ولو حد يعرف الأسعار يبقى جزاه الله خيراً :b4_388: .

السؤال الثالث أيه أفضل شركات متخصصة في شبابيك الألوميتال وأيه هي أفضل الأنواع وخاصة اللي بتمنع الحرارة والصوت وهل الأفضل أركب الشبابيك الجرار ولا المفصلات .

خلوكم معايا يا أخواننا واللي عنده معلومة مايبخلش عليا بيها أحسن أنا العائلة كلها مسافرة وأنا بطولي هنا وكل أعتمادي على الله وعلى الحاج جوجل ربنا يباركلنا فيه وأعتمادي وعليكم .

بخصوص عزل الحوائط اسأل في كيماويات البناء الحديث له فروع كتير في كل مكان
بالنسبه للباركيه افضل الأنواع الأرو وسعر المتر بالتركيب حوالي من 320 : 400 جنيه
وده ارو مسمار او بلاطات باركيتري وبتركب على علفه برضه
وبالنسبه للألوميتال ممكن تستخدم قطاع الجامبو او الجورجيا دبل جلاس لعزل الصوت
واختيار الشباك جرار او مفصلي بيعتمد على حجم الشباك والمكان اللي هيتفتح فيه
لو الشباك كبير الجرار هيكون افضل في الحاله دي
ولو صغير 90 سم او اقل الأفضل يفتح مفصلي

**blazer** · 29-04-2011 11:18 PM

ياريت توضحوا للسائل
سعر متر الباركيه
بيبقى متر طولى والعرض *30 سم
ولا انتى قايلين ليه متر مربع
انا عموما يا جماعه عندى كاتلوجات كتيييييير وبعضها فيه اسعار خصوصا للحمامات
اللى عاوزها ممكن اصور ليه اللى هو محتاجه منها

واللى عاوز افكار جديده للدهانات يقولى وانا اوريهاله

**korkor** · 29-04-2011 11:30 PM

المشاركة الأصلية كتبت بواسطة ashturbo

سلام عليكم ... أخوكم بيشطب شقة المستقبل وعاوز أقولكم أن كلمة لايص دي شوية على اللي أنا فيه :_alshmokh08[1]: طبعاً أبتداءاً من المحارة والنجارة والسباكة والنقاشة مرورا بالسيراميك والباركيه والشبابيك الألوميتال فحالتي تصعب على القذافي شخصياُ

..... المهم ركزوا معايا

السؤال الرئيسي دلوقتي عن عزل الحوائط عشان درجة الحرارة المرتفعة طبعاً كنت حابب أعرف أقدر أشتري المواد العازلة منين ولو في شركات بتركبها ممكن تقولولي عليها وخاصة في أسكندرية أكون ممتن للغاية .

السؤال الثاني بالنسبة للباركيه أيه أفضل الأنواع ولو حد يعرف الأسعار يبقى جزاه الله خيراً :b4_388: .

السؤال الثالث أيه أفضل شركات متخصصة في شبابيك الألوميتال وأيه هي أفضل الأنواع وخاصة اللي بتمنع الحرارة والصوت وهل الأفضل أركب الشبابيك الجرار ولا المفصلات .

خلوكم معايا يا أخواننا واللي عنده معلومة مايبخلش عليا بيها أحسن أنا العائلة كلها مسافرة وأنا بطولي هنا وكل أعتمادي على الله وعلى الحاج جوجل ربنا يباركلنا فيه وأعتمادي وعليكم .

بالنسبه لموضوع العزل الحرارى للواجهات علشان تعمله صح الصح وزى الكتاب مابيقول الموضوع هيكلفك شويه وكمان هتضيق الاوده اللى على الواجهه شويه هتبنى حيطه مبانى تانيه موازيه لحيطه الواجهه ويكون فى فراغ بين الحائطين حوالى 10 سم وبيتملى الفراغ ده بمواد مقاومه للحراره زى البوليسترين الازرق وبتمحر بقى الحيطه الداخليه وكده هتضمن عزل حرارى بنسبه عاليه بس انا شايف ان الكلام ده مكلف ومالوش لازمه اوى يعنى لان علشان ضمان العزل الحرارى لازم تكون الشبابيك برده من النوع الدبل علشان نقل الحراره والصوت .

بالنسبه للباركيه احسن واضمن نوع هو الباركيه المسمار وده بيكون على حاجه اسمها فلصه وعلفه هو غالى شويه وسعره تقريبا زى الاستاذه ساره ما قالت والسعر بيكون للمتر المسطح للباركيه والمتر الطولى وزر .