حد بيبيع قطع غيار ميجان في اسكندرية

**daaark** · 29-04-2011 04:22 PM

لسلام عليكم
يا رجالة محتاج حد بتاع قطع غيار lميجان 2008 جديد او استيراد ضروري
ياريت حد يقوللي اسمهم و اماكنهم في الاسكندريه

و ياريت لو حد معاه ميجان وبيتعامل مع ميكانيكي او كهربائي بيفهم في الميجان الجديد كويس ياريت يقوللي عليه فين في الاسكندرية

**ramy_gamal** · 29-04-2011 07:18 PM

محل قطع غيار الوشاحى فى محطه الرمل خلف سينما مترو
حمدى بيرو فى مدينه الحرفيين ممتاز جدا جدا مدخل ال bmw اخر الشارع شمال فى يمين تلاقيه على الشمال كنت لسه عندة النهاردة قوله من طرف رامى اللى معاة الكليو البوستاج

**daaark** · 30-04-2011 10:39 AM

اشكرك اوي يا رامي اصل انا كنت عايز اجيب حته ميجان 2007 2008 كده لاني ركبتها و عجبتني اوي فا دايما اسمع نها ملهاش قطع غيار ومحدش بيفهم فيها و دايما الشعب المصري بيفتي في الحاجات دي لان والدي معاه فيكترا وقبل ما نجبها كله حذرني منها و بتاع واشتريتها برخص التراب وطلعت عربيه جميله جدا و قطع غيارها مش غالية خااااالص .. فا قولت بالنسبة للميجان اسئل الاول قبل ما اخد اي خطوة اسئل الاول اهل الخبرة و بجد اشكرك اوي علي المساعدة

**ramy_gamal** · 01-05-2011 12:04 PM

العفو يا باشا بس العربيه دى بجد مظلومه هنا فى مصر قطع الغيار متوفرة وكمان فى ناس كتير بيشتغلو فيها بره الضمان على مستوى التوكيل واحسن

**daaark** · 01-05-2011 12:30 PM

يا رااااجل ... يعني ادوس فيها ... بس لو حصلت حاجه فيها هاتلاقيني باتصل بيك اقولك الحقني لاني بصراحه لسه اول مرة اركب فرنساوي ( محتار بين ال307 و الميجان ) ولو اسعار قطع غيارها زي الالماني يبقا تمام لاني متعود علي الالماني

**ramy_gamal** · 01-05-2011 02:25 PM

عربيه ممتازة وسعرها قليل اوى على فلوسها بس شوف انت ميال ل ايه اكتر وايه الفرق بين دي ودي لان انا معنديش فكرة عن ال 307 شوف الموتور والفرق فى الكماليات وحاجه كمان اهم وهو الامان الامان فى الميجان مالوش حل واحد قريبى كان مسافر بيها الشتا اللى فات على الصحراوى و فى وصله من الوصلات دخل فى الفاصل الاسمنتى وكان ماشى على 130 العربيه ولا يمين ولا شمال بغض النظر عن التلفيات بس امان عالى جدا

**daaark** · 01-05-2011 07:57 PM

قشطه ..بس اقولك بصراحة ال307 شكلها من بره اصيع بس طبعا في الاول و في الاخر الحاله هي اللي هاتحكم علي العربيه و الفلووووووس طبعا هاتحكم عليا
و اكيد هاقولك انا رسيت علي ايه في الاخر

**Mzeid** · 01-05-2011 08:08 PM

'طيب ممكن سؤال يا رامي بعد إذن صاحب الموضوع

الناس دي عندها مواتير رينو علشان واحد صاحبي عنده رينو رينبو و عايز يغير لها الموتور و قصدني أعرف له بيتباعوا فين في إسكندرية ؟

و حمدي بيرو دة أنت تقصد أنه هناك عند bmw اللي في محرم بك ؟

**ramy_gamal** · 01-05-2011 09:18 PM

المشاركة الأصلية كتبت بواسطة Mzeid

'طيب ممكن سؤال يا رامي بعد إذن صاحب الموضوع

الناس دي عندها مواتير رينو علشان واحد صاحبي عنده رينو رينبو و عايز يغير لها الموتور و قصدني أعرف له بيتباعوا فين في إسكندرية ؟

و حمدي بيرو دة أنت تقصد أنه هناك عند bmw اللي في محرم بك ؟

الوشاحى معندوش مواتير حمدى ممكن يدلك تجيب منين لما كنت عندة كان جايب موتور كليو استعمال ل واحد ممكن تساله وهو يقلك تنزل عند مين ومكانه المنطقه الصناعيه اللى فى محرم بك وعلى ناصيتها ال bm